________________
-तीओ सम्मो
चाणो कइहवं-सूअणं सरंतो साडोवं भणइ वले वएस-सूण । इच्छंतो णिवसइ तुज्झ जुज्झ-कीलापंडिचं पुलइउमेस भोअ-राओ॥ ४२ भूवालो चिअ कुसलो कुअंड-सत्ये गोवालो चिअ णिउणो णिउज्झ-तंते । जो जस्सि कुणइ परिस्समं पआमं सो तस्सि चिअ विणिजिओ विहाइ ॥ ४३ मल्लेहिं सह मह-विक्कमेहि पाडिप्फद्धीअं कह किर होज्ज दुक्खरा दे। बालेण च्चिअ तुमए पलंब-केसिप्पाआ किं ण हु णिहआ दइच्च-चीरा ॥ ४४ ता जुझं कुणह दुवे वि णाम तुम्हे धम्मेण चित्र खु दुवेहि मल्लएहिं । अम्हाणं मुणउ सरं कुऊहलिल्लो । भोएसो भुअ-विवम्मि तारतम्मं ॥ ४५ एवं से सुणिअ वआइ सुप्पसण्णो सण्णद्धो समहिघडेइ णेण कण्हो। कुप्पंतो कुलिस-विघट्ट-णिट्ठराहिं मुट्ठीहिं मुसलहरो वि मुट्ठिएण ॥ ४६
१ M कइडव. २ T भोअरावो. ३ कुसले.४ अम्माणं.
Jain Education International
For Private & Personal Use Only
www.jainelibrary.org
