________________
-
-
-
૪૨૧
भूण सूत्र] (२४२) तम्हा एअं वियाणित्ता, दोस दुग्गइवड्ढणं ।
आउकायसमारंभ, जावजीवाइ वज्जए ॥६-३२॥ (२४3) जायतेअं न इच्छंति, पावगं जलइत्तए ।
तिक्वमन्नयरं सत्थं, सव्वओऽवि दुरासयं ॥६-३३॥ (२४४) पाईणं पडीणं वा वि, उड्ढे अणुदिसामवि ।
अहे दाहिणओ वावि, दहे उत्तरओ वि अ॥६-३४॥ (२४५) भूआणमेसमाधाओ, हव्ववाहो न संसओ।
तं पईवपयावडा, संजया किंचि नारभे ॥६-३५॥ (२४६) तम्हा एअं विआणित्ता, दोसं दुग्गइवड्ढणं ।
तेउकायसमारंभ, जावजीवाइ वज्जए ॥६-३६॥ (२४७) अणिलस्स समारंभ, बुद्धा मन्नति तारिस ।
सावज्जबहुलं चेअं, नेअं ताईहि सेविअं ॥६-३७॥ (२४८) तालिअंटेण पत्तेण, साहा-विहुअणेण वा।
न ते वीइउं इच्छंति, वेआवेऊण वा परं ॥६-३८॥ (२४८) जं पि वत्थं व पायं वा, कंबलं पायपुंछणं ।
न ते वायमुईरंति, जयं परिहरंति अ॥६-३९॥ (२५०) तम्हा एअं वियाणित्ता, दोसं दुग्गइवड्ढणं ।
वाउकायसमारंभ, जावजीवाइ वज्जए ॥६-४०॥ (२५१) वणस्सई न हिंसंति, मणसा वयसा कायसा ।
तिविहेण करणजोएण, संजया सुसमाहिआ॥६-४१॥ (२५२) वणस्सई विहिंसंतो, हिंसई उ तयस्सिए ।
तसे अ विविहे पाणे, चक्खुसे अअचक्खुसे ॥६-४२॥
Jain Education International
For Private & Personal Use Only
www.jainelibrary.org
