Page Text
________________
धम्मिल्लहिंडीए [समुद्ददत्तस्स थीजाई पइ विरागया पत्तो भगवयगीयासु सुत्तओ अत्थओ य विदितपरमत्थो । सो य तं समुददत्तं दारगं गिहे परिवायगस्स कलागहणत्थे' ठवइ, 'अन्नसालासु सिक्खंतो अण्णपासंडियदिट्ठी हवेजा'।
ततो सो समुददत्तो दारगो तस्स परिवायगस्स समीवे कलागहणं करेमाणो अण्णया कयाइ 'फलगं ठवेमि' त्ति गिहं अणुपविट्ठो । नवरिं च पासइ नियगजणणी तेण परिवाय5 गेण सद्धिं असब्भमायरमाणीं । ततो सो निग्गतो इत्थीसु विरागसमावण्णो 'न एयाओ कुलं सीलं वा रक्खंति' त्ति चिंतिऊण हियएण निबंधं करेइ, जहा-न मे वीवाहेयवं ति । ततो से समत्तकलस्स जोवणत्थस्स पिया सरिसकुल-रूव-विहवाओ दारियाओ वरेइ । सो य ता पडिसेहेइ । एवं तस्स कालो वञ्चइ ।
अण्णया तस्स सम्मएणं पिया सुरदुमागतो ववहारेणं । गिरिनगरे धणसत्थवाहस्स 10 धूयं धणसिरि पडिरूवेणं सुंकेणं समुद्ददत्तस्स वरेइ । तस्स य अन्नायमेव तिहिगहणं
काऊण नियनगरमागओ । ततो तेण भणितो समुद्ददत्तो-'पुत्त! मम गिरिनयरे भंडं अच्छइ, तत्थ तुमं सवयंसो वच्च. ततो तस्स भंडस्स विणिओगं काहामो' त्ति वोत्तूण वयंसाण य से दारियासंबंधं संविदितं कयं । तओ ते सविभवाणुरूवेणं निग्गया, कहावि
सेसेण य पत्ता गिरिनयरं । वाहिरओ य ठाइऊणं धणस्स सत्थवाहस्स मणुस्सो पेसिओ, 15 जहा 'ते आगओ वरो' त्ति । ततो तेण सविभवाणुरूवा आवासा कया, तत्थ य आवा
सिया । रत्तीए आगया भोयणववएसेणं धणसत्थवाहगिहे, धणसिरीए पाणिग्गहणं कारिओ । ततो सो धणसिरीए वासगिहं पविट्ठो । ततो णेणं पइरिकं जाणिऊण तीसे धणसिरीते चम्मदि दाऊण निग्गओ, वयंसाण य मज्झे सुत्तो । ततो पभायाए रयणीए
सरीरावस्सकहेउं सवयंसो चेव निग्गतो बहिया गिरिनयरस्स । तेसिं वयंसाणं 20 अदिट्टतो चेव नहो । ततो से वयंसेहिं आगंतूणं [*सागरचंदस्स*] धणसत्थवाहस्स य परिकहियं 'गतो सो' । तेहिं समंततो मग्गिओ, न दिट्ठो । ततो ते दीणवयणा कइवयाणि दिवसाणि अच्छिऊण धणसत्थवाहमापुच्छिऊर्णं गता नियगनयरं । ___ इयरो वि समुद्ददत्तो देसंतराणि हिंडिऊण केणइ कालेण आगंतो गिरिनयरं कप्पडियवेस
छण्णो परूढनह-केस-मंसु-रोमो। दिट्ठो णेण धणसत्थवाहो आरामगतो । ततो तेणं पणमिऊणं 25 भणिओ-अहं तुभं आरामकम्मकरो होमि । तेण य भणिओ-भणसु, का ते भती दिजउ ? त्ति । ततो तेण भैणियं-न मे भईए कजं. अहं तुझं पसादाभिकंखी. मम तुट्ठीदाणं देजह त्ति । एवं पडिस्सुए आरामे कम्ममारद्धो काउं । ततो सो रुक्खाउवेयकुसलो तं आरामं कइवएहिं दिवसेहिं सबोउयपुप्फ-फलसमिद्धं करेइ । ततो सो धणसत्थवाहो तं आरामसिरिं पासिऊणं
१ ली ३ विमाऽन्यत्र-त्थे उवणइ अन्न क गो ३ । रथे उवणीओ अन्न उ २ ॥ २ नसिप्पेसु ली ३॥ ३ निययघरमा उ २॥ ४ °णसत्थ° उ २ ॥ ५ चम्मलुि दा शां० ॥ ६ °ण सागर चंदो गतो निय कस० विना॥७°तो नियगनयरं शां० विना ॥ ८ मकरो उ २ विना ॥ ९ ते वित्ति दि° शां० विना ॥१० लवियं उ २ ॥
Jain Education International
For Private & Personal Use Only
www.jainelibrary.org
| SR No. | 001888 |
| Book Title | Vasudevhindi Part 1 |
| Original Sutra Author | Sanghdas Gani |
| Author | Chaturvijay, Punyavijay |
| Publisher | Atmanand Jain Sabha |
| Publication Year | 1930 |
| Total Pages | 210 |
| Language | Sanskrit |
| Classification | Book_Devnagari, Story, & Literature |
| File Size | 18 MB |