Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 328

सिरिमुनिसुव्वयजिणिदचरियं
२९५ कोरिटमल्लदामोवसोहिएणं सियायवत्तेणं । उवरिधरिजंतेणं चलंतसियचामरेहि च ॥९४९३।। इढ्डीए अमरवइव्व रेहमाणो विसालवरकित्ती । हयगयरहजोहसमुन्भडाए चउरंगसेणाए ॥९४९४।। विउलाए परिकलिओ महया भडचडगरेण परिखित्तो । अणुमग्गेणं गच्छइ मुणिसुव्वयसामिणो तस्स ।।९४९५।। अह सो तिजयस्स पह वीसधणूसियपमाणतणुलट्ठी। समचउरंसो तह वज्जरिसहनारायसंघयणो ।।९४९६।। अणुलोमवायवेगो कंकग्गहणीकवोयपरिणामो । सव्वायंकविमुक्को पउमुप्पलगंधिनीसासो ॥९४९७।। सेयरयजल्लदोसेहिं वज्जिओ निरुवलेववरदेहो। उज्जोवियंगुवंगो छायाए निद्धविमलाए ।।९४९८।। घणनीलकुडिलमिउसुहुमदाहिणावत्तनिद्धसिरकेसो। तवणिज्जसरिसनिम्मलसुणिद्धकेसंतभूमी य ॥९४९९।। भरहायवत्तसरिसुत्तिमंगदेसो छणिदुसमवयणो । निव्वणसमलट्ठमयंकमंडलद्धोवमनिडालो ।।९५००।। आणामियचावसमाणचारुसुसिणिद्धकसिणभुमयजुओ । रइरमणंदोलयसमसवणो मंसलकवोलतलो ।।९५०१॥ पडिबुद्धकमलनयणो गरुलाययउज्जुतुंगसमनासो । बिबीफलसरिसोट्टो ससिकलसियघणदसणपंती॥९५०२।। दालिमदुमकुसुमसिलप्पवालदलरत्ततालुतलजीहो । मंसलपसत्थसंठियसद्द लविसालहणुदेसो ॥९५०३।। सारयघणथणियगभीरमहुरनिग्घोसकोंचसारसरो । सुविभत्तट्ठियमंसू चउरंगुलकंबुवरगीवो ॥९५०४।। वरमहिसवराहगइंदवसहसद्द लसीहसमखंधो । पुरपरिहअमरकुंजरकरपीवरवट्टभुयडंडो ॥९५०५।। रत्ततलमउयमंसलपसत्थलक्खणअछिद्दवरपाणी । पीवरसुजायवट्टियअंगुलितणुतंबनिद्धनहो ॥९५०६।। ससिसूरसंखसोत्थिय चक्कंकुसकुलिसपाणितललेहो । संगयपासो पुरवरकवाडवित्थिन्नवक्छयडो ॥९५०७।। सिरिवच्छरुइरवच्छो वरविहगसुजायपीणयरकुच्छी । झससरिसुयरो वियसंतपउमगंभीरवरनाही ॥९५०८। वरवइरवलियमज्झो सुमउयरमणिज्जरोमराई य। सुपसत्थवरतुरंगमकेसरिअइरेगवट्टकडी ॥९५०९।। हयवरसुजायगुज्झो गयससणसुजायसन्निहोरू य । मत्तवरवारणगई सामुग्गनिमग्गजाणू य ।।९५१०।। एणीमणुनवट्टाणुपुव्वजंघो निगुढगुप्फो य । सुपइट्ठकुम्मचलणो कमसंहयपीवरंगुलिओ ॥९५११।। उन्नयतणुतंबसिणिद्धपायनक्खो सुरत्तचरणतलो । नगनगरमगरसागरचक्कवरंकियकमंबुरुहो ॥९५१२।। पडिपुन्नपुरिसलक्खणअट्ठोत्तरसहसभूसियसरीरो । सुनिगूढपव्वसंधीमरगयमणिकिरणसमतेओ ॥९५१३।। असमाणं माणवरायतेयलच्छीए दिप्पमाणतणू । दिट्ठो वि अदिट्ठो जह जणयंतो दंसणुक्कंठं ।।९५१४।। अइविक्कंतो वीरो सूरो पुरिसोत्तमो पुरिससीहो । पुरिसवरपुंडरीओ वसिऊणं गेहवासम्मि ।।९५१५।। वासाण सहस्साई बावीसं पंच सयसमहियाइं । दिक्खासमयं नाउं रज्जे ठविऊण नियपुत्तं ।।९५१६।। जीयं ति कटु लोगंतिएहिं देवेहि विहियपडिबोहो। विमलोहिनाणदंसणसंपण्णो विसयसुहविमुहो ।।९५१७।। चेच्चा धणं च धन्नं रज्जं रट्ट पुरं जणवयं च । कोसं कोट्ठागारं चेच्चा मणिरयणकणयं च ॥९५१८।। मोत्तियसंखपवालप्पमुहं नीसेसविहवविच्छटुं । छड्डेउं दाऊण य संवच्छरियं महादाणं ॥९५१९।। फग्गुणविसुद्धबारसिदिणम्मि अपराजियाए सीयाए। सनरामरपरिसाए अणुगम्मतो थुणंतीए ।।९५३०।। संखियचक्कियमंगलियपूसमाणेहिं वद्धमाणाहिं । तह घंटियनिवहेहिं इट्ठाहिं ताहिं वग्गूहिं ॥९५२१।। अभिनंदिज्जतो अभिथुव्वंतो सव्वइढ्डिनिवहेण । सव्वेण समुदएणं सव्वेणं संभमेणं च ॥९५२२।। समकालपवाइयसयलतूरसंघायगरुयघोसेण । पूरियनहेण मज्झमज्झेण कुसग्गनयरस्स ॥९५२३।। जेणेव य नीलगुहाभिहाणमुज्जाणमत्थि रमणिज्ज । सो तिजयपहू पाहारेत्था तेणेव गमणाए ।९५२४।। अह पहुणो तस्स तहा नीहरमाणस्स के वि सुरनिवहा । सब्भितरबाहिरयं कुसुग्गनयरं समंतेण ।।९५२५।।