Chandappahasami Chariyam

SR No.: 001587
Original Sutra Author: Jasadevsuri
Author: Rupendrakumar Pagariya, Jitendra B Shah
Publisher: L D Indology Ahmedabad
Publication Year: 1999
Total Pages: 246
Language: Prakrit
Classification: Book_Devnagari, Story, & Biography
File Size: 17 MB

Page 154

१२३
पउमनाहनिवो एत्थ य पूयासक्कारमाइ जह निव्वहेइ निच्चं पि । तह चिंतिऊण सव्वं, गिहिधम्मं पालिऊणं च ॥ ३१८४ ।। वोलीणे बहुकाले, सीहरहो नाम जो सुओ जाओ । गंधारदेविकुच्छीसमुन्भवो सयलगुणकलिओ ।। ३१८५ ॥ तस्स समप्पिय रज्जं, पच्छिमकाले समाहिमरणेण । संपत्तो सुरलोयं, सो राया सीहेसेणो त्ति ।। ३१८६ ।। एयं च कहावत्थु पयडं चिय देव ! जेण भीमरहो । जो तुह कडयम्मि निवो, सो राया तस्स वंसम्मि ॥ ३१८७ ॥ जं सीहरहंगरुहो महारहो तस्स दढरहो तणओ। तस्स य पुत्तपपुत्तो भीमरहो एस नरनाहो ॥ ३९८८ ।। सीहरहाई य इमे, सरज्जयं पालिऊण गिहिधम्मं । पच्छिमवयगहियवया, जाया सव्वे वि संजमिणो ॥ ३१८९ ।। लच्छिनिहेलयनाम, जं च पुरं आसि देव ! एयाण । तं दढरहस्स रज्जे उद्धट्ठं पंसबद्धीए ॥ ३१९० ॥ एवं हि कहा सुव्वइ, दढरहरज्जम्मि किर पुरा एगो । अटुंगनिमित्तविऊ, पत्तो नेमित्तिओ सिद्धो ॥ ३१९१ ।। अत्थाणगयस्स निवस्स तेण भणियं जहेत्थ जो राया। तस्स सिरे अज्जदिणाओ, सत्तमे निवडिही विज्जू ॥ ३१९२ ।। अह तं विसज्जिऊणं, रन्ना मइसायराभिहो मंती । भणिओ किं कायव्वं उवट्ठिओ एरिसो वसणो ॥ ३१९३ ।। भणियं तेण नरेसर ! अन्नो राया ठविज्जए रज्जे । तम्मि दिणे तस्सेव य, जेण सिरे निवडई विज्जू । ३१९४ ।। तम्मि पुरे तो रन्ना, दवाविओ पडहओ जहा रज्जं । सत्तदिणे काऊणं, जो गेण्हइ तस्स देमि अहं ॥ ३१९५ ॥ न य को वि लेइ रज्जं, सोउं नेमित्तियस्स तं वयणं । न हु को वि जीवियत्थी, कवलइ हालाहलं अहवा ॥ ३१९६ ।। एवं च भणइ लोओ, विउलाइ वि किमिह रज्जलच्छीए । जीए जीवियनासो होज्जम्हं सत्तमे दिवसे ॥ ३१९७ ॥ एवं दियहे दियहे, घोसिज्जंते वि पडहएण तहिं । जाव न कोवि पडिच्छइ तं रज्जं ताव छट्ठदिणे ।। ३१९८ ।। भणिओ रन्ना मंती, पुणो वि कह नाम नित्थरेयव्वं । एयं तो भणइ इमो, अत्थेगो नरवर ! उवाओ ।। ३१९९ ॥ अत्थि इह खेत्तवालो, नगरदुवारम्मि चंडसेणो त्ति । सो ठाविज्जउ राया, आणेउं एत्थ धवलहरे ॥ ३२०० ।। आणाविय तयणु तयं, रयणीए ठावए नियपयम्मि । सयमवि दढरहराया, नीहरिओ ताओ नयराओ ॥ ३२०१ ।। उइयम्मि दिवसनाहे, गयाए वेलाए केत्तियाए वि । बीयदिणे गयणयलं छइयं मेहेहिं सव्वत्तो ॥ ३२०२ ।। अवि य - गंभीरगज्जिगुंजारवेण बहिरियसमग्गदिसियक्को । भासुरतडिच्छडाडोवकेसरुक्कंपभयजणओ ।। ३२०३ ।। निवडतबहलधारानिवायनहनिवहभिन्नसयलधरो । दीसंतुइंडसुरिंद चंडकोदंडगुरुदाढो ।। ३२०४ ॥ आऊरियगयणमुहो, मेहोहो विलसिऊण सीहो व्व । गयणाओ खडहडंति, पावइ वज्जासणिचवेडं ॥ ३२०५ ।। पडिया य सा महारायसंतियं भिंदिऊण पासायं । सीसम्मि तस्स अहिणवनिवस्स किर खेत्तवालस्स ।। ३२०६ ॥ तो सो अकालमेहो उवसंतो निम्मलं नहं जायं । रन्नो वसणखएण व, दिसा सपसन्नाओ जायाओ ॥ ३२०७ ।। मेहविमुक्को मित्तो वि तक्खणं अहिय तेयवं जाओ । आवइविगमं दटुं व राइणो गरुय तोसेण ॥ ३२०८ ।। एत्थंतरम्मि रन्ना, सिद्धं नेमित्तियं समाहवियं । अब्भहियजायहरिसेण दावियं से महादाणं ।। ३२०९ ।। मइसायरमंतिस्सवि गरुयं सम्माणमायरेऊण । नियपासाए गम्मइ, महाविभूईए तुट्टेण ।। ३२१० ।।