Page Text
________________
गरुया विराहिया हुंति सुंदरा नेय कइया वि || २७४५ ।।
बलवंतो वि अरी खलु सुहसज्झो होइ नीइवंतस्स । जमुवायविऊ बंधंति वणयरा मत्तहत्थि पि ।। २९८३ ।। शीलधर्मे
तो उसी धम्मं भणामि सो विय दुहा विनिद्दिट्ठो । सव्वे देसे य तहा, अहवाऽगिहिधम्मगिहिधम्मा || १३५३ जो सव्वसीलधम्मो, सो हु जईणं वियाणियव्वो त्ति । पंचमहव्वयमाई, सतरसविहसंजमसरूवो ॥ १३५४ ।। पाणाइवायविरमणमाईणि वयाणि पंच जाणाहि । पंचेंदियनिग्गहणाई तह य चउहा कसाय जओ ॥ १३५५ ।। दंडत्तयविणिवित्तीओ तिन्नि एवं जईण संवरणं । सत्तरस पावदाराण होइ सीलं जिणाभिहियं ॥ १३५६ ॥ अहवा पुढवाईणं, पंचण्डं थावराण परिरक्खा । बेइंदियाइपंचिंदियंततसकायरक्खा य ।। १३५७ ।। अज्जीवसंजमो तह, बहुपडिपेहापमज्जपरिठवणे । मणवयणकायरक्खा, य संजमो सीलरूवो त्ति ॥ १३५८ ॥ इमिणा पालिज्जतेण पावबंधो निवारिओ होइ । दुविहेण वि ता एत्थं, जइयव्वं सुद्धबुद्धीहिं ॥ १३५९ ।। अहिणवबंधनिरोहे, तवेण सोसइ चिरंतणं कम्मं । सासयसोक्खो मोक्खो, तओ णु से खीणकम्मस्स || १३६० || जं पुण देसे सीलं, तं गिहिधम्मो तओ य नायव्वो । पंचाणुव्वयमाई, बारसविहवयपालणा रूवो ॥ १३६१ ॥ पंच य अणुव्वयाई, गुणव्वयाई च हुंति तिन्नेव । सिक्खावयाई चउरो, गिहिधम्मो बारसविहो उ ।। १३६२ ।। थूलगपाणइवायस्स विरमणं थूलअलियवयणस्स । थूलादिन्नादाणस्स तह य परदारपरिहरणं ।। १३६३ ।। थूलपरिग्गहविरई, एयाई अणुव्वयाइं पंचेव । दिसिवयमाईणि गुणव्वयाणि पुण हुंति तिन्नेव ॥ १३६४ ॥ भवभोगवयवमेव राईए भत्तपरिहरणं । सामाइयाइयाई, चउरो सिक्खावयाई तु ।। १३६५ ।। इय सव्वदेसभेयं, सीलं संखेवओ दुहा वृत्तं । इण्हि पुण तवधम्मं, वोच्छमहं नाममेत्तेण ॥ १३६६ || शुभध्याने
I
जे पुण असंगहियया, तेसिं तम्मज्झगाण वि न होइ । थेवो वि कम्मबंधो, जलसंसग्गो व्व पउमाण || १७८६ ॥ एत्तो च्चिय भरहनरेसरेण गिहिणा वि केवलं पत्तं । न य तेण तवं पि कयं, तइया मोत्तूण सुहझाणं ॥ १७८७ || ता सुझाणपबंधस्स साहगे मणनिरुंभणे चेव । जइयव्वं मोक्खभिकंखुएण तइ तं च अत्थि त्ति ॥ १७८८ ॥ श्रीइच्छुके
इच्छंतो अहियसिरिं मइमंतो अत्तणो कुणउ वेरं । सह अहमेण समेण व बलवंतेणं तु तमजुत्तं ॥ २९५५ ॥ पेच्छतो बहुपरिवारमप्पणो हयमई जियं चेव । सव्वं मन्नइ न मुणइ कज्जे विरलो च्चिय सहाओ || २९५६ || श्रुतज्ञाने
२११
सुयनाणं पुण दुविहं, अंगाणंगप्पविट्ठएण । अंगपविट्टं बारस, आयाराईणि अंगाणि ॥ १२८७ ।। जमणंगपविट्ठ तं तु दुविहमावस्सयं च इयरं च । आवस्सयं च भेयं, सामाइयमाइ नायव्वं ॥ १२८८ ॥ आवस्यवइरित्तं, इयरं तं पि य वियाण दुविहं ति । उक्कालियकालियभेयकलियमुक्कालियं तत्थ ।। १२८९ ॥
Jain Education International
For Private & Personal Use Only
www.jainelibrary.org
| SR No. | 001587 |
| Book Title | Chandappahasami Chariyam |
| Original Sutra Author | Jasadevsuri |
| Author | Rupendrakumar Pagariya, Jitendra B Shah |
| Publisher | L D Indology Ahmedabad |
| Publication Year | 1999 |
| Total Pages | 246 |
| Language | Prakrit |
| Classification | Book_Devnagari, Story, & Biography |
| File Size | 17 MB |