________________
श्रीमद्हरिभद्रसूरिरचितं
धू तो ख्या नम्।
% 3D-
-
[प्रास्ताविकम् ] नमिऊण जिणवरिंदे तिअसेसरवंदिए धुअकिलेसे । विउसजणयोहणत्थं धुत्तक्खाणं पवक्खामि ॥ ललिअसमिद्धजणवया अत्थि पुरी सुरपुरि' विसेसंती। उज्जुअजणाहिवासा उज्जेणी णाम णामेणं ॥ तीसे उत्तरपासे णाणाविहकुसुमगुम्मलयगहणं । महुअरिगणोवगीअं उजाणं णंदणसरिच्छं ॥ तत्थुजाणगिहम्मी णाणाविहरूवकम्मणिज्जुत्ता। धुत्ताण सयाणेगा समागया कहवि हिंडता॥ मायाणिअडिपहाणा अकजणिचुजुआ णिरणुकंपा । थीबालवुड्ढवीसत्यघाइणो वंचणिकपरा ॥ धूवंजणजोगेहि अ ओसोअणि-थंभणीहिं विजाहिं । सर-वन्नभेयकसला तेसि पह पंचिमे कमसो॥ मूलसिरि कंडरीओ एलौसाढो संसो अ खंडवों । इकिकस्स य तेसिं धुत्ताणं पंच-पंचसया ॥ धुत्तीणं पंचसया खंडवणाए अ णवरि परिवारो। सव्वाण वि ताण पहू मूलसिरी लोविक्खाओ। वह अ ताण कालो जलयसमुच्छन्नसूर-ससिमग्गो । इंदधणुविजुगजिअजलयरमुहलो वरिसयालो॥ सत्ताहदुद्दिणम्मि अ समंतओ भरिअवप्पकूवसरे । कयचिक्खिल्लचिलिप्फिलदुस्संचारासु रच्छासु ॥ एआरिसम्मि काले ते धुत्ता सीअवद्दलाभिहया। भुक्रवत्ता विंति तहिं-को अम्हं दिज भत्तं' ति ॥ अह भणइ मूलदेवो-'जं जेण सुरं च समणुभूअं वा । सो तं कहेउ सव्वं मिलिआणेआण धुत्ताणं ॥ जो तं न पत्तिइज्जा असच्चवयणं ति तेण सव्वेसिं ।
धुत्ताण समुइआणं दायव्वं भत्तपाणं ति ॥ 1 B सुरपुरवरिं। 2 B लोग। 8 B °मुहरो। 4 B व । 5 A ण। 6 A धुत्ताणं ।
Jain Education International
For Private & Personal Use Only
www.jainelibrary.org
