________________
पंचसंग्रह (५) भूओगारप्पयरग अव्वत्त अवटिओ य विन्नेया । मूलुत्तरपगइबंधणासिया ते इमे सुणसू ।।१२।। इगछाइ मूलियाणं बंधट्ठाणा हवंति चत्तारि । अबंधगो न बंधइ इइ अव्वत्तो अओ नत्थि ।।१३।। भूओगारप्पयरगअव्वत्त अवटिया जहा बंधे। उदओदीरणसंतेसु वावि जहसंभवं नेया ।।१४।। बंधढाणा तिदसटु दसणावरणमोहनामाणं । सेसाणेगमवट्ठियबंधो सव्वत्थ ठाणसमो ।।१५।। भूओगारा दोनवछयप्पतरा दुगट्टसत्तकमा । मिच्छाओ सासणत्तं न एक्कतीसेक्क गुरु जम्हा ।।१६।। चउ छ दुइए नामंमि एग गुणतीस तीस अव्वत्ता । इग सत्तरस य मोहे एक्केक्को तइयवज्जाणं ।।१७।। इगसयरेगुत्तर जा दुवीस छब्बीस तह तिपन्नाई। जा चोवत्तरि बावविरहिय बंधाओ गुणतीसं ।।१८।। एक्कार बार तिचउक्कवीस गुणतीसओ य चउतीसा। चउआला गुणसट्ठी उदयट्ठाणाइं छव्वीसं ।।१६।। भूयप्पयरा इगिचउवीसं जन्नेइ केवली छउमं । अजओ य केवलित्तं तित्थयरियरा व अन्नोनं ॥२०॥ एक्कारबारसासी इगिचउपंचाहिया य चउणउई। एत्तो चोद्दसहिय सयं पणवीसाओ य छायालं ।।२१।। बत्तीसं नत्थि सयं एवं अडयाल संत ठाणाणि । जोगि अघाइच उक्के भण खिविउं घाइसंताणि ।।२२।। साइ अधुवो नियमा जीवविसेसे अणाइ अधुवधुवो। नियमा धुवो अणाई अधुवो अधुवो व साई ।।२३।। उक्कोसा परिवडिए साइ अणुक्कोसओ जहन्नाओ। अब्बंधाओ वियरो तदभावे दो वि अविसेसा ॥२४।।
Jain Education International
For Private & Personal Use Only
www.jainelibrary.org
