Page Text
________________
सोमाकहा
४९
एवं च मम वि होही. गोब्बरवणिओवमाइ जइ कह वि । उचियत्तं सहि ! धम्मे, ता तं दिज्जाहि अवियप्पं ॥ १२६४ तो तव्वयणायन्नणपहिट्ठचित्ताए सिरिमईए तहिं । भन्नइ गुरुहिं देओ धम्मो सहि ! एरिस जियाण ।। १२६५ ॥ दत्तोवमाण वि इमो, जइ देओ सहि ! न परहियरएहिं । अप्पंभरित्तमणुचियमेसिंतो ईसराणं व ॥ १२६६ ।। इय भणिऊणं नीया, पडिस्सयं साहुणीण तो दिट्ठा । मुत्त व्व सीललच्छी, पवित्तिणी आसणसुहत्था ।। १२६७ तं दह्णं विहिणा, पउत्तविणयाए सिरिमईए समं । सोमा वि पडइ पाएसु भत्तिउल्लसियरोमंचा ॥ १२६८ ।। दिन्नो य धम्मलाभो, पवत्तिणीए इमाण तो पुढें । सिरिमइ ! का एसा अणन्नबालिया धम्ममुत्ति व्व ॥ १२६९ ।। तो पुव्ववन्निओ से, वुत्तंतो सिरिमईए नीसेसो । कहिओ पवत्तिणीए, सा तं आलवइ सविसेसं ॥ १२७० ।। धन्ना सि तुमं भद्दे !, जीसे सयमेव एरिसी इच्छा । धम्मप्पवित्तिविसए, संजाया गुरुविवेयाओ ।। १२७१ ।। ता इण्हि एगचित्ता होउं सुण साविए ! मम सयासे । जह होइ इमो धम्मो, जत्तिय भेया य एयस्स ।। १२७२ ॥ धम्मो दयाए जायइ, सा वि य खंतिप्पहाणयाए उ । जम्हा कोवग्घत्था, जीवा न मुणंति हियमहियं ॥ १२७३ ॥ वेयंति न अप्पाणं, न परं न गणंति उत्तम अहमं । नो धम्ममहम्मं वा, जाणंति न सत्तु-मित्तं च ।। १२७४ ।। नवरं तप्परिणामेण चेव तिव्वेण अभिनिविट्ठमणा । अप्पपरोभयघायं, काउं धम्म पणासिंति ॥ तम्हा पसमजलेणं, धम्मतरुपवुढिमिच्छमाणेहिं । विज्झवियव्वो थेवो वि कोहदहणो दयादहणो || १२७६ ।। जीवदयापरिणामो, तस्सोवसमे य जायइ विसुद्धो । तेण उ असच्चपरिहारमाइवयसंभवो होइ ।। १२७७ ॥ पाणाइवायवज्जणरूवस्स वयस्स जेण सेसाई । अलियविवज्जणमाई, वयाई वइसरिसरूवाई ।। १२७८ ।। धम्मो जीवदयाए जायइ ता सुयणु ! सच्चमिह भणियं । भेया इमस्स दाणं, सीलं तव-भावणाओ य ॥ १२७९ ।। दाणं च चउवियप्पं, संखेवेणं भणंति मुणिवसभा । नाणाऽभयआहारोवहीण दाणप्पभेयाओ ॥ १२८० ॥ नाणं पंचपयारं, तत्थ उ मइनाणमाइमं भणियं । सुय-ओही-मणपज्जव-केवलनाणाई सेसाई ।। १२८१ ।। अत्थुग्गह-ईहावाय-धारणाभेयओ मई चउहा । अत्थोग्गह-वंजणओग्गहो य इह उग्गहो दुविहो || १२८२ ॥ मण छट्ठाणं पंचिंदियाण अत्थुग्गहो य छब्भेओ । मण-नयणे वज्जित्ता, बीओ उण चउविहो होइ ।। १२८३ ।। ईहाइयाणि तिन्नि उ, पत्तेयं हुंति छव्वियप्पाणि । सुयनिस्सियमइनाणं, अट्ठावीसइविहं एवं ॥ १२८४ ॥ बत्तीसविहं तु इम, उप्पत्तियमाइबुद्धिपरियरियं । तव्विह खओवसमजा, जमणिस्समई चउब्भेया ॥ १२८५ ।। बहुबहुविहाइभेएहिं सेयरे हुंति गुणियमखिलमिणं । तिन्नि सया चुलसीया, भेयाणं एत्थ परिमाणं ॥ १२८६ ॥ सुयनाणं पुण दुविहं, अंगाणंगप्पविट्ठभेएण । अंगपविठं बारस, आयाराईणि अंगाणि ॥ १२८७ ।। जमणंगपविठं तं तु दुविहमावस्सयं च इयरं च । आवस्सयं च भेयं, सामाइयमाइ नायव्वं ॥ १२८८ ॥ आवस्सयवइरित्तं, इयरं तं पि य वियाण दुविहं ति । उक्कालियकालियभेयकलियमुक्कालियं तत्थ ।। १२८९ ॥ दसवेयालियमाई, कालियमवि उत्तरज्झयणमाइ । दुविहं पि य बहुभेयं, नंदीसुत्ताइओ नेयं ।। १२९० ॥ ओहिन्नाणं पि दुहा, भवपच्चइयं खओवसमियं च । पढम सुरनेरइयाणमवरमिह मणुय-तिरियाणं ॥ १२९१ ।।
Jain Education International
For Private & Personal Use Only
www.jainelibrary.org
| SR No. | 001587 |
| Book Title | Chandappahasami Chariyam |
| Original Sutra Author | Jasadevsuri |
| Author | Rupendrakumar Pagariya, Jitendra B Shah |
| Publisher | L D Indology Ahmedabad |
| Publication Year | 1999 |
| Total Pages | 246 |
| Language | Prakrit |
| Classification | Book_Devnagari, Story, & Biography |
| File Size | 17 MB |