Page Text
________________
सिरिमुनिसुव्वयजिणिदचरियं गामाइ जीवलोओ करणिज्जो को वि देव ! वंठस्स । इण्हि मज्झन्हे वा तो राया भणइ सिरिवम्मं ।।७७५८।। तुन्भेहिं समं किंचि वि मज्झण्हे ह (अत्थि? ) मज्झ वत्तव्वं । तम्मि कए वत्तव्वे वित्तिं वंठस्स कारिस्सं ॥७७५९।। इय भणिऊणं राया अत्थाणजणं विसज्जए सव्वं । कुमरो वि निवाणुमओ नियआवासम्मि गंतूणं ॥७७६०।। कयइच्छियसम्माणं विसज्जए कामसेणवरगणियं । भोयणकरणाणन्तरमेगंते कुमरसिरिवम्मो ॥७७६१।। रन्ना भणिओ एवं आसि मए भणियमत्थि वत्तव्वं । किंचि तए सह तं पुण एयं निहुओ निसामेहि ।।७७६२।। गणियागुणतुटणं वंठेणं तीए सझगओ दिन्नो । वंठगुणरंजिएणं तस्स तए पुण कणयदोरो ।।७७६३॥ तुज्झ वि गुणेण तुट्ठो अहं अओ देमि तुज्झ नियरज्जं । आह निवं अह कुमरो तुब्भे दाऊण मह रज्ज ।।७७६४।। कि अप्पणा करिस्सह ? भणइ निवो दिक्खिओ भविस्सामि। जम्मतरे वि कम्मि वि होमि जहा दुक्खिओ न अहं तो बेइ निवं कुमरो जइ भवनिव्वेयओ वयग्गहणं । तुब्भे करेह तो हं वाघायं तुम्ह न करेमि ।।७७६६।। जाणतो वि सरूव भवस्स सव्वं पि सव्वदुहजणयं । इह अट्ठ पडिकूलं जं कि पि अहं पयंपेमि ।।७७६७।। सो होइ मह न विणओं न विवेओ नेय हियगरत्तं पि । तम्हा तुम्हाएसो पडिवन्नो च्चिय मए एसो ॥७७६८।। किंतु परं जम्मि दिणे तुम्हे गिन्हह वयं तया मज्झ । एगदिणेणं पुव्वं रज्जभरो अप्पियव्वो त्ति ॥७७६९।। तो बेइ निवो तुह इण्हिमेव ईहेमि अप्पिउं रज्ज । वयगहणं पुण सूरिम्मि आगए कम्मि वि करिस्सं ।।७७७०।। तो जंपइ सिरिवम्मो देव ! इमं नेय संगयं होति । देवस्स वि आएसं पडिवज्जिस्सामि नो एयं ॥७७७१।। नाऊण कुमरनिच्छयमेयं पडिवज्जए तह च्चेव । तं तव्वयणं राया तत्तो उवविसइ अत्थाणे ॥७७७२।। बंठस्स वरग्गामं देइ पसाएण पवरतुरयं च । वत्थाहरणाणि य आयवत्तसहियाणि नरनाहो ।।७७७३।। केसु वि दियहेसु गएसु तत्थ चउनाणसंजुओ सूरी। आणंदणाभिहाणो समोसढो पुव्वउज्जाणे ॥७७७४।। तं नाऊण नरिंदो पओससमए पमोयपडहच्छो । हक्कारिऊण कुमरं नीसेसं रायलोयं च ॥७७७५।। सूरीण समागमणं वयगहणम्मि य नियं अभिप्पायं । तेसि पुरओ कहिउं समणुनाओ तो तेहि ।। ।।७७७६।। अतिगरुयविभूईए पढमे पहरे निसाए सिरिवम्मं । अहिसिंचइ नियरज्जे पयइपयाणं पमोएण ॥७७७७।। रायाइसव्वलोएण पणमिओ सो महानिवो जाओ । तं नरपुंगवराया अणुजाणावइ वयनिमित्तं ॥७७७८।। सिरिवम्ममहाराओ तह त्ति पडिवज्जिऊण पिउवयणं । आइसति तक्खणे च्चिय सिबियानिम्मावणम्मि नरे के वि पभाए जिणवरपूयाचारगविमोयणाईसु । नयरी महसवारं भणत्थमवरेनिरूवेइ ।।७७८०।। तत्तो विसज्जिऊणं सेसजणं निद्दमणुहवेऊण । निसिविरमे उ? उ रुप्पसुवन्नाइकलसेहिं ।।७७८१।। गरुययरविभूतीए मज्जावेऊण सजणयं तत्तो । दिव्वेहिं दूसेहि आभरणेहि महरिहेहिं ॥७७८२।। हारद्धहारकेऊरकडयमणिमउडकुंडलातीहि । कारेउं सिंगारं आरूढं पवरसिबियाए ॥७७८३।। धरियधवलायवत्तं ढलंतससिविमलचामरुप्पीलं । · पुरओ पढंतबंदियणवंदउद्दामकयसई ॥७७८४।। अप्फालियबहतूरं चउरंगबलेण विहियपरिवेढं । अच्चिज्जतं नयरीनरनारीनयणनलिणेहिं ॥७७८५।। सम्माणियसुहिसयणं दीणाणाहाइयाण दिन्नधणं । मग्गठियजिणहराणं पणमंतं सिरनिहित्तकरं ।।७७८६।। विरइय वरसिंगारो आरूढो करिवरम्मि मत्तम्मि । अणुगच्छंतो राया सिरिवम्मो जाति उज्जाणे ।।७७८७।। दळूण तओ पुरओ सिलायले फासुयम्मि उवविट्ठ । आणंदणं मणिदं बहुसमणसमूहपरियरियं ।।७७८८।। पुग्निमनिसामयंक व नहयले तारयाण मज्झगयं । ओयरिऊणं जाणाओ वाहणाओ य पितिपुत्ता ॥७७८९।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |