________________
જિનદત્તસૂરિ વિક્રમના બારમાં સૈકામાં થયેલા પ્રભાવક જૈનાચાર્યોમાં દાદા જિનદત્તસૂરિનું નામ અને કામ અવિસ્મરણીય છે. એમની જન્મભૂમિ ધોળકા. બચપણમાં જ એવા ઉત્તમ લક્ષણો એમનામાં વિકસેલાં, કે જે જોઇને એક સાધ્વીજી મહારાજે એમનાં માતા બાહડદેવીને પ્રેરણાનાં પીયુષ પાયાં કે “તમે આ બાળકને શાસનને ચરણે સમપી દો, તો જૈન ધર્મની ઉન્નતિનું એ કારણ બનશે.” માતાના મનમાં વાત જચી ગઇ. અને તેણે પુત્રને ગુરુચરણે સમપી દીધો. દીક્ષા લઇને બાળમુનિ સોમચન્દ્ર તરીકે સ્થપાયેલા તે મુનિ-જ આગળ જતાં દાદા જિનદત્તસૂરિના નામે જગવિખ્યાત આચાર્ય બન્યા. તેમની પવિત્રતા, બ્રહ્મચર્ય, વિદ્વત્તા, ઉદારતા અને વિશિષ્ટ પ્રતિભાને કારણે તેઓ જૈન શાસનના ગગનમાં સૂર્યની માફક પ્રકાશતા રહ્યા. તેમણે ગચ્છમાં શિથિલાચારને નાબૂદ કર્યો. તેમની પ્રેરણાથી એકી સાથે ૫૦૦ પુરુષો તથા ૭૦૦ બહેનોએ દીક્ષા અંગીકાર કરેલી. લાખો આત્મ બનાવ્યા. તેમની સાધનાના પ્રભાવે ૬૪ યોગિની, બાવનવીર તથા પાંચ વીર સદાય તેમની સેવામાં રહેતાં. નાગદેવ નામના એક શ્રાવકને એક દહાડો “યુગપ્રધાન કોણ ?’ એ જાણવાની જિજ્ઞાસા થઇ. તેણે અંબિકાદેવીની ઉપાસના કરી. પ્રસન્ન થયેલાં દેવીએ તેની હથેલીમાં અક્ષરો લખ્યા, ને કહ્યું કે “જે વ્યક્તિ આ અક્ષરોને વાંચી શકશે તેને યુગપ્રધાન જાણજે-” નાગદેવે જિનદત્તસૂરિને એ હકીકત જણાવતાં તેમણે વાસક્ષેપ કરવા દ્વારા તે અક્ષરોને પ્રકાશિત કરી આપ્યા, જેથી તેમનો જયજયકાર થયો. સૂરિજી પરકાયા-પ્રવેશ આદિ વિદ્યાઓના જ્ઞાતા હતા. એક મુલ્લાનો પુત્ર મરણ પામતાં તેનો શોક નિવારવા તથા બોધ પમાડવા ખાતર તેમણે તેના પુત્રને વિદ્યાબળે પુનર્જીવિત કરી વાતચીત કરાવી મુલ્લાને શાંત કર્યો. આથી પ્રભાવિત બનેલા મુસ્લિમો તેમના અનન્ય ઉપાસક બની ગયા. એજ રીતે એકવાર અજમેરમાં પ્રતિક્રમણ ચાલુ હતું ને ત્યાં જ વીજળી પડી, તો સૂરિજીએ વીજળીને મંત્રબળ થંભાવી તે ઉપર કાષ્ઠપાત્ર ઢાંકી દીધું, ને સૌનું રક્ષણ કર્યું. જૈન સંઘના ઇતિહાસમાં સૂરિજીનું નામ સોનાની શાહીથી લખાયું છે.
૨૦
6
() ADE
cal
La Education Intematonal
For Private & Personal Use Only
www.jainelibratorg
|
5
:
