________________
अध्याय-१२
परिशिष्ट जैन आचार्यों द्वारा विरचित तान्त्रिक स्तोत्र
श्री नमिऊण स्तोत्र
-आचार्य मानतुंग नमिऊण पणय सुरगण चूड़ामणि-किरणरंजिअं मुणिणो। चलणजुयलं महाभय-पणासणं संथवं वुच्छं।।१।। सडियकर-चरण-नह-मुह-निव्वुडनासा विवन्नलावन्ना। कुट्ठ-महारोगानल-पुलिंग-निद्दड्ढ-सव्वंगा।।२।। ते तुह चलणाराहण-सलिलंजलिसेयवुढि-उच्छाहा। वणदवदड्ढा गिरि-पायवव्व पत्ता पुणो लच्छिं।।३।। दुव्वांयखुभिय जलनिहि, उभड - कल्लोलभीसणारावे । संभंत भयविसंतुल-निज्जामय-मुक्कवावारे ।।४।। अविदलिय-जाणवत्ता, खणेण पावंति इच्छियं कूलं । पासजिण-चलणजुयलं निच्चं चिअ जे नमंति नरा।।५।। खरपवणङ्ख्य वणदव-जालावलिमिलियसयलदुमगहणे। डज्झन्तमुद्धमयबहु-भीसणरव-भीसणंमि वणे ।।६।। जगगुरुणो कमजुयलं-निव्वाविय-सयलतिहुअणाभो। जे संभरंति मणुआ, न कुणइ जलणो भयं तेसिं ।।७।। विलसंत-भोगभीसण-फुरिआरुणनयणतरलजीहालं । उग्गभ्यंग नवजलय-सच्छहं भीसणायारं ||८|| मन्नंति कीडसरिसं, दूर-परिच्छूढविसम-विसवेगा। तुह नामक्खर-फुडसिद्ध-मंतगुरुआ नरा लोए।।६।। अडवीसु भिल्ल-तक्कर-पुलिंद-सदूल-सद्दभीमासु । भयविहुवरवुन्नकायर-उल्लूरिय-पहियसत्थासु ।।१०।। अविलुत्तविहवसारा तुह नाह! पणाममत्तवावारा। ववगयविग्घा सिग्घं, पत्ता हियइच्छियं ठाणं ।।११।। पज्जलियानल नयणं, दूर-वियारियमुहं महाकायं ।
Jain Education International
For Private & Personal Use Only
www.jainelibrary.org
