________________
४. शशोक्तं स्वकीयं कथानकम् । दासत्तणमुक्खट्ठा' भिंदइ तत्थेगमंडयं विणया। तत्थ किल अंडयम्मी जाया विच्छू असंपुण्णा ॥ दुम्मणमणा य विणया परितप्पड अंडयं विण8 मे। अण्णह चिंतेमि अहं तं पि अ मे अण्णहा होइ॥ मुचिज पराहीणत्तणस अह णाम दासणामस्स । कह वि दुरासाइ मए अंडं भिण्णथिए भिण्णं ॥ अद्धिह लद्धाए विलविऊण आसाणिबद्धहिअयाए। कइहि वि दिवसेहिं तओ पुणो वि बिइअंडयं भिण्णं ॥ बिहअंडम्मि अणूरू जाओ किल सो वि मायरं भणह । अम्मो तुम्हेहि इमं किमकाले अंडयं भिण्णं ॥ जो ते मणोरहो चिंतिउ त्ति सो पूरिओ मए इंतो। इण्हिं अयंगमो किं करेमि अहयं पराहीणो॥ एअंपि ताव तइ परिरक्खसु अंडयं पयत्तेण । जो कोवि इत्थ होही सो दुक्खविमुक्खओ तुम्हं ॥ रहसारही अणूरू ठविओ सूरेण जो जगे अरुणो । सयमेव य विणयाए कमेण तहअंडयं भिण्णं ॥ अहिकुलभयसंजणणों जणवयविम्हावणो महा घोरो। विणयामणपरिओसो जाओ अ महाबलो गरुडो॥ पालत्ते रममाणो णागे कडसुए विहाडेइ । पइदिवसं कडए विणया खिसिजए एवं ॥ विणयाइ दासिआए पुत्तेणं गरुडएण सोमाला । मारिअ अहिपोअलया चंचूचलणप्पहारेहिं ॥ एआरिसाइं विणया सोऊणमभिक्खणं च रोवंती। पुच्छिजह गरुडेणं रोअसि किं कारणं अम्मे ॥ पुत्तय जीअणिमित्तं पत्ता दासत्तणं सवत्तीए । रत्तिं दिवा य दुहिआ करेमि आणत्तिअं तीसे ॥ कहमुचिजसि अम्मे !, अमएणं, तं च जाणइ पिआ ते। कत्थ पिआ, बदरीआसमम्मि, गरुडो गओ तहि ॥ बदरासमम्मि गंतुं गरुडो पाएसु णिवडिओ पिउणो। विअलिदिएण' तेण वि फासेणुवलक्खिओ पुत्तो॥ गरुडेण जंपिअं भुक्खिओ मि, भणि च कासवेणेवं । यारसजोअणहत्थी तत्तुल्लो कच्छओ बीओ॥
1A मुक्खता। 2B अणाम 3 B°वम्हावणो। 4 Bअम्हे 15 B आणत्तीम। 6 B गुतं ।
Befदएणं। Jain Education International
For Private & Personal Use Only
www.jainelibrary.org
