Page Text
________________
अखलियपयावपसरनिवकहा
१७५ न य एत्तिएण अम्ह वि तस्सुवरि समत्थि का वि वइरमई । तन्नयरीसु वि लोओ आणाकारी जओ अम्ह ॥ ५४७७ अन्नं च - पावमइ महामाया मज्झिमगुणजोग्गयासुहपवित्ती । चत्तारिकलत्ताई इमस्स तेसिं सुया चउरो ॥ ५४७८ ।। नरयाऊ तिरियाऊ मणुयाऊ तह य चेव देवाऊ । एए य कया सव्वे रायाणो निययनयरीसु ॥ ५४७९ ।। एएसु य नरयाऊ मिच्छादसणअमच्चवसवत्ती । निच्चं चिय तव्विरहे कत्थ वि बंधइ ठिई नेय ॥ ५४८० ॥ पुत्ता चरित्तमोहस्स जे वि जलणाइणो महासुहडा । तेहिं पि समं पीई इमस्स गरुई अओ एसो ।। ५४८१ ।। तुम्हं चेव सहाओ जो उण तिरियाउ नरवई एसो । बहुमिच्छत्तणुजाई कयाइ सासायणरूईए वि ॥ ५४८२ ।। मणुयाउ य देवाउ य रायाणो कुणइ कयाइ मिच्छस्स । कइया वि हु सम्मस्स वि दुण्हं पि करंति अणुयत्तिं ।। ५४८३ जे वि हु आउयरायस्स रागरायाइणो पहाणभडा । तेसु वि थेव च्चिय सम्मदंसणे विहियअणुरागा ।। ५४८४ ।। बहवे मिच्छादसणं महत्तमस्सेव मंतणाण सया । कज्जेसु संपयट्टति तेण ते वि हु तुहायत्ता ।। ५४८५ ॥ ता कस्स वि आसंका कायव्वा वच्छ ! न हु तए अहवा । सुसहायबुद्धिवीरियजुयाण कत्तो भवे संका । ५४८६ ।। इय सिक्खविऊण इमो पिउणा कुमरत्तणम्मि ठविऊण । महईए सामग्गीए पेसिओ तयणुबलकलिओ ।। ५४८७ ।। अखलियपसरो सव्वत्थ कह वि तह विलसिउं समाढत्तो। जह तस्स को वि आणं न लंघई कत्थ वि कहिं पि ।। ५४८८ एवं च पसरमाणो अस्संववहारपुरजणं ताव । सव्वं पि कुणइ तहं कह वि मोहिउं दिट्ठिमोहेण ॥ ५४८९ ।। गयचयणो व्व मुच्छागओ व्व अवहरियजीविओ व्व जहा। न मुणइ सुहं न दुक्खं एसो य न चलइ फंदइ वा ।। ५४९० किंतु समजीयमरणो समेक्कदेहप्पवेसनिक्कासो । समनीसासूसासो समसमयाहारनीहारो ।। ५४९१ ।। चिट्ठइ सया वि एवं अच्चन्तसिणेहसारयाइ व्व । पडिबद्धो नियजाईए अन्तरं कस्स वि न देइ ॥ ५४९२ ।। तिरियगईनयरीए जइ वि पहू आउराइणा ठविओ। तिरियाऊ सामंतो तप्पडिबद्धं च नयरमिणं ।। ५४९३ ।। तह वि हु तस्स समक्खं पि तिरियगइनयरिसंतिओ लोओ। निज्जइ विवक्खचरडेहि को वि कइया वि कत्तो वि॥५४९४ अस्संववहारपुरे दंसणमोहेण पुण तहा विहियं । पडिवक्खनाममेत्तं तत्थ जहा फुरइ न हु कह वि ।। ५४९५ ॥ जे वि हु आउयरायस्स नाम रायाइणो सुहविवाया । अणुयत्तेती सम्मइंसणमेसि पि तत्थ गमो ।। ५४९६ ।। रुट्ठो दंसणमोहेण जे उ मिच्छत्तयवयणपडिबद्धा । असुहविवागा तेसिं कओ विसेसेण संपसरो ।। ५४९७ ।। जे वि य चोद्दसभूयग्गामेसु वसंति पाडया केइ । एगिदियाइयाणं तेसु वि साहारणसरीरा ।। ५४९८ ।। अप्पज्जत्ता पज्जत्तगा य सव्वे तहा कया तेण । अस्संववहारपुरम्मि जारिसा केवलं तत्तो ।। ५४९९ ॥ अन्नत्थ वि जंत कयावि कम्मपरिणामरायदइयाए । के वि हु अकामनिज्जरदेवीए पेसिया संता ।। ५५०० ॥ जे उण पत्तेयतणू अप्पज्जत्तगगिहेसु वटुंति । ते वि हु दंसणमोहेण अत्तवसवत्तिणो विहिया ।। ५५०१ ।। जह एए तह बेइंदियाइ पाडयगया वि जे केइ । ते वि अपज्जत्तगगेहवत्तिणो एवमेव कया । ५५०२ ।। जे उण पज्जत्तगगेहवत्तियो तेसि केसु वि कया वि । सम्मत्तस्स वि होज्जा अणुप्पवेसो परं किंतु ॥ ५५०३ ।।
Jain Education International
For Private & Personal Use Only
www.jainelibrary.org
| SR No. | 001587 |
| Book Title | Chandappahasami Chariyam |
| Original Sutra Author | Jasadevsuri |
| Author | Rupendrakumar Pagariya, Jitendra B Shah |
| Publisher | L D Indology Ahmedabad |
| Publication Year | 1999 |
| Total Pages | 246 |
| Language | Prakrit |
| Classification | Book_Devnagari, Story, & Biography |
| File Size | 17 MB |