Page Text
________________
नीलजसाए संहरणं ] पंचमो सोमसिरिलंभो।
१८१ बालभावे अहं नीलंजणा य कीलामो. ततो अम्हं संलावो आसि-जस्स मो एगयरस्स दारिया होजा दारगो वा ततो वेवाहिगाई होहामि-त्ति. मम य नीलकंठो पुत्तो जाओ, नीलंजणाए देवीए नीलजसा दारिया जाया, सा मम समयओ अजाया चेव पुवदत्ता । तेहिं भणियं-न जुज्जइ दाणं. कण्णा पिउवसा, पिउणा अविदिण्णा न पभवति किंचि दाउं. अजाया तव कहं दत्ता दारिया ?. दिण्णा कण्णा भत्तुणो वसा ण पभवति अवच्चाणं. माया 5 उवरए भत्तुणो आभवेज. तं जइ राइणा सीहदाढेण दत्ता पुविं, पच्छा धरणिगोयरस्स देइ, ततो अववहारी होजा. मिगतण्हाए जलं पत्थेमाणो मोहं किलिस्सइ त्ति । एवं वुड्डेहिं भणिओ निवयणो ठिओ। एयनिमित्तं सामि : कलकलो आसि त्ति सा गया कहेऊण । ___ अहमवि पियाए नीलजसाए सह नीरूसुओ पंचलक्खणविसयसुहसायरावगाढो विहरामि । कयाइं च भणइ ममं नीलजसा-अजउत्त! 'तुम्भे अविज' त्ति विजाहरा परिभ-10 वेजा, तं सिक्खह विजाओ, ततो दुद्धरिसा होहिह त्ति । मया भणिया-एवं भवउ, जं तव रुयियं । ततो तीसे अणुमए विजागहणनिमित्तं अवइण्णो मि वेयड्ढे । तत्थ य रमणीयपएसे पियासहिओ विहरामि । दिट्ठो य अणाए संचरमाणो मोरपोयओ, सिणिद्धमणहरो, पिच्छच्छादणो, ईसिंविभाविजमाणचंदकविचित्तपेहुणकलावो । सो य अम्हं आसन्नेण संचरइ । तं च दणं नीलजसा भगति-अजउत्त ! धेप्पउ एस मोरपोयओ, कीलणओ भविस्सइ 15 त्ति । मया भणियं-एवं होउ त्ति । अणुवयामि णं । सो य पायवसंकडाणि वणविवराणि पविसइ, सिग्घयरं च गच्छति । ततो मया भणिया--असत्तो हं मोरं घेत्तुं, अइसिग्घयाए नस्सइ, तुम चेव णं गिण्ह विज्जाबलेणं । सा पधाविया विजापभावेण उवरि सि ट्ठिया ।मोरो य तं पिट्ठीए घेत्तूणं दूरं च गंतूण अंतरं लहिऊण य उप्पइओ। मया चिंतियं-रामो भिगेण छलिओ, अहमवि मोरेण, नूणं हिया पिया नीलकंठेण । अहं पि अडवीए हिंडामि त्ति ।। 20 ॥ इति सिरिसंघदासगणिविरइयाए वसुदेवहिंडीए चउत्थो
नीलजसालंभो सम्मत्तो ॥ नीलजसालंभग्रं० ७३४ अ० १४. सर्वग्रन्थानभू-५०७४.
25
पंचमो सोमसिरिलंभो हिंडतो पत्थिओ मि एगाए 'दिसाए । दिट्ठा य मया मिगा, ते उप्पइया दूरं गंतूणं सउणा इव निवइया । ततो मे उप्पण्णा चिंता-एते वायमिगा दिट्ठा पसत्थदसणा महंतं लाभं वेदिहि त्ति सुव्वए विउसजणाओ। ते अइकतो मि । दिट्ठा य मया गावो जूहगयाओ, ताओ ममं पस्समाणीओ गंधेण उबिग्गाओ पहकरेण ममं उवगयाओ । तासिं सम्मदं
१°ओवजाया शां० विना ॥ २ जाबलेण शां०॥ ३ भं देहिति त्ति सु. ली ३। भं वेदिहिति सु० उ २ मे.॥
Jain Education International
For Private & Personal Use Only
www.jainelibrary.org
| SR No. | 001888 |
| Book Title | Vasudevhindi Part 1 |
| Original Sutra Author | Sanghdas Gani |
| Author | Chaturvijay, Punyavijay |
| Publisher | Atmanand Jain Sabha |
| Publication Year | 1930 |
| Total Pages | 210 |
| Language | Sanskrit |
| Classification | Book_Devnagari, Story, & Literature |
| File Size | 18 MB |