Page Text
________________
गोब्बरवणिककहा
(गोब्बरवणिककहा --) पडिभणइ इमा निसुणसु, सयज्झिए अत्थि कोउयं जइ ते । एत्थेव अत्थि पयडा, वीसपुरी नाम वरनयरी ।। १२१२ बोहित्थवाणियो तत्थ आसि दत्तो त्ति नाम विक्खाओ । दुत्थियजणोवयारी, महिड्ढिओ बुद्धिसंपत्तो ॥ १२१३ ॥ कालंतरे तहाविहकम्मोदयओ इमस्स संजाओ । विहवक्खओ सिरीए, अहवा चवलत्तणं पयडं ।। १२१४ ।। जओ भणियं - चंचलवित्ती एह वढमई परियाणिय लच्छि । कोथुहकिरणकरंवियइ थिरकण्ह वि न वच्छि ॥ १२१५ ॥ खीरोयजलविणिग्गमसमए च्चिय सिक्खियं हयासाए । चवलत्तणं सिरीए, तरलतरंगुग्गमाओ व्व ।। १२१६ ॥ अवि य - कमलवणभमरसंलग्गनालकंटयपविद्धचरण व्व । अखलियपयविन्नासं, कत्थइ न हु कुणइ पेच्छ सिरी ।। १२१७ एत्तो च्चिय अच्चब्भुयलच्छिभरालंकिया वि सप्फारा । न कुणंति कह वि गव्वं, जाणंता तीए चवलत्तं ।। १२१८ दत्तस्स य अन्नदिणे, दारिद्दोवद्दुयस्स गाढयरं । चित्ते जायं एवं, निव्वहि एवं कहिं इण्हि ।। १२१९ ।। तो सुमरइ पिउवयणं, जं भणियं तेण मरणसमयम्मि । जइ तुह पुत्तय ! कह वि हु, दारिदं होज्ज देव्ववसा ॥ १२२० ता एसा गिहमज्झे, जा चिट्ठइ लोहबद्धमंजूसा । तीसे मज्झे ठविया, करंडिया अत्थि तंवमई ॥ १२२१ ॥ तत्थ ट्ठिय पत्तं वाइऊण जं किं पि तत्थ निद्दिठें । तमणुढेज्जसु तुरियं, दारिदं जेण जाइ खयं ।। १२२२ ।। तो मंजूसं उग्घाडिऊण ताओ करंडियाओ लहुं । गहिऊण पत्तयं तं, परिभाविउमेस आढत्तो ।। १२२३ ॥ लिहियं च तत्थ जह गोमयो त्ति नामेण अत्थि वरदीवो। तत्थत्थि रयणतिणचारिणीओ गावीओ उवविसिया ।। १२२४ उवविट्ठाओ तत्थ य, मुंचंति सया वि गोमयं ताओ । घेत्तूण सोह सुक्को, पक्खिप्पिइ जलणमज्झम्मि ॥ १२२५ तस्संजोगेण तओ, रयणाणि हवंति दिव्वरूवाणि । एयं च तत्थ लिहियं, दऔं सो चिंतइ मणम्मि ।। १२२६ ।। अत्थोवज्जणमत्थेहिं चेव संपज्जइ त्ति जणपयडं । ते य न मज्झमियाणिं, तो कहमेयं पि संभविही ॥ १२२७ ।। हुं नायमुवाएणं, केण वि रायाणमेव जाएमि । दाया न जेण मोत्तुं, नरिंदमन्नो जणो पायं ।। १२२८ ।। तहा हि - का दाणसत्ती परतक्कुयाणं, दुजाय कायस्थकिराडयाणं । विज्जा वि दाही भण किं व एत्थं, जो मच्चुकामाओ वि घेत्तुकामो ॥ १२२९ ।। इय चिंतिऊण एसो, जहिं जहिं पासई जणं मिलियं । अत्थि मइ न उ विहवो, तहिं तहिं भासई एवं ॥ १२३० एवं च तिय-चउप्पह-चच्चर-रायप्पहाइठाणेसु । झक्खंतो सो लोएण गहगहीओ त्ति परिकलियो । १२३१ ।। अन्नम्मि दिणे रन्ना, नियभवणगवक्खवत्तिणा निसुओ । एवं पयंपमाणो, भणिओ सद्दाविऊण तओ ॥ १२३२ ।। भो दत्तसेट्ठि ! जेत्तिय धणेण कज्जं तुहत्थि तावइयं । गहिऊण मह सयासा, साहसु नियहिययअभिरुइयं ।। १२३३ एवं जओ पयंपसि, तं अत्थि मई न अत्थि मह विभवो । तो देमि तुज्झ तमहं, जेत्तियमेत्तेण तुह कज्जं ॥ १२३४
Jain Education International
For Private & Personal Use Only
www.jainelibrary.org
| SR No. | 001587 |
| Book Title | Chandappahasami Chariyam |
| Original Sutra Author | Jasadevsuri |
| Author | Rupendrakumar Pagariya, Jitendra B Shah |
| Publisher | L D Indology Ahmedabad |
| Publication Year | 1999 |
| Total Pages | 246 |
| Language | Prakrit |
| Classification | Book_Devnagari, Story, & Biography |
| File Size | 17 MB |