Page Text
________________
अखलियपयावपसरनिवकहा
१७९ न य एत्तिएण वि ठिओ पुणो वि अन्नोन्नमवसरं जणियं । दुक्खुद्दीरणमन्नोन्नमेव तं चिय करावेइ ।। ५५८५ ॥ तह ठाण सहावकयं पि उवदंसियं दुहं तस्स । अग्गेयणीसु तिसु पुण दोन्नि वि गरुयाई दुक्खाई ॥ ५५८६ ॥ परमाहम्मियअसुराण जेण परओ न अत्थि खलु गमणं । सत्तमपुरीए जं पुण तं ठाणकयं पि अइघोरं ।। ५५८७ ॥ जं वज्जकंटयाणं मज्झम्मि समंतओ महाविसमे । कीरइ तत्थुप्पाओ जणस्स अस्सायसुहडेण ।। ५५८८ ॥ एवं च तस्स तारिस असायपरिपीडियस्स लोयस्स । सुहवन्ता वि न वट्टइ किं पुण अन्नत्थ गमणकहा ।। ५५८९ ।। नरयाउवालविरइयआउक्खए होज्ज अन्नहिं गमणं । तस्स जणस्स तहा वि हु असायमाई तमणु जंति ॥ ५५९० ॥ नरतिरिगइनयरीसुं दोसु च्चिय जेण निज्जई एसो । सिरिनामरायसुहडेहिं तेण तत्थ वि असायाई ।। ५५९१ ।। जे असुहवन्नरसगंधफासनामा य नामरायस्स । पुत्ता समागया नरयआउराजस्स साहेज्जे ।। ५५९२ ।। वन्नरसगंधफासा तेहिं वि अहातहा कया तस्स । वीभच्छयाए जह तेसिमप्पणो वि हु महातासो ॥ ५५९३ ।। नीयागोओ उदएणं नीयागोयं पि तह कयं ताण । आउप्पत्तीउ च्चिय धिक्कारहया सया वि जहा ।। ५५९४ ।। तिरियाउपालदेवो एवं तिरियगइनिययनयरीए । पडिबद्धेसुं चोद्दससु भूयगामेसु गंतूण ।। ५५९५ ॥ सहिओ असायनीयागोयासहनामपमहसहडेहिं । एगिदियाइपाडयपुढवीकायाइगेहेस ।। ५५९६ ॥ जे केइ संति लोया तेसिं चिंतइ भवट्ठिई कालं । कायट्ठिइकालं सह तट्ठाणासुन्नकरणत्थं ॥ ५५९७ ।। पुढवीकायगिहत्थाण तत्थ बावीसई सहस्साई । वासाणं उक्कोसेण होइ कालो भवट्ठिईए ॥ ५५९८ ॥ आउक्काए सत्त उ तिन्नि सहस्साउ वाउकायम्मि । दसवाससहस्साउण पत्तेयतरूण उक्कोसो।। ५५९९ ।। तेउक्काए राइंदियाणि तिन्नेव एवमेसाओ। भवट्ठीइ एगिदियपाडयम्मि बेइंदियाण पुणो ॥ ५६०० ।। वासाई दुवालस तिदियाण एगूणवन्नदियहाई । चउरिदियाण छ च्चिय मासा पंचेंदियाण पुणो ॥ ५६०१ ।। संमच्छिमाण कोडीपव्वाणं गब्भयाण पण तिन्नि । पलियाई जहन्नेणं अंतमहत्तं तु सव्वेसिं ॥ ५६०२ ।। जे उ अणंतवणस्सइकाए तेसिं जहन्नमुक्कोसं । अंतोमुहुत्तमेव य एवं एसा भवट्ठिईओ ॥ ५६०३ ।। कायठिई कालो जो य मोहरायाओ कारिओ ताण । तं साहेमो एत्तो उवउत्ता भो निसामेह ॥ ५६०४ ॥ अस्संखोसप्पिणिसप्पिणिओ काएसु चउसु वि कमेण । ताओ चेव वणस्सइकाए णंताओ नायव्वा ।। ५६०५ ॥ वाससहस्सा संखेज्जया उ बेइंदियाइसु हवंति । अद्वैव भवग्गहणाई हुंति पंचिंदिएसु पुणो ॥ ५६०६ ।। एवं भवट्ठिईए कायठिईए य ते निरंभेउं । दुक्खुडुयाए रूवे कारवइ असायमाईहिं ।। ५६०७ ॥ अइमुच्छियचेयन्ना जइ वि हु एगिदिया न वेयंति । दुक्खं सुहं अओ च्चिय भणिया ते अप्पवेयणिया ॥ ५६०८ ।। तह वि हु बायरकाए च्छेयणभेयणविलुंचणाईहिं । गम्मइ असायउदओ वि सोसपडणाइदंसणओ ॥ ५६०९ ॥ बेइंदियाइयाणं पुण अमणाणं पि किंचि सो अहिओ । बहुबहुयरभावाओ चेयन्नगुणस्स विन्नेओ ॥ ५६१० ।। एवं असुहा वन्नाइया वि पाएण बायरे काए । कत्थ वि सुहा वि दीसंति अगरुकप्पूरमाईसु ॥ ५६११ ॥ नीयगोयस्सुदओ सव्वाए चेव तिरियजाईए । नीयागोएण कओ अप्पबहुत्तेण य विसेसो ॥ ५६१२ ।।
१४ Jain Education international
For Private & Personal Use Only
www.jainelibrary.org
| SR No. | 001587 |
| Book Title | Chandappahasami Chariyam |
| Original Sutra Author | Jasadevsuri |
| Author | Rupendrakumar Pagariya, Jitendra B Shah |
| Publisher | L D Indology Ahmedabad |
| Publication Year | 1999 |
| Total Pages | 246 |
| Language | Prakrit |
| Classification | Book_Devnagari, Story, & Biography |
| File Size | 17 MB |