Page Text
________________
३०२
समोसरणवण्णणं
आयरियाणिऊण जोग्गसीसेण तक्कहियअट्ठो। अन्नेसि कहियन्वो सीसायरियक्कमो एवं ॥९७२३।। जम्हा एमाइगुणा कहमाणे गणहरम्मि जायंति । तम्हा तं अणुजाणइ जिणनाहो धम्मकहणम्मि ॥९७२४॥ संखाईए वि भवे साहइ जं वा परो उ पुच्छेज्जा । न य णं अणाइसेसी वियाणई एस छउमत्थो ।।९७२५।। एस समोसरणविही जिणाण सामन्नओ मए कहिओ। तयणुगयं सेसं पि हु समासओ साहियं एत्थ ।।९७२६॥ इन्हि तु पत्थुयत्थं भणामि अमरेहि कयसमोसरणे । पुव्वभणिएण विहिणा पविसइ मुणिसुव्वयजिणिदो।।९७२७।। चेइयरुक्खपयाहिणपुव्वं सीहासणम्मि उवविसइ । पुबदिसाएऽभिमुहो तित्थस्स नमो ति भणमाणो॥९७२८।। एत्यंतरम्मि सुव्वयराया नाऊण केवलुप्पत्ति । तित्थयरस्स भगवओ समागओ सव्वइड्ढीए ॥९७२९।। अंतेउरेण सह पुरजणेण आणंदजणियरोमंचो। पंचविहाभिगमेणं पविसिय तिपयाहिणापुव्वं ।।९७३०।। धरणीयलमीलियजाणुकरयलो पणमिऊण तित्थयरं। मत्थयनिहित्तहत्थो एवं थोउं समाढत्तो।।९७३१।। सुरसुहविमुह! समुज्झिय पाणयकप्पामरिन्दसिरिसंगं । भवपंकनिमग्गसमग्गजंतुउद्धरणबद्धमणो ॥९७३२।। तं मुणिसुव्वयसामिय! कयावयारो सि मणुयलोयम्मि। परकज्जसज्जमइणो गरुया नियकज्जनिरवेक्खा।९७३३। तइ गब्भगए पउमावइदेवी पणमिया सुरिंदेण । गरुयाण संगमे को न होइ सव्वस्स नमणिज्जो ॥९७३४।। तुह जम्मखणे जिणवर ! नेरइएहि वि सुहं समणुभूयं । कस्स ण महाणुभावाण सभवो होइ सुहहेऊ ॥९७३५। विउला वि रायलच्छी तण व चत्ता तए विजयनाह ! जं तेण विवेईणं अवमाणपयं इमा जाया ॥९७३६।। कयदिक्खारक्खेण तुमए तवतिक्ख खग्गडंडेण । काऊण खंडसो घाइकम्मभुयगं महाभोगं ॥९७३७।। निहणं नेऊण तओ तप्पडिद्धं अणाइकालाओ। रयणनिहिकलसकप्पं केवलमुप्पाडियं नाणं ।।९७३८॥ करयलकलियं मुत्ताहलं व सयलं पि तेण तेलोक्कं । अवलोयंतो सामिय! कस्स न संसयतमं हरसि ॥९७३९।। नाह ! तए परिगहिओ नरलोओ नूण सग्गलोयाओ । रमणिज्जयरो जाओ तेण सुरा सययमिह एंति ।।९७४०।। तह कह वि कुणंति सुरा पायारतियाइयं तुह विभूइं । जह तं पेच्छंताणं ताणं पि हु विम्हओ होइ ।।९७४१।। नाह ! तुइ विभूईए गुणनिवहाण य तहा अणंताण। को वि लवंपि न सक्कइ वन्नेउं सुरगुरुसमो वि ।।९७४२।। जइ वि तुमं सव्वण्णू जइ वि सयंचिय परस्स दुहहरणे । बद्धपइन्नो सि तुम तह वि अहं विनविस्सामि।।९७४३।। थेवक्खरेहिं किंचि वि जम्हा भवदुहदवग्गिसंतत्तो । खणमवि न खमो ठाउं मोणेण मुणिंद ! तइ दिट्ठ ॥९७४४।। भयवं ! अइनिस्विन्नो हं जम्मजरामरणरोयसोयाण । तह कुणसु जहा तेसि भुज्जो वि न भायणं होमि।।९७४५।। इय थुणिऊण जिणिदं सुव्वयराया सुतिव्वसंवेओ । नमिऊण सपरिवारो उचियपएसे समासीणो ।।९७४६।। अह सुरनरविज्जाहरपारद्धमहंतनट्टगेयरवे । पवियंभियगुरुपहरिसकलयलघोसे य उवसंते ।।९७४६।।। सट्ठाणनिविट्ठाए सदेवमणुयासुराए परिसाए । वागरइ जिणो धम्म सव्वजगज्जीवहियजणगं ।९७४७।। भो भव्वा ! एस भवो अणाइमं इह अणाइणो जीवा । तेसिं सामन्नेणं नाणावरणाइकम्माणं ।।९७४७।।। संजोगो य अणाई अपज्जवसिओ य सो अभव्वाण । भव्वाण पज्जवसिओ विसेसओ पुण समग्गाण ।।९७४८।। जीवाणं मिच्छत्ता विरइपमाएहिं तह कसाएहिं । जोगेहि कम्माणं बंधो होइ त्ति साईओ ॥९७४९।। एसो अकामनिज्जरबालतवोकम्मनाणमाईहिं । नियमेण विहडइ तओ सव्वेसिं चेव जीवाणं ॥९७५०।। जायइ सपज्जवसिओ तेण य कम्माणुसंगमवसेण । पढम पि ताव जीवा सव्वे वि अणाइकालाओ ।।९७५१।। सुहुमअणाइवणस्सइकायनिगोएसु पिंडिया संता। निवसंति पोग्गलाणं परियट्टेऽणतणते उ ।।९७५२।। जीवाणमणताणं एगं चिय होइ जं किर सरीरं । भन्नइ निगोयनामं तं तेसिमसंखयाणं तु ॥९७५३॥
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |