Page Text
________________
सिरिमुनिसुव्वयजिणिदचरिय
२५३
उग्गाहइ वरधूवं तत्तो मुहमंडवस्स तस्सेव । पच्चत्थिमम्मि दारे अह उत्तरखंभपंतीए ८१५१ ॥ तोपुव्विल्लेदारे तत्तो वि य दाहिणम्मि दारम्मि । तो दाहिणिल्लपेच्छाघ रमंडवमज्झबहुभागे ।।८१५२। अक्खाडयमणिपेढी सीहासणगेसु पच्छिमे दारे । तो पुव्विल्ले दारे तो दाहिणचेइयत्थूभे ॥। ८१५३ ।। तो तस्स पच्छिमुत्तरपुब्बुल्ल यदाहिणासु पडिमासु । तो दाहिणचेइदुमे अह दाहिणए महिंदझए ।। ८१५४ ।। तो दाहिणिल्लनंदापुक्खरिणीतोरणत्तिसोमाणे । तत्तो सिद्धाययणं अणुप्पयाहिणीकुणेमाणो ।। ८१५५ ।। उत्तरनंदापोक्खरिणितोरणे वयइ तह तिसोमाणे । तत्तो य उत्तरिल्ले पयाइ एसो महिंदझए ।।८१५६ ।। तो उत्तरचेइदुमेतत्तो उत्तरगचेइयत्थूभे । तो पच्छिमाइचउदिसिठियासु तित्थयरपडिमा ।।८१५७।। तो उत्तरपेच्छाघर मंडव बहुमज्झदे सभायम्मि । तो पुव्विल्ले दारे तत्तो उत्तरदुवारम्मि ।। ८१५८।। अह सो सिरिवम्मसुरो वच्चइ दाहिणगखंभपंतीए । तत्तो उत्तरमुहमंडवस्स बहुमज्झभायम्मि ।। ८१५९ ।। तो पच्चत्थिमदारे तत्तो ( उण ? ) उत्तरिल्लदारम्मि । तत्तो य दाहिणिल्लाए वच्चए खंभपंतीए ॥ ८१६० ॥ अह सिद्धाययणस्स पुरत्थिमदारम्मि वच्चए एसो । तत्तो य पुव्वमुहमंडवस्स बहुमज्झभायम्मि ||८१६१ ।। तत्तों दाहिणदारे तत्तो पच्छिमगखंभपंतीए । तो उत्तरिल्लदारे तत्तोपुव्विल्लदारम्मि ॥। ८१६२ ।। तत्तोपुव्विल्लमि विच्छाघरमंडवे तहा सव्वं । एवं थूभे य जिणपडिमा य चेइयमेसु ॥ ८१६३।। तत्तो य महिंदझए नंदापुक्खरिणि तोरणे तत्तों । तह तीए तिसोमाणगपडिरूवे अच्चणं कुणइ ।।८१६४।। इय भणियकमेण इमो पुव्वत्तसमत्थवत्थुसंघायं । लोमगहत्थेण पमज्जिऊण पुब्वं तच्छा ||८१६५ ।। गंधोदयधाराए धोऊणं पूयए सुपुप्फेहि । उग्गाह य धूयं कालागुरुकुंदुरुप्पभवं ॥ ८१६६।। जो को वि इह विसेसो सो भन्नइ सव्वदारदेसेसु । सह सालहंजियाहि तह चेव य वालरूहि ||८१६७।। मेयाउ दारवेड्डाओ खंभपंतीसु होंति न इमाओ । चिट्ठेति केवलं सालहंजिया वालरूवा य ।।८१६८।। मुहमंडवपेच्छाघर मंडवगाणं तु मज्झबहुभाए । पंचगुलितलमंडलया लिहणं चंदणरसेण ।।८१६९ ।। किंबहुना ? जह चेव य सिद्धाययणस्स मज्झबहुभाए । दारे य अत्थि भणियं तह सेसे मज्झदारे य ।। ८१७० ।। जह सिद्धाययण जिप डिमाणं तह य थूभपडिमाणं । आलोए च्चिय पणमणपमुहं काऊण पज्जते ।।८१७१ ॥ अट्ठोत्तरवित्तसयत्थुइकरणानंतरं तु सक्कथयं । संपन्नं भणिऊण वंदे तहा नम॑से ।। ८१७२ ।। तो पुब्विल्लयनंदापुक्खरिणीतोरणे तिसोमाणे । परिमज्जणाइ काउं धूवं उग्गाहए तत्तो पुव्विल्लदुवारेणं पविसेऊणं पुणो सुहम्मसहं । गंतूणं माणवगे चेइयखंभम्मि वइरमए गोलगवट्टसमुग्गे लोमगहत्थेण संपमज्जेउं । उग्घाडिउं च तत्तो जिणसकहाओ मज्जेइ गंधोदएण धोयइ अच्चेइ सुगंधपवरमल्लेहि । दावेइ पवरधूवं जिणसकहाओ पुणो वि तओ गोलगवट्टसमुग्गेसु निक्खिवेऊण मुयइ तह चेव । माणवचेइयखंभं पमज्जए लोमहत्थेण दिव्वोदगेण धोयइ चच्चइ गोसीसचंदणरसेण । पुप्फारुहणातीयं काऊणं दावए धूयं तो माणवचेइयभपुवओ मणिमयाए पेढीए । सीहासणं पमज्जइ लोमगहत्थेण तत्तो उ ।।८१७९ ।। दिव्वोदण धोय इच्चाई जाव दावए धूवं । खंभस्स पच्छिमे मणिपेढीए देवसय णिज्जे ||८१८० ।। काउं पमज्जणाती धूवपयाणावसाणमच्चणियं । तत्तो सयणिज्जुत्तरपुव्वे खुड्डामहिंदझए ||८१८१ ।। गंतूण तहेव मज्जणाइयं सव्वमायरड तत्तो । तस्सेव महिंदझयस्स पच्छिमे जाइ दिसिभाए ॥ ८१८२ ।।
Jain Education International
For Private & Personal Use Only
॥ ८१७३ ।।
|| ८१७४ ।।
।। ८१७५ ।।
।।८१७६ ।। ।।८१७७ ।। ॥। ८१७८ ।।
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |