________________
: પ્રકાશકીય :)
પ. પૂ. પ્રવચન પ્રભાવક આચાર્ય ભગવંત શ્રીવિજય સૂર્યોદયસૂરીશ્વરજી મહારાજના વિદ્વાન પટ્ટધર પ.પૂ.આ. શ્રીવિજય શીલચંદ્રસૂરીશ્વરજી મહારાજે ઘણાં વર્ષો પૂર્વે શ્રમણ ભગવાન મહાવીર સ્વામી પ્રભુના શાસનમાં થયેલ શ્રમણ શ્રેષ્ઠ મહાપુરુષોના સંક્ષિપ્ત (લઘુ) કથાનકો લખેલાં એ કથાનકોને શ્રી નેમિ-નંદન ગ્રંથમાળાના ૧૯માં પુષ્પ તરીકે સચિત્ર સ્વરૂપમાં પ્રકાશિત કરવાનો અમૂલ્ય લાભ અમારા ટ્રસ્ટને પ્રાપ્ત થયો છે. તે ખૂબજ આનંદની વાત છે.
વિશેષ આનંદની એ વાત કે, ફક્ત સવા વર્ષના ટૂંકા ગાળામાં જ અમારા ટ્રસ્ટ વતી આવું સચિત્ર પ્રકાશન ત્રીજું છે. આજના ઝડપી જમાનામાં શ્રાવકોને તથા બાળકોને વાંચન માટે પણ સમય ન મળતો હોવાથી, નવી પેઢી આપણી ભવ્ય પરંપરામાં થયેલા મહાપુરુષોના જીવનથી કંઇક માહિતગાર બને અને એ સ્વરૂપે તેઓમાં ધાર્મિક સંસ્કારોનું સિંચન થાય એવા શુભ હેતુથી આ સચિત્ર પુસ્તક પ્રકાશનનો પ્રારંભ કર્યો છે. | કથાઓના આધારે સુંદર ચિત્રો તૈયાર કરી આપનાર ચિત્રકાર શ્રી જય પંચોલીનો ખૂબ ખૂબ આભાર માનીએ છીએ. આ પુસ્તિકાનું સ્વચ્છ-સુઘડ રંગીન છપાઇકામ કરી આપનાર શ્રી કિરીટ ગ્રાફીક્સના સંચાલકો તથા પુસ્તિકા પ્રકાશનમાં આર્થિક સહયોગ આપનાર શ્રી જૈન ધર્મ ફંડ પેઢી - ભરૂચ, શ્રી જેન ગ્રંથ પ્રકાશન સમિતિ - ખંભાત, શ્રી ભદ્રંકરોદય શિક્ષણ ટ્રસ્ટ - ગોધરા, શ્રી મહાવીર સ્વામી જૈન દેરાસર પેઢી - વલસાડનો પણ આભાર માનીએ છીએ, અને નવી પેઢીમાં સંસ્કાર સિંચનનો આવો અપૂર્વ લાભ અમોને પુનઃ પુનઃ મળતો રહે તેવી આશા રાખીએ છીએ.
વિ. સં. ૨૦૫૫, મહાસુદ - ૫, તા. ૨૨-૧-૯૯, શુક્રવાર અમદાવાદ-૩૮૦૦૦૧.
શ્રી નેમિ-વિજ્ઞાન-કસ્તૂર સ્મારક ટ્રસ્ટના
ટ્રસ્ટીઓ
Ja
Education international
