Parmatmaprakasha and Yogsara

SR No.: 001876
Original Sutra Author: Yogindudev
Author: A N Upadhye
Publisher: Paramshrut Prabhavak Mandal
Publication Year: 2000
Total Pages: 550
Language: Sanskrit, Hindi, English
Classification: Book_Devnagari & Literature
File Size: 13 MB

Page 505

३४४
जोइंदु-विरइउ
[ 281 : १-१४४281) घर-वासउ मा जाणि जिय दुक्किय-वासउ एहु ।
पासु कयंते मंडियउ अविचलु णिस्संदेहु ॥ १४४॥ 282) देहु वि जित्थु ण अप्पणउ तहि अप्पणउ किं अण्णु ।
पर कारणि मण गुरुव तुहुँ सिव-संगमु अवगण्णु ॥ १४५ ॥ 283) करि सिव-संगमु एक्कु पर जहि पाविजइ सुक्खु ।
जोइय अण्णु म चिंति तुहुँ जेण ण लब्भइ मुक्खु ॥ १४६ ॥ 284) बलि किउ माणुस-जम्मडा देक्खंतहँ पर सारु ।
जइ उहब्भइ तो कुहइ अह डज्झइ तो छारु ॥ १४७ ॥ 285) उबलि चोप्पडि चिट्ठ करि देहि सु-मिट्ठाहार ।
देहहँ सयल णिरत्थ गय जिमु दुजणि उवयार ॥ १४८ ॥ 286) जेहउ जजरु णरय-धरु तेहउ जोइय काउ ।
णरइ णिरंतरु पूरियउ किम किज्जइ अणुराउ ।। १४९ ॥ 287) दुक्खइँ पावइँ असुचियइँ ति-हुयणि सयलइँ लेवि ।
एयहि देहु विणिम्मियउ विहिणा वइरु मुणेवि ॥ १५० ॥ 288) जोइय देहु घिणावणउ लजहि किं ण रमंतु ।
णाणिय धम्में रइ करहि अप्पा विमलु करंतु ॥ १५१ ।। 289) जोइय देहु परिचयहि देहु ण भल्लउ होइ ।
देह-विभिण्णंउ णाणमउ सो तुहुँ अप्पा जोइ ॥ १५२ ॥ 290) दुक्खहँ कारणु मुणिवि मणि देहु वि एहु चयंति ।
तित्थु ण पावहि परम-सुहु तित्थु कि संत वसंति ॥ १५३ ॥ 291) अप्पायत्तउ जं जि मुहू तेण जि करि संतोसु ।
पर सुहु वढ चिंतंताहँ हियइ ण फिट्टइ सोसु ।। १५४ ॥ 292) अप्पहँ णाणु परिच्चयवि अण्णु ण अत्थि सहाउ ।
इउ जाणेविणु जोइयहु परहँ म बंधउ राउ ॥ १५५ ॥ 281) Wanting in TKM ; C पास कियंति; Bc णीसंदेहु. 282) Wanting in TKM ; c तिह अपण कि. 283) Wanting in TKM. 284) Wanting in TKM. 285) TKM चो सयल वि देहे गिरत्थ गय जिव दुजण उवयारु. c also दुजणउवयारु. 286) TKM किव किज्जइ तहिं राउ. 287) TKM तिहुवणे. 288) TKM लजइ; c धम्मइ, Brahmadeva धम्मि; TKM मुणंतु for करेतु 289) Wanting in TKM; B भल्ला. 290) Wanting in TKM ; c पावइ. 291) Wanting in TKM. 292) Wanting in TKM.