________________
કાલિકાચાર્ય
શ્રી કાલિકાચાર્ય એટલે જૈન ઇતિહાસના એક અમર યુગપુરુષ ! સંવત્સરી પર્વના પરિવર્તનના પ્રસંગ સાથે સંકળાયેલા કાલિકસૂરિના એક વિશિષ્ટ પાસા તરફ બહુ ઓછાનું ધ્યાન ગયું છે. તે છે તેમનો ભગિની પ્રેમ. - કાલિકાચાર્ય એટલે ભાઇ-બહેનના પવિત્ર પ્રેમનું પુણ્યવંત પ્રતીક ! રાજકુમાર કાલક અને તેમની બહેન સરસ્વતી. રૂપ રૂપનાં અવતાર અને વિદ્યા, કલા તેમજ સાત્ત્વિકતાના ભંડાર ! પણ બંનેને એકમેક પર અજબ હેત. એવાં હેત કે જગતમાં બીજે ક્યાંય જોવાય ન મળે. બહેન ભાઇ માટે ઓળઘોળ, તો ભાઇ બહેન કાજે પ્રાણાર્પણ કરવા સુદ્ધાં તૈયાર. ભાઇ કરે તે જ બહેન પણ કરે, ને બહેનને ગમે તે જ ભાઇનેય ગમે. જ્યારે જુઓ જયાં જુઓ ત્યાં બંને સાથે ને સાથે જઃ જાણે જળ અને મીન ! ક્યારેક ઘોડેસવારી, તો ક્યારેક પટાબાજી, ક્યારેક વનભ્રમણ, તો ક્યારેક જળક્રીડા, ક્યારેક શસ્ત્ર પરીક્ષા, તો ક્યારેક શાસ્ત્રચર્ચા! બધી વાતમાં બેય સાથે જ ને વળી બેય સમાન! યોગાનુયોગ, એક વખત એવું બન્યું કે બંને ફરવા નીકળેલાં, ને માર્ગમાં ત્યાગી આચાર્ય મહારાજ ભેટી ગયા. તેમના દર્શનથી ને તેમની ધર્મવાણીના શ્રવણથી બંનેને બોધ થયો, ને ફળસ્વરૂપે
bloggel)
HIS
જ
બંનેએ સંસાર ત્યાગી દીક્ષા લઈ લીધી. કાળક્રમે મુનિકાલકઆચાર્ય કાલક બન્યા, અને પોતાના સમુદાય સાથે વિહરતાં-રૅ વિહરતાં તેઓ ઉજ્જૈની નગરીમાં પધાર્યા. બહેન સાધ્વી સરસ્વતી પણ ત્યાં આવ્યાં છે. ઉજ્જૈની પર તે વખતે રાજા ગર્દભિલ્લનું શાસન પ્રવર્તતું. તે એટલો કામી હતો કે રૂપવતી સ્ત્રીને દીઠો મૂકતો નહિ. એક દહાડો તે ઝરૂખે બેઠો હતો ને તેની નજરે રસ્તે જતાં સાધ્વી સરસ્વતી ઉપર પડી. તેણે તત્કાલ તે સાધ્વીજીનું અપહરણ કરી પોતાના મહેલમાં પૂરી દીધા. આથી સર્વત્ર હાહાકાર વ્યાપી ગયો. રાજાને
