Page Text
________________
हिरिमइदेवी
८७ तो पत्तो सट्ठाणं सक्को भरहस्स पुत्तमह रज्जे । ठविऊणाइच्चजसं जसधवलियसयलभुवणयलं ॥ २२५१ ।। भरहो वि मुणिवरिंदो, दसहिं सहस्सेहिं मुणिवराण समं । विहरित्तु निरुवसग्गं, सग्गम्मि व मज्झदेसम्मि ।। २२५२ केवलिपरियाएणं, पुव्वसयसहस्सकालमाणेण । अट्ठावयमणुपत्तो, कुणमाणो भवियजणबोहं ॥ २२५३ ॥ तं गिरिवरमारुहिउं, पुढविसिलापट्टमेगमइगरुयं । पडिलेहिऊण भयवं पाओवगमणेण तत्थ ठिओ ॥ २२५४ ।। संपुन्नमासमेगं, कालगओ तयणु खीणकम्मंसो । सव्वाउयमणुपालिय, चउरासीपुव्वलक्खाणि ॥ २२५५ ॥ सासयपयमणुपत्तो जाइजरामरणदुक्खपरिहीणो । निरुवमअणंतअक्खयसोक्खस्स स भायणं जाओ ॥ २२५६ ॥ इय कहियं तुह भद्दे ! पसंगओ भरहरायरिसिचरियं । संखेवेणं एत्तो पत्थुयमेत्थं निसामेसु ॥ २२५७ ॥ आसि पुरा तुह जीवो महामुणी मुणियसत्थपरमत्थो । परमत्थेहिं मयणस्स नारिनयणेहिं अव्वहिओ ॥ २२५८ ॥ अवि य - हियजणए सयलजियाण जम्मि नीसेसगुणगणावासे । दोसाण नत्थि ठाणं गुणेहिं निव्वासियाणं च ॥ २२५९ ॥ तहा हि - रहिओ एगविहअसंजमेण बंधणदुगेण न य बद्धो । रागद्दोससरूवेण मोहरायापउत्तेण ।। २२६० ।। मणवयणकायदंडेहिं दंडिओ नेय तिहिं पयंडेहिं । सल्लेहिं गारवेहिं य, न सल्लियो न वि य गारविओ ।। २२६१ ।। नाणाईण तिण्हं, पयट्टए न य विराहणट्ठाए । न य चउहिं कसाएहिं, कसाइओ कत्थ वि महप्पा ।। २२६२ ।।
आहाराई सन्नाचउक्कए न य निविट्ठचित्तो य । विगहास न य पसत्तो, न पंचकिरियास आसत्तो ।। २२६३ ॥ पंचसु कामगुणेसुं, न य रत्तो न य पणिंदियपमत्तो । छज्जीवघायनिरओ न होइ सयसत्तभयभीओ ॥ २२६४ ।। मत्तो न अट्ठमयठाणएहिं न पमायअट्ठयपमत्तो । नवबंभचेरगुत्तीविवक्खसेवासु न पयट्टो ॥ २२६५ ।। न य दसविहधम्मल्लंघणाइ कत्थ वि स उज्जम कुणइ । इय तस्स सुट्ठियस्स वि देववसा सुणसु जं जायं ।। २२६६ एक्कल्लविहारेणं तस्स भमंतस्स सुद्धचित्तस्स । अह अन्नया कयाई, वोलीणा गिम्हसमयम्मि ।। २२६७ ॥ आयड्ढियकोयंडो धाराबाणावलीओ अणवरयं । मुंचतो जो पसरइ, गिम्हस्सुच्चासणत्थं व ।। २२६८ ।। संतवियधरणिमंडलगिम्होवरि कोवकसिणमेहमुहो । विज्जुच्छलेण जो रोसजलणजालाओ उवमेइ ॥ २२६९ ॥ कलुसजलभरियमग्गम्मि जम्मि निन्नुन्नए अयाणंता । लोया गिहाओ गेहं पि कह व किच्छेण गच्छंति ।। २२७० ॥ भूजलसंगुप्पन्नाण जत्थ जीवाण रक्खणत्थं च । दुस्संचारा जाया, चिक्खल्लचिलिप्पिया धरणी ।। २२७१ ।। धारानिवायसंसित्तधरणिउग्गयतणंकुरमिसेण । पुलइज्जइ जत्थ जयं, पाउससिरिसंगमपहलै ।। २२७२ ।। फुल्लंति जत्थ धाराकयंबनिवहा रडंति मंडुक्का । नच्चंति सिहंडिगणा, वच्चंति न पहियसंघाया ।। २२७३ ।। तम्मेरिसम्मि वासारत्ते, पढमम्मि सो मुणी पत्तो । पुरमेक्कं विहरंतो, संजमरक्खाइ अभिउत्तो ।। २२७४ ।। तस्स य बहिप्पएसे वंतरदेवीए जिन्नमुज्जाणं । तम्मज्झे तीए च्चिय, चिरंतणं अत्थि आययणं ।। २२७५ ।। तं देविं अणजाणाविऊण तस्सेव एक्क कोणम्मि । पाउसनिगमणहेउं ठिओ महप्पा तवे निरओ ॥ २२७६ ।।
Jain Education International
For Private & Personal Use Only
www.jainelibrary.org
| SR No. | 001587 |
| Book Title | Chandappahasami Chariyam |
| Original Sutra Author | Jasadevsuri |
| Author | Rupendrakumar Pagariya, Jitendra B Shah |
| Publisher | L D Indology Ahmedabad |
| Publication Year | 1999 |
| Total Pages | 246 |
| Language | Prakrit |
| Classification | Book_Devnagari, Story, & Biography |
| File Size | 17 MB |