________________
बंधन करण-प्ररूपणा अधिकार : परिशिष्ट १
२४७ एयं पढमं ठाणं एवमसंखेज्ज लोगठाणाणं । समवग्गणाणि फड्डाणि तेसि तुल्लाणि विवराणि ॥४६॥ ठाणाणं परिवुड्ढी छट्ठाणकमेण तं गयं पुट्वि । भागो गुणो य कीरइ जहोत्तरं एत्थ ठाणाणं ॥५०॥ छट्ठाणगअवसाणे अन्नं छट्ठाणयं पुणो अन्न । एवमसंखालोगा छट्ठाणाणं मुणेयव्वा ॥५१॥ सव्वासिं वुड्ढीणं कंडगमेत्ता अणंतरा वुड्ढी । एगंतराउ वुड्ढी वग्गो कंडस्स कंडं च ॥५२॥ कंडं कंडस्स घणो वग्गो दुगुणो दुगंतराए उ। कंडस्स वग्गवग्गो घण वग्गा तिगुणिया कंडं ॥५३।। अडकंड वग्गवग्गा वग्गा चत्तारि छग्धणा कंडं । चउ अंतर वुड्ढीए हेट्ठट्ठाण परूवणया ॥५४॥ परिणामपच्चएणं एसा नेहस्स छव्विहा वुड्ढी । हाणी व कुणंति जिया आवलिभागं असंखज्ज ॥५५॥ अंतमुहत्तं चरिमा उ दोवि समयं तु पुण जहन्नणं । जवमज्झविहाणेणं एत्थ विगप्पा बहुठिइया ॥५६॥ सुहमणि पविसंता चिट्ठता तेसि कायठिइकालो। कमसो असंखगुणिया तत्तो अणुभागठाणाई ॥५७।। कलिबारतेयकडजुम्मसन्निया होंति रासिणी कमसो। एगाइ सेसगा चउहियंमि कडजुम्म इह सव्वे ।।५८।। सव्वत्थोवा ठाणा अणंतगुणणाए जे उ गच्छति । तत्तो असंखगुणिया णंतरवुड्ढीए जहा जेट्ठा ॥५६।। होति परंपरवुड्ढीए थोवगाणंतभाग वुड्ढा जे । अस्संखसंखगुणिया एकं दो दो असंखगुणा ॥६०॥ एगट्ठाणपमाणं अंतरठाणा निरंतरा ठाणा। कालो वुड्ढी जवमज्झ.. फासणा अप्पबहु दारा ॥६१॥
