Page Text
________________
४
वसुदेवहिंडीए
जंबुस्स अम्मा- पिअरेहिं संवादो
उन्नो, पसन्नमुहवण्णो अम्मापियरं कयप्पणामो भणइ - अम्मयाओ ! मया अज्ज सुम्मसामिणो समीवे जिणोवएसो सुओ । तं इच्छं, जत्थ जरा-मरण-रोग-सोगा नत्थितं पदं गंतुमणो पवइस्सं । विसज्जेह मं ।
5 तं च तस्स निच्छयवयणं सोऊण बाहसलिलपच्छाईजवयणाणि भांति — सुट्टु ते सुअ धम्मो, अम्ह पुण पुवपुरिसा अणेगे अरहंतसासणरया आसी, न य 'पवइय'त्ति सुणामो । अम्हे व बहुं कालं धम्मं सुणामो, न उण एसो निच्छओ समुत्पन्नपुवो। तुमे पुण को विसेसो अज्जेव उवलद्धो जओ भणसि 'पवयामि' त्ति ? । तओ भणइ जंबुनामो — अम्मताओ ! को वि बहुणा वि कालेण कज्जविणिच्छ्यं वच्चइ, अवरस्स थेवेणावि कालेणं 10 विसेसपरिण्णा भवति । पेच्छ, सुणह, साहुसमीवे जहा मया अज्ज अपुत्रमवधारियंविसेसपरिण्णाए इन्भपुत्तकहाणयं
30
[ जंबुचरिए इ
एगम्मि किर नयरे का वि गणिया रूववती गुणवती परिवसइ । तीसे य समीवे महाधणा राया - Sमच - इब्भपुत्ता उवगया परिभुत्तविभवा वच्चति । सा य ते गमणनिच्छए पभणइ - जइ अहं परिचत्ता, निग्गुणओ ता किंचि सुमरणहेडं घेप्पर । एवं भणिआ य ते 15 हार-ऽद्धहार-कडग - केऊराणि तीय परिभुत्ताणि गहाय वञ्चति । कयाई च एगो इब्भपुत्तो गमणकाले तहेव भणितो । सो य पुण रयणपरिक्खाकुसलो । तेण य तीसे कणयमयं पायपीढं पंचरयणमंडियं महामोल्लं दिट्ठ । तेण भणिया-सुंदरि ! जइ मया अवस्स घेत्तवं तो इमं पायपीढं तव पादसंसग्गिसुभगं एएण मे कुणह पसायं । सा भणति - किं एएणं ते अप्पमोल्लेणं ?, अन्नं किंचि गिहसु त्ति | सो विदियसारो, तीए वि दिन्नं, तं गहेऊणं 20 तओ सविसए रयणविणिओगं काऊण दीहकालं सुहभागी जाओ । एस दितो ।
अयमुपसंहारो - जहा सा गणिया, तहा धम्मसुई । जहा ते रायसुयाई, तहा सुर- मणुयसुहभोगिणो पाणिणो । जहा आभरणाणि, तहा देसविरतिसहियाणि तवोवहाणाणि । जहा सो इब्भपुत्तो, तहा मोक्खकंखी पुरिसो । जहा परिच्छाकोसलं, तहा सम्मन्नाणं । जैहा रयणपायपीढं, तहा सम्मदंसणं । जहा रयणाणि, तहा महवयाणि । जहा रयणविणिओगो, 25 तहा निवाणसुहलाभो ति ॥
एवं अवधारेऊणं कुह मे विसग्गं ति ॥
तओ भणंति--जाय! जया पुणो एहिति सुधम्मसामी विहरतो तथा पवइस्ससि । तओ भाइ, सुणह
दुलहा धम्मपत्तीए मित्ताणं कहा
इओ अईए काले किर केइ वयंसया उज्जाणं निग्गया । तेहि य णाइदूरे तित्थयरो
Jain Education International
१ भणतो की ३ ॥ २ इयत्र कसं० मोसं० ॥ ३ यं न व उ० ॥ ४ डे० विनाऽन्यत्र - जहा पायपीढ़ उ० । अड्डा - रयणपीढं ली० य० क ३.गो ३ ॥
For Private & Personal Use Only
www.jainelibrary.org
| SR No. | 001888 |
| Book Title | Vasudevhindi Part 1 |
| Original Sutra Author | Sanghdas Gani |
| Author | Chaturvijay, Punyavijay |
| Publisher | Atmanand Jain Sabha |
| Publication Year | 1930 |
| Total Pages | 210 |
| Language | Sanskrit |
| Classification | Book_Devnagari, Story, & Literature |
| File Size | 18 MB |