Page Text
________________
सिरिमुनिसुव्वयजिणिंदचरियं
२९९ जम्माहिसेयसमए जह तह चेव य उवागया सव्वे । सव्विड्ढीए सव्वज्जुईए सव्वेण य बलेण ॥९६२४॥ केवलनाणप्पत्ती महिमं कुव्वंति जिणवरिंदस्स । तत्थ समोसरणं जह विरयंति सुरा तहा भणिमो ।।९६२५।। संवट्टगपवणेणं जोयणपरिमंडलाओ खेत्ताओ। असुइ अचोक्खं सव्वं तणडगलाई खिवंति बहिं ।।९६२६।। तत्तो जलवद्दलयं विउव्विउं पसमयंति रयनियरं । मणिकणगरयणचित्तं कुणंति तो तत्थ भूभागं ।।९६२७।। जलथलसंभूयदसद्धवन्नवरसुरहिकुसुमसंघायं । पयरंति तम्मि खेत्ते जोयणमेत्ते वि सव्वत्तो ॥९६२८।। अभितरपायारं सव्वं रयणामयं विउव्वंति। कविसीसाइं मणीहिं दसद्धवन्नेहि कुव्वंति ।।९६२९।। मज्झिमयं पायारं कणगमयं रयणरइयकविसीसं । बाहिरयं रययमयं जंबूणयहेमकविसीसं ॥९६३०॥ एक्कक्के पायारे चउरो चउरो हवंति दाराइं। सव्वरयणामयाइं रयणामयतोरणाइं च ।।९६३१।। ताई च तोरणाई मणिकणयविचित्तयाइं जायंति । मगरमुहसालहंजियछत्तपडागाभिरामाई ।।९६३२॥ तत्तो य समतेणं कालागुरुकंदुरुक्कमीसेणं। गंधेण मणहरेणं धूवघडीओ विउव्वंति ॥९६३३।। अभितरपायारस्स मज्झभाए असोयवररुक्खं । जिणदेहुच्चत्ताओ दुवालसगुणं विउव्वंति ।।९६३४।। तस्स य हेट्ठा पेढं रयणमयं भासुरं विउव्वंति । तस्सुवरि देवछंदगमेयस्स य मज्झयारम्मि ।।९६३५।। नाणामणिरयणमयं रएंति सीहासणं सपयवीढं । पउमपइट्ठियमुज्जलरयणमयं धम्मचक्कं च ॥९६३६।। सीहासणस्स उवरि छणमयलंछणसमाणकंतीणि। छत्ताई तिन्नि उवरुवरिसंठियाइं विउव्वंति ।।९६३७।। उभओ भाए दो चामराओ वरजक्खहत्थगहियाओ । एत्थ य ज जे देवा कुणंति वोच्छामि तं इन्हि ।।९६३८।। अब्भितरपायारं कुठवंति विमाणवासिणो देवा। मज्झिमयं जोइसिया बाहिरयं भवणवासी य ।।९६३९।। चे इयदुमपेढछंदगआसणछत्तं च चामराओ य । जं चऽन्नं करणिज्जं करेंति तं वाणमंतरिया ।।९६४०।। एसो य विही सव्वो नेओ साहारणे समोसरणे । जत्थ पुण इड्ढिमंतो उवेइ देवो जिणसमीवं ।।९६४१।। एगो वि तत्थ सव्वं पुन्व॒त्तं सो करेइ इयरेसि । करणम्मि तत्थ भयणा इह भावत्थो इमो नेओ ॥९६४२।। जइ नो उवंति इंदा तो भवणनिवासिपभिइणो देवा । कुव्वंति न कूव्वंति व भुवणप्पणो समोसरणं ।।९६४३।। तत्थ य पुणो पएसे न होइ पुव्वं कयं समोसरणं। तं हो तत्थ नियमा देवे य महिड्ढिए पत्ते ॥९६४४।। इय रइयसमोसरणे पुव्वद्दारेण पविसइ जिणिदो । देवकयकणयकमलेसु दोसु पाए निवेसंतो ।।९६४५।। अन्नाई सत्त कमलाई अग्गओ तस्स एंति अणुकमसो। पुवन्हे सूरुदए अवरन्हे चरमजाममुहे ।।९६४६।। चेइयदुमस्स काउं पयाहिणं पुव्वदिसिमुहो होउ। सीहासणे निसीयइ सेसासु पुणो तिसु दिसासु ।।९६४७।। सीहासणचामरधम्मचक्कछत्तत्तयाइकलियाई। जिणवरपडिरूवाई हवंति देवेहिं विहियाइं ॥९६४८।। तेसि पि होइ रूवं जिणाणुभावेण जिणवरसमाणं । जह सेसजणो जाणइ अम्ह वि सामी अभिमुहो त्ति ।।९६४९।। तित्थयरपायमूलं एगेणं गणहरेण अविरहियं । जेठेण व इयरेण व पाएणं होइ जेट्ठगणी ।।९६५०।। जेट्ठो गणी भणिज्जइ तित्थं ति इमो उ पुव्वदारेण । पविसित्ता तित्थयरं तिगुणं च पयाहिणीकाउं ।।९६५१॥ वंदेऊण य दाहिणपुरथिमो उवविसेइ दिसिभाए। सेवा वि गणहरा एवमेव काऊण तित्थस्स ।।९६५२।। पासेसु मग्गओ उवविसंति तो पविसिऊण केवलिणा। पुव्वद्दारेण जिणं पयाहिणं कट्ट तिक्खुत्तो ।।९६५३।। भणिऊण नमो तित्थस्सेवं तित्थस्स गणहराणं च । पिटुम्मि निसीयंति य सेसा अइसेसिया साहू ।।९६५४॥ मणपज्जवोहिनाणी चोदृसदसपुग्विणो य नवपुव्वी । खेलोसहिजल्लोसहिपत्ता संभिन्नसोयाई ।।९६५५।। पुव्वेणं दारेणं पविसित्तु जिणं पयाहिणं किच्चा। वंदित्ता बेंति नमो तित्थस्स नमो य केबलिणं ॥९६५६॥
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |