________________
-
भूण सूत्र]
૩૯૫ सव्वे नेरइया, सव्वे मणुया, सव्वे देवा, सव्वे पाणा परमाहम्मिया। एसो खलु छट्ठो जीवनिकाओ तसकाओ त्ति पवुच्चइ६॥ सू-१॥
इच्चेसि छण्हं जीवनिकायाणं नेव सयं दंडं समारंभिज्जा, नेवन्नेहिं दंड समारंभाविज्जा, दंडं समारंभंते वि अन्ने न समणुजाणामि, जावज्जीवाए, तिविहं-तिविहेणं मणेणं वायाए काएणं, न करेमि-न कारवेमि-करतं पिअन्न न समणुजाणामि, तस्स भंते ! पडिकमामि निंदामि गरिहामि अप्पाणं वोसिरामि ॥ सू०२॥ - पढमे भंते ! महब्बए पाणावायाओ वेरमणं । सव्वं भंते ! पाणाइवायं पञ्चक्खामि, से सुहुमं वा-बायरं वा, तसं वा-थावरं वा, नेव सयं पाणे अइवाइज्जा-नेवन्नेहिं पाणे अइवायाविज्जापाणे अइवायंते वि अन्ने न समणुजाणामि, जावज्जीवाए, तिविहं तिविहेणं, मणेणं-वायाए-काएणं, न करेमि-न कारवेमि-करतं पि अन्नं न समणुजाणामि, तस्स भंते ! पडिकमामि निंदामि गरिहामि अप्पाणं वोसिरामि । पढमे भंते ! महव्वए उवडिओमि सव्वाओ पाणाइवायाओ वेरमणं ॥१॥ सू० ३ ॥ - अहावरे दुच्चे भंते ! महव्वए मुसावायाओ वेरमणं । सव्वं भंते ! मुसावायं पञ्चक्खामि, से कोहा वा-लोहा वा-भया वाहासा वा, नेव सयं मुसं वइज्जा-नेवन्नेहिं मुसं वायाविज्जामुसं वयंते वि अन्ने न समणुजाणामि, जावज्जीवाए, तिविहं
Jain Education International
For Private & Personal Use Only
www.jainelibrary.org
