________________
-
૪૦૨
[ દશ વૈકાલિક (3८) जयं चरे जयं चिट्टे, जयमासे जयं सए ।
जयं भुंजतो भासंतो, पावं कम्मं न बंधइ । ४-८॥ (४०) सव्वभूयप्पभूयस्स, सम्मं भूयाई पासओ।
पिहिआसवस्स दंतस्स, पावं कम्मं न बंधइ ॥४-९॥ (४१) पढम नाणं तओ दया, एवं चिट्ठइ सव्वसंजए।
अन्नाणी किं काही?,किंवा नाहीइ छेअ-पावगं॥४-१०॥ (४२) सोचा जाणइ कल्लाणं, सोचा जाणइ पावगं ।
उभयं पि जाणइ सोचा, जं सेयं तं समायरे ॥४-११॥ (४३) जो जीवे वि न याणेइ, अजीवे वि न याणइ ।
जीवाजीवे अयाणंतो, कहं सो नाहीइ संजमं ॥४-१२॥ (४४) जो जीवे वि वियाणेइ, अजीवे वि वियाणइ ।
जीवाजीवे वियाणंतो, सो हु नाहीइ संजमं ॥४-१३॥ (४५) जया जीवमजीवे य, दो वि एए वियाणइ ।
तया गई बहुविहं, सव्वजीवाण जाणइ ॥४-१४॥ (४६) जया गई बहुविहं, सव्वजीवाण जाणइ ।
तया पुण्णं च पावं च, बंधं मुक्खं च जाणइ ॥४-१५॥ (४७) जया पुण्णं च पावं च, बंधं मुक्खं च जाणाइ ।
तया निविदए भोए, जे दिव्वे जे अ माणुसे॥४-१६॥ (४८) जया निव्विदए भोए, जे दिव्वे जे अ माणुसे ।
तया चयइ संजोगं, सभितरबाहिरं ॥४-१७॥ (४८) जया चयइ संजोगं, सब्भितरबाहिरं ।
तया मुंडे भवित्ता णं, पव्वइए अणगारिअं ॥४-१८॥
Jain Education International
For Private & Personal Use Only
www.jainelibrary.org
