Page Text
________________
३३८
गंथपसस्थि
गरुयगुणे अणुसरणं कुणमाणे पासिऊण व पवन्नं । तुंगत्तणं सरीरेण जस्स अच्चब्भुयं भुवणे ॥१०८७८॥ रूवेण निज्जिओ लज्जिओ व्व मयरद्धओ महासुहडो । नियडो न कयाइ वि जस्स संठिओ विट्ठिमविमुक्को। निव्वाणअत्थगिरिसिरतिरोहिए दिणयरम्म व जिणिदे । पुव्वमुणिमयंकमहे लोगंतरपट्ठिए संते ।।१०८८०।। कलिकालनिसापसरियपमायबहलंधयारपडलेण । संजममग्गे पच्छाइयम्मि पाएण इह भरहे ।।१०८८१॥ जेण तवनियमसंजमसमुज्जएणं महानिरीहेण । विप्फुरियं विमलमणिप्पईवकप्पेण सव्वत्तो ।।१०८८२।। तह कह वि अणुट्ठाणं मुक्ककसायं अणुट्ठियं जेण । परपक्खसपक्खेसु विमणं पि जह होइ न विरोहो।।१०८८३।। एगो य चोलपट्टो तह पच्छायणपडी वि एक्का य । नियपरिभोगे जस्साऽऽसि सव्वया अइनिरीहस्स ।।१०८८४।। देहे वत्थेसु सया वि जस्स मलनिवहमुव्वहंतस्स । अभितरकम्ममलो तब्भयभीओ व्व नीहरइ ।।१०८८५।। घयविगई मोत्तणं पच्चक्खायाओ सेसविगईओ । सव्वाओ जेण जावज्जीवं रसगिद्धिरहिएण ॥१०८८६।। निज्जरणकए कम्माण जेण दिणतइय जामसमयम्मि । गिम्हे भिक्खा भमिया पढमगुणट्ठाणियगिहेसु।१०८८७। भिक्खाविणिग्गयं जं सोऊणं सावया नियनिएसु । होति गिहेसु वउत्ता भिक्खादाणाहिलासेण ॥१०८८८।। जं नियगिहनियडागयब्भत्थेउ महिड्ढिया वि नरा। आमणसेट्ठिप्पमुहा पडिला ति य सहत्थेण ।।१०८८९।। गामे वा नयरे वा सो कत्थइ जत्थ संठिओ जाव । ताव तमवंदिऊणं न तत्थ पायं जणो भुत्तो ॥१०८९०।। सिरिवीर एव तणओ ठक्कुरसिरिजज्जओ जयपसिद्धो । गाउय पंचगमज्झे अवंदिउं जं न भुजंतो॥१०८९१॥ अणहिल्लवाडयपुरे जायविसेसूसवे जिणाययणे । हक्कारिऊण नीए एक्कम्मिवि जम्मि तत्थ तओ॥१०८९२॥ गरुओ गरुययरो वि हु सेसो सावयजणो सयं चेव । जाइ अणाहूओ वि हु जस्स नमसणकयपइन्नो।।१०८९३।। मुत्ती वि जस्स सयला अमयरसेणेव निम्मिया विहिणा। तइंसणे वि नासइ जणस्स जम्हा कसायविसं ॥८९४॥ परतित्थीण वि दिट्ठो हिययं पल्हायए सदसणओ। जो तेहि वि मनिज्जइ नियनियदेवावयारो व्व।।१०८९५।। तं चिय सया वि वयणं मुहकुहराओ विणिग्गयं जस्स । जम्मि निसुए जणाणं परमा मणनिव्वुई होइ।।१०८९६।। अन्नोन्नगोटिकलहे जेहिं कओ सावएहि रोसवसा । जिणभवणगमणनियमो उवसंता ते वि जस्स गिरा ॥८९७।। कह वि कसायवसेणं सहोयरा भाउणो वि वढ्ता । अन्नोन्नमणालावे विगयकसाया कया जेण ।।१०८९८।। लद्धनरिंदपसाया थद्धा जे देवयाण वि पणामं । किच्छेण कुणंता तह गुरुणो एगस्स नियगच्छे ॥१०८९९।। रायामच्चप्पमहानिओगिणोते वि जस्स वयणण। सामन्नस्स विमणिणो मक्कमया कमनया जाया ॥९००। गोवगिरिसिहरसंठियचरमजिणाययणदारमवरुद्धं । पुव्वनवदिन्नसासणसंसाधणिएहि चिरकालं ।।१०९०१।। गंतूण तत्थ भणिऊण भुवणपालाभिहाणभूवालं । अइगरुयपयत्तेणं मुक्कलयं कारियं जेण ॥१०९०२।। वरणागसुयं संतु य सचिवं भणिऊण जेण भरुयच्छे । सिरिसंवलिया विहारे हेममया रोविया कलसा ॥९०३।। जेण जयसिंहदेवो राया भणिऊण सयलदेसम्मि । काराविओ अमारि पज्जोसवणाइसु तिहीसु ।।१०९०४।। पुहईराएण सयंभरी नरिंदेण जस्स लेहेण । रणखंभेउरजिणहरे चडाविया कणयमयकलसा ।।१०९०५।। जेण कुणंतेण तवं चउत्थ छट्ठच उभयकाले वि । सद्धम्मदेसणा भवियणस्स न कया वि परिचत्ता ॥१०९०६।। सावयलोओ कल्लाणएसु अट्ठाहियासु सविसेसं । गामेसु य नयरेसु य बहू पयट्टाविओ जेण ॥१०९०७।। निय नाणेणं केणइ तह वेमाणियसुरोवएसेण । परलोयगमणसमयं निययं नाऊण आसन्नं ।।१०९०८।। नीरोगम्मि वि देहे कमेण काऊण कवलपरिहारं । खविऊण खुह सयलं जेण पवन्नो अभत्तट्ठो ।।१०९०९।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |