________________
परिशिष्ट कर्मग्रन्थ भाग - १
रविबिंबे उ जियंगं, तावजुयं आयवाउ न उ जलणे । जमुसिणफासस्स तहिं, लोहियवन्नस्स उदउ त्ति ।। ४५ । । अणुसिणपयासरूवं, जियंगमुज्जोयए इहुज्जोया । जइदेवुत्तरविक्किय- जोइसखज्जोयमाइ व्व ।। ४६ ।। अंगं न गुरु न लहुयं जायइ जीवस्स अगुरुलहुउदया । तित्थेण तिहुयणस्स वि, पुज्जो से उदओ केवलिणो ।। ४७ ।। अंगोवंगनियमणं, निम्माणं कुणइ सुत्तहारसमं । उवघाया उवहम्मइ सतणुवयवलंबिगाईहिं ।। ४८ । । बितिचउपणिदिय तसा, भायरओ बायरा जिया थूला । नियनियपज्जत्तिजुया पज्जत्ता लद्धिकरणेहिं । । ४९ । । पत्तेय तणू पत्ते - उदयेणं दंतअट्ठमाइ थिरं । नाभुवरि सिराइ सुहं, सुभगाओ सव्वजणइट्ठो ।। ५० ।। सुसरा महरसुहझुणी, आइज्जा सव्वलोयगिज्झवओ । जसओ जसकित्तीओ, थावरदसगं विवज्जत्थं ।। ५१ ।। गोयं दुहुच्चनीयं, कुलाल इव सुघडभुंभलाईयं । विग्धं दाणे लाभे, भोगुवभोगोसु वीरिए य ।। ५२ ।। सिरिहरियसमं एयं, जह पडिकूलेण तेण रायाई । न कुणइ दाणाईयं, एवं विग्घेण जीवो वि । । ५३ ।। पडिणीयत्तणनिण्हव उवघायपओसअंतरायणं ।
अच्चासायणयाए, आवरणदुगं जिओ जयइ ।। ५४ । । गुरुभत्तिखंतिकरुणा-वयजोगकसायविजयदाणजुओ । दढधम्माई अच्चइ, सायमसायं विवज्जयओ ।। ५५ ।। उमग्गदेसणामग्ग- नासणादेवदव्वहरणेहिं ।
२३६
Jain Education International
-
For Private & Personal Use Only
www.jainelibrary.org
