Chandappahasami Chariyam

SR No.: 001587
Original Sutra Author: Jasadevsuri
Author: Rupendrakumar Pagariya, Jitendra B Shah
Publisher: L D Indology Ahmedabad
Publication Year: 1999
Total Pages: 246
Language: Prakrit
Classification: Book_Devnagari, Story, & Biography
File Size: 17 MB

Page 53

सिरिचंदप्पहजिणचरियं
अच्छरियं च इमम्मि व, जं तं सि विवेगिओ वि सोएण । एवं खिज्जसि तिमिरेण मुज्झई न हु पईवकरो ॥ ५४२ किंच - मा वच्च तुमं खेयं, अकुसलसंकाइ निययपुत्तम्मि । दियहेहिं केच्चिरेहिं वि, मिलिही सो तुह सुहनिहाणं ॥ ५४३ अवि य गुरुसंपयाए लंकरिओ सयललोयआणंदं । कुणमाणो मा णेही, इहागओ चक्कवट्टिसिरिं ॥ ५४४ ॥ ता जइ वि गरुयअसुरेण चंडरुइणा सपुव्ववेरेण । संपइ अवहरिओ तह वि तस्स सव्वं सुहं होही ।। ५४५ ॥ इय मुणिऊण नरीसर ! सोयपिसायस्स देसु अवयासं । मणयम्मि मा तुमं जेण धीरिमाठाणमिह तुब्भे ।। ५४६ इय भणिओ राया अमयकुंडबुडं व सं वि मण्णंतो । संतुट्ठो अभिवंदिय, मुणिंदमणुमन्नइ गमत्थं ॥ ५४७ ।। सो वि मुणिंदो तत्तो, सुमुट्ठियं नियपहाइ गयणयलं । निज्जियरवितेयाए, उज्जोयंतो गओ तुरियं ।। ५४८ ॥ नरनाहो तप्पभिई, मुणिवयणविणिच्छयं विहेऊण । जाओ निराउलमणो, समुज्जओ रज्जकज्जेसु ॥ ५४९ ।। इओ य -- असुरेण तेण सो पुव्ववेरिणा अवहिओ वरकुमारो । बहुयं भमाडिऊणं, गयणयले रोसवसगेण ॥ ५५० ॥ मुक्को अगाहसलिले, महासमुद्दे व्व सरवरे तरसा । अइकरपवरजलयरभीमम्मि मणोरमाभिक्खे ॥ ५५१ ॥ तत्तो कुग्गाहसए हढेण निरसित्तु तस्स तीरम्मि । पत्तो भवंबुहिस्स व, सद्दिट्ठी तहिं अक्खलिओ ॥ ५५२ ।। निब्भयचित्तो तप्परिसराओ दूरे पलोयए अडविं । फरुसाभिहाणमेसो, न नामओ किंतु गुणओ वि ॥ ५५३ ।। खरनहरनहरपहरणविभिन्नकरिकुंभमुक्कमुत्ताण । धरइ समूहं जाव हु, तमालतरुअंधयारहरं ॥ ५५४ ॥ नावइ हरिणंकेणं, उच्छंगकुरंगरक्खकज्जेण । मियवइरिभएण उवायणीकयं बहलजोण्हभरं ।। ५५५ ।। (जुयलं) भरभमिरविवाहाउलमिगनयणा तह विसालवंसा य । सवराहिओदया जा य सहइ परिणयणवेइ व्व । ५५६ ।। संगरधर व्व तह खग्गिभीसणा भीमकुंभियुद्धा य । भूधरविचित्तकडओहसंकडा वग्गिरहरी य ।। ५५७ ॥ सरनियरमज्झदीसंतपुंडरीया पभूयवणकलिया । अन्नं च सजलदेसावणि व्व जा कत्थइ पएसे ।। ५५८ ।। तं पेच्छंतो अडई भयावहं संपयट्ट दिसमोहो । वच्चइ मइंदगुरुगयपयाणुसारेण अभयमणो ॥ ५५९ ॥ (कुलय) वच्चंतो दठूणं, सिंहं संजायकोउओ अहियं । तस्स अइगुरूपरक्कमपरिक्खणत्थं धरियपुच्छं । ५६० ॥ खरनहरपहरजज्जरियमहियलं भामिऊण खणमेक्कं । मेल्हइ भउज्झियमणो, मणोगयं पयडिउं सत्तं ।। ५६१ ।। (जुयल) अइकोउगेण कत्थ वि, उवरिं पि हु पासिऊण च उवायं । परिभावेऊण तहा, सरहं सिंहाउ अहियबलं ॥ ५६२ उक्खिविऊणं सो नियकरहिं पाएसु दोसु तं कुणइ । भुयथंभुत्तंभियतोरणं व खणमेत्तमइबलिओ ॥ ५६३ ।। (जुयल) अन्नत्थ करिवरं पासिऊण गयसिक्खसत्थनिम्माओ । नाणाविहकीलाहिं, कोलावित्ता वसीकाउं ॥ ५६४ ॥ एरावणं व सुरसेन्नसामिओ आरुहित्तु लीलाए । वच्चइ वणम्मि वणयरलोएण सविम्हियं दिवो ॥ ५६५ ।। (जुयलं) एवं विचित्तचित्तय-वराह-वग्घाइकूरसत्तेहिं । अखलियसत्तो कोउहलाई विविहाई जणयन्तो ।। ५६६ ॥ तग्गरुयपरक्कमदंसणुत्थभयवसविसंठुलमणेहिं । वणयरगणेहिं पणमिज्जमाणपयपंकओ जाव ॥ ५६७ ॥