Page Text
________________
२४६
सिरिवम्मकुमारदेवभवो
आयंसतलसमाणा उवसोहंता मणीहिं य तणेहिं । नाणाविहवन्नेहिं मउएहि महासुगंधेहिं ।।७९२१।। तेसि मणीण तणाण य पुव्वावरदाहिणुत्तरमुहेहिं । अनिलेहि चलंताणं सुइसुहओ उट्ठए सहो ।।७९२२।। किन्नरमिहुणप्पारद्धनट्टविहिजोग्गगीयरवमहुरो । तेसि वणसंडाणं देसे देसे य बहुयाओ ।।७९२३।। वावीओ खुड्डाखुड्डियाओं पुक्खरिणिदीहियाओ य । गुंजालियाओ सरपंतियाओ बिलपंतियाओ य ॥७९२४।। अच्छाओ सन्हाओ तवणिज्जतलाओ रययकूडाओ। वइरामयपासाणाओ रययमयवालुयाओ य ।।७९२५।। सुहओयारुत्ताराओ सव्वओ विविहरयणबद्धाओ। चउकोणाओ सीयलनिम्मलसलिलोहपुन्नाओ ॥७९२६।। आसवरसाओ काओ वि खीररसाओ य होंति काओ वि। इक्खुरसाओ काओ वि उदगरसाओ य काओ वि। उप्पलसोगंधियपुंडरीयमहपुंडरीयनलिणेहिं । छन्नाओ मुणालेहि · सयवत्तसहस्सवत्तेहि ॥७९२८।। छप्परिछोलिलिहिज्जमाणतामरसपरिमलाओ य । चाउद्दिसि पि तासि वावीणं होंति पत्तेयं ।।७९२९॥ चत्तारि तिसोपाणगपडिरूवा वन्नओ य एतेसिं । सक्कविमाणमरू तिसोपाणगपडिरूवाण जह नेओ।॥७९३०।। वावीपमुहासु य तासु जाव बिलपंतियावसाणासु । तत्थ य तत्थ य देसे देसे य तहि तहिं चेव ॥७९३१ ।। उप्पायपव्वयाती अणेगरूवा य पव्वया होति । ते सुयहंसासणमातियाइं विविहासणाई च ॥७९३२।। सव्वरयणामयाइं अच्छाई जाव दंसणिज्जाइं । तेसु य वणसंडेसुं तहि तहिं तत्थ तत्थेव ॥७९३३।। आलिघरगाइणो बहुविहा य चिट्ठति मणिमया घरगा । तेसु य विविहाई आसणाइं हंसासणातीणि ।।७९३४।। तेसु य वणसंडेसुं तहिं तहिं तत्थ तत्थ देसेसु । बहवे मंडवगा जाइमल्लियामंडवातीया ॥७९३५।। तेसु य मंडवएसुं पुढविसिलावट्टगा य अतिबया । चिट्ठति घट्टमट्ठा हंसासणसंठियातीया ।।७९३६।। नवणीयतूलकोमलफासा रयणामया य अच्छा य । तेसु य वेमाणियदेवदेविसंघा सयाकालं ॥७९३७।। निसियंति सयंति य आसयंति चिट्ठति तह तुयटृति'। कीलंति रमंति हसंति इच्छियं उवलभंति तहा ।।७९३८।। तेसि वणसंडाणं चउण्ह बहुमज्झदेसभायम्मि । पत्तेयं पत्तेयं पासायवडेंसया रम्मे ।।७९३९।। उच्चत्तेणं.. जोयणसयाइं नवनवतयद्धवित्थिना । सव्वरयणामयावन्नओ य तेसि भणेयव्यो ।।७९४०।। तेसु य पासाएसुं नियनियपरिवारसंजया चउरो । वणसंडसरिसनामा वसंति देवा महिड्ढीया ॥७९४१।। तस्स विमाणस्संतो बहुसमरमणिज्जमत्थि भूभायं । वणसंडविहूणो एत्थ वन्नओ सेसओ नेओ ।।७९४२।। तस्स बहुमज्झदेसे ओवारियलयणमत्थि एगयरं। एगं जोयणलक्खं विक्खंभायामओ तं च ।।७९४३।। पउमसरवेइयाए एगाए सव्वओं परिक्खित्तं । गाउयदुगउच्चाए पणधणुसयवित्थडाए य ।।७९४४।। पइठाणखंभपट्टीफलगाइसमत्थमेत्थ निम्मवियं । वइरेहिं विविहेहि य वेरुलियातीहिं रयणेहिं ।।७९४५॥ एसा य एगमेगेण हेमजालेण कणयजालेण । एवं घंटामुत्तागवखखिखिणिमणीणं च ॥७९४६।। जालेणेगेणं च पउमजालेण रयणजालेण । सव्वत्तो परिखित्ता ते वि य दामा समग्गा वि ।।७९४७।। तवणिज्जामयलंबसगा य एमाइवन्नणिज्जाओ। पउमवरवेइयाए तहि तहिं तत्थ तत्थेव ।।७९४८।। हयसंघाडा बहवे भणियव्वा जाव उसभसंघाडा । सवरयणामया ते अच्छा तह जाव पडिरूवा ।।७९४९।। देसूणजोयणदुगं वित्थिण्णणं समंतओ एसा । वणसंडेणेगेण परिखित्ता वनणिज्जेण ।।७९५० ।। तस्सोवारियलयणस्स चउदिसिं वन्नएण संजुत्ता । चत्तारि तिस्सोमाणगपडिरूवा होंति नायव्वा ।।७९५१।। लयणस्सिमस्स बहुमज्झदेसभायम्मि अत्थि रयणमओ। एगो पासायवडेंसगो महातुङ्गसिहरग्गो ।।७९५२।। नव चेव जोयणसया उच्चत्तेणं तयद्धवित्थिण्णो । अन्नेहिं चउहि एसो पामायवडिसगवरेहिं ।।७९५३।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |