Page Text
________________
विण्हुगीइगा] तइओ गंधवदत्तालंभो।
१३१ उवसम साहुवरिट्ठया!, न हु कोवो वण्णिओ जिणिंदेहिं ।
हुंति हु कोवणसीलया, पावंति बहूणि जाइयवाई ॥ गीतिका ।। तेहिं पणएहिं 'परो णे अणुग्गहो' ति गहियं गीयगं ।।
राया य महापउमो भयवओ विण्हुस्स तहागयचिट्ठियं नमुईपुरोहिअदुण्णयनिमित्तं सोऊण, दण य दिवविउव्वियमहासरीरेण गगणतलमप्फुण्णं, भीओ सपुरजणवओ कंठ-5 गयप्पाणो गतो सरणं संघ, भयगग्गिरंगिरो भणइ-मम सरणं संघो. अहं कयाणुवओ समणोवासयो सुवयस्स भयवओ अणगारस्त सीसो. परित्तायह मं । तओ संघेण भणिओ'अपत्तं रज्जे ठवेसि, न य वुत्तंतं वहसि, पमत्तो सित्ति भणंतो विमलसहावो समणसंघो-खमियं अम्हेहिं रायं!. अवसाणं अम्हं एयं, तव विसयपमत्तस्स अणुपेक्खओ विसमं जायं कारणं, जेण तेलोकं पि संसइयं. उवसमेसुं विण्हुकुमारसमणं । संठिया य कर- 10 यलंजलिपुडा---उवसम विण्हु !, खमियं संघेण महापउमस्स, साहर रूवं, मा य चलणं फंदेहि, चलइ महियलं तव तेयप्पभावेण पविसइ रसायलं, अइपुरहिओ ते चलणन्भासे समणसंघो । तं च साहुजणोदीरियं वयणं न सुणइ अइकंतसोयविसयरूवो भयवं कुमारसमणो विण्हू । ततो महंतेहिं सुयधरेहिं भणियं-न सुणइ सदं नूणं दुवालसजोयणपरओ. कम्हिय गगणभाए सोतिंदियं से वट्टति, जओ न सुणइ. परं च जोयणसयसहस्स-15 मूसिया विउवणा, जओ तत्तियं अइगतो ततो रूवविसयो वट्टइ. अप्फालेह से पायं, ततो अवस्स अवलोएहित्ति. दळूण य समणसंधं पजुवासेंतं उवसमिहिति । ततो जमगसमगं अप्फालिओ चलणो साहूहिं । फासिं दियलद्धसण्णेण विण्हुणा महरिसिणा अवलोइयं धरणियले । दिट्ठो य णेण महापउमो राया सओरोहो सपरिवग्गो सरणमुवगतो संघस्स, साहुणो य कयंजलिपुडा पवाहरंता 'उवसमेह' त्ति । ततो गेण चिंतियं-णवणीयमिव 20 मिदुसहावा, चंदणमिव सीयलहियया, महापउमस्स रण्णो सपरिवारस्स पीडं परि(ग्रन्थाग्रम्-३६००)हरंतेहिं खमियं णेहिं असंसयं. न जुज्जइ संघं वइक्कमि ति । देववयणेहि य मउईकयहियओ संघगुरुयाए उवसंह रिउ साहरिउं रूवं वसुहातले संठिओ सारइयचंदो इव सुहदसणो । देव-दाणवगणा य सविजाहरा पणया भयवओ विण्हुस्स, कुसुमवरिसं मुइऊणं गया य सयाणि ठाणाणि । ___ ततो सहावडिओ खिजिओ, महापउमो राया भणिओ य–णाऽरिहसि रजसिरिं। पुत्तो य से पेण संदिट्ठो-पियरं बंधिऊण नाएण पयापालणं कुणसु त्ति, धम्मे य सायरो होहि त्ति । सो पयाहिं परिग्गहिओ कयपसाओ भयवया । नमुई मारिजमाणो निवारिओ साहुसंघेण निविसओ कओ । विण्हू वि अणगारो वाससयसहस्सं तवमणुचरेऊण धूयरओ समुप्पण्णकेवलनाण-दसणधरो परिनिव्वुतो ॥
30 १ °ब्वयाई शां० मे० विना ॥ २ ली ३ विनाऽन्यत्र-रसरो शां० संसं० ॥ ३ °सयं जा गो ३ ३०॥ ४ तेण सुयधरेण भ° शां० ॥ ५ °णाभोए उ २ विना ॥
25
Jain Education International
For Private & Personal Use Only
www.jainelibrary.org
| SR No. | 001888 |
| Book Title | Vasudevhindi Part 1 |
| Original Sutra Author | Sanghdas Gani |
| Author | Chaturvijay, Punyavijay |
| Publisher | Atmanand Jain Sabha |
| Publication Year | 1930 |
| Total Pages | 210 |
| Language | Sanskrit |
| Classification | Book_Devnagari, Story, & Literature |
| File Size | 18 MB |