Page Text
________________
५२
धम्मिल्लहिंडीए [ धम्मिल्लस्स तवासेवण पओसे आगंतवं ति । तेण तहा कयं । ततो सा असोगवणियाए सेज पत्थरऊण जोगमजं च गिण्हिऊण विणीयगसहिया अच्छइ । सो आगतो । ततो तीए सोवयारं मजं से दिण्णं । सो य तं पाऊण अचेअणसरीरो जाओ। ताते तस्सेव य संतियं असिं कड्डिऊण सीसं छिण्णं । पच्छा विणीयगो भणिओ-तुमे अणत्थं कारिया, तुज्झ वि सीसं छिंदामि त्ति। 5 तेण पायवडिएण मरिसाविया । विणीयगेणं धणसिरिसंदिटेणं कूयं खणित्ता निहिओ।
ततो अन्नया सुहासणवरगया धणसिरी विणीयगेण पुच्छिया-सुंदरि! तुमं कस्स दिन्ना ? । तीए भणियं-उजेणिगस्स समुददत्तस्स दिण्णा । तेण भणियं-'वच्चामि, अहं तं गवेसित्ता आणेमि' त्ति भणिउं निग्गओ । संपत्तो य नियगभवणं पविट्ठो, दिट्ठो य अम्मापिऊहिं, तेहि य कयंसुपाएहिं उवगूहिओ । ततो तेहिं धणसत्थवाहस्स लेहो 10 पेसिओ 'आगतो मे जामाउओ' त्ति । ततो सो वयंसपरिगहिओ माता-पितीहि य सद्धिं
ससुरकुलं गतो । तत्थ य पुणरवि वीवाहो कओ । ततो सो अप्पाणं गूहेंतो धणसिरीए विणीयगवेसेणं अप्पाणं दरिसेइ । रयणीए य वासघरं गतो दीवं विज्झवेऊण तीते सह भोगे भुंजइ । ततो तीए तस्स रूवदसणनिमित्तं पच्छण्णदीवं ठवेऊण तस्स रूवोवलद्धी कया । दिह्रो य णाए विणीयओ । ततो तेण सबं संवादितं ॥
तं भयवं! अणेगंतो एस महिलाणं ति ॥ धम्मिल्लस्स तवासेवणं तवफलपत्ती य
मम पुण माउ-पिउ-विभवविओगविहुँरियस्स दुक्खियस्स उवायं साहिउं पसीयह, जेण अहं विभवं पोवेमि. अवितिण्हकामभोगो इहलोइयसुहाई इच्छामि त्ति । ततो तेण
लवियं-'अत्थि जिणसासणे बहवे उवाया दिट्ठा विजाफल-देवयप्पसाया य. तत्थ देव20 याओ उववासेहिं भत्तीए य आराहियाओ जहाचिंतियं फलं देंति. विजाओ य पुरचर
ण-बलिविहाणेहिं सिझंति. उववासविहीओ य बहुविहँप्पयाराओ, जा इहलोए परलोए य फलं देति. तत्थ पुण अमोहं उववासं साहुणो भणंति. जो छम्मासे आयंबिलं करेइ तस्स इहलोइया इच्छियफलसंपत्ती होइ' त्ति भणिए तेण भणियं-भयवं! अहमायंबिलं
करेमि त्ति । ततो सो तेण दवलिंगं गिण्हाविओ, अणुरूवं च उवगरणं दत्तं । ततो उव25 वासं (आयंबिलं) काउं पयत्तो । फासुएणं भिक्खा-पाणएणं अइकंता य से छम्मासा ।
ततो तेणं तवचरणेणं किलामियसरीरो परिचत्तोवगरणो अगडदत्तस्स पाए पणमिऊण निग्गओ । वच्चंतेण य एगं भूर्यघरं दिलु, तत्थ य पविट्ठो अच्छइ, ताव य सूरो अत्थमिओ । तवकिलामियसरीरो पसुत्तो। देवयाए य लवियं
आसस वीसस धम्मिल!, लैंब्भिसि माणुस्सए तुम भोए । बत्तीसं कण्णाओ. विज्जाहर-राय-इव्माणं ॥
१. १ कहियं शां०॥ २ सो अप्पाणं न दरिसेइ । रयणी उ २ विना ।। ३ स्स रूवस्सख्वदं० उ २ विना ॥ ४ विरहिय शां० विना ॥ ५ पावामि उ २ ॥ ६ भत्तीय य शां० ॥ ७°विधप्प° उ २॥ ८ बिले शां०॥९°यगघरं उ २ विना॥१० लहिजसि क ३ ॥
Jain Education International
For Private & Personal Use Only
www.jainelibrary.org
| SR No. | 001888 |
| Book Title | Vasudevhindi Part 1 |
| Original Sutra Author | Sanghdas Gani |
| Author | Chaturvijay, Punyavijay |
| Publisher | Atmanand Jain Sabha |
| Publication Year | 1930 |
| Total Pages | 210 |
| Language | Sanskrit |
| Classification | Book_Devnagari, Story, & Literature |
| File Size | 18 MB |