Page Text
________________
વજસ્વામી
પૂર્વજન્મના સંસ્કારોનો પ્રભાવ કેવો હોય તે સમજવું હોય તો શ્રી વજસ્વામિના જીવનને સમજવું પડે. પોતે હજી માતાના ગર્ભમાં હતા, ત્યારે જ પિતા ધનગિરિએ દીક્ષા લઇ લીધેલી, એટલે તેમનો જન્મ થયો તે વખતે મા સુનંદા જરાક દીન સ્વરે બોલી કે આ છોકરાના બાપે દીક્ષા ન લીધી હોત તો આના જન્મનો કેવો ઓચ્છવ ઉજવત ! મા તો સહજભાવે બોલેલી, પણ એ શબ્દો નવજાત શિશુનાં કાને અફળાતાં જ તેના સંસ્કારો જાગી ઉઠ્યાં, ને તે બાળકે માતાના મોહને તોડવા માટે જ, તે જ દિવસથી રડવાનું ચાલુ કર્યું, તે પૂરા છ મહિના સુધી એણે રાત દહાડો સતત રડ્યા જ કર્યું. એને છાનું રાખવાના સઘળાય ઉપાયો કરી કરીને થાકેલી માતાએ છેવટે કંટાળીને નક્કી કર્યું કે છોકરો કાંઇ મારો એકલીનો થોડો જ છે ? એના બાપની પણ જવાબદારી છેઃ હું તો કંટાળી આનાથી. જો એનો બાપ આવે તો હવે તો એને વળગાડી દઉં, એટલે નિરાંત તો થાય ! યોગાનુયોગ તે છ મહિને મુનિ ધનગિરિ ઘરે પધાર્યા, તેમને જોતાં જ સુનંદાએ છોકરાને ઉપાડીને વહોરાવી દીધો- કે લો, આને હવે તમે સંભાળો, હું તો થાકી ગઇ ! મહાજનની સાખે છોકરાને સ્વીકારી મુનિ ગુરુજી પાસે આવ્યા, છોકરો તો જેવો મહારાજની ઝોળીમાં આવ્યો ત્યાં જ ખિલખિલાટ! ૨ડવાનું તો જાણે આવડતું જ નહોતું ! ગુરુએ સાધ્વીજી અને શ્રાવિકાઓ દ્વારા બાળકનો ઉછેર કરાવ્યો. એ ત્રણ વર્ષનો થયો અને સુનંદાનું પુત્ર વાત્સલ્ય સળવળ્યું. તેણે બાળક પાછું માગ્યું. ગુરુએ ઇન્કાર કરતાં તે રાજા પાસે ગઇ. રાજાએ બધી વાતનો તાગ લઇ ન્યાય કર્યો કે- બાળકને જેના પ્રત્યે આકર્ષણ થાય તેનો બાળક થાય. પણ બાળ વજે તો ભરી સભામાં માતાનાં તમામ પ્રલોભનોને ઉવેખી દીધાં, ને ગુરુએ દેખાડેલો ઓઘો લઇને નાચવા માંડ્યું. ફલત: આઠ વર્ષની વયે તેણે દીક્ષા લીધી. નાની ઉંમરમાં પણ તેના જ્ઞાન તથા તેજ એવાં કે સ્વયં ગુરુજી પ્રભાવિત બન્યા. બે વાર દેવોએ જંગલમાં માયા રચીને આહાર આપવા માંડ્યો, પણ પોતાની પ્રજ્ઞાના બળે બાળમુનિ દેવમાયાને કળી ગયા ને એ આહાર ન લીધો. આથી દેવોએ તેમને વૈક્રિય લબ્ધિ તથા આકાશગામિની વિદ્યા આપી. કાળાંતરે ૧૦ પૂર્વધર યુગપ્રધાન શ્રીવજસ્વામી તરીકે પ્રસિદ્ધ થયેલા આ મુનિએ આ વિદ્યાના બળે એકવાર દુષ્કળ પીડિત શ્રીસંઘને આકાશમાર્ગે સ્થળાંતર કરાવી સંઘની રક્ષા કરી હતી. પરંતુ તેઓ જ્યાં સંઘને લઇ ગયા ત્યાં બૌદ્ધધર્મી રાજાનું શાસન હોવાથી જિનપૂજા માટે ફૂલો અપ્રાપ્ય હતાં. આના ઉકેલ માટે તેઓ વિદ્યાબળે પદ્મદ્રહ પર જઇ ત્યાંથી લક્ષ્મીદેવી પાસેથી સહસ્ત્રદળ કમળ સહિત ૨૦લાખ પુષ્પો વિમાન દ્વારા લાવ્યા, જેથી શાસનનો ઉદ્યોત થયો અને રાજા સહિત સમગ્રનગર જિનધર્મી બન્યું. પ્રાંતે રથાવર્તગિરિ ઉપર અનેક મુનિઓ સાથે અણસણ કરી તેઓ સ્વર્ગવાસ પામ્યા, તે સાથે જૈન સંઘનો એક યુગ સમાપ્ત થયો.
Cછો
છ
અને
6
છે
૦
)
Fol Private & Personal use only
www.ainelibrary
| SR No. | 001799 |
| Book Title | Dhan Dhan Shasana Mandan Munivara |
| Original Sutra Author | N/A |
| Author | Shilchandrasuri |
| Publisher | Nemi Vigyan Kastur Smarak Trust Ahmedabad |
| Publication Year | |
| Total Pages | 38 |
| Language | Gujarati |
| Classification | Book_Gujarati, History, & Story |
| File Size | 9 MB |