Page Text
________________
२३८
सिरिवम्मकुमारचरियं
ते अरिसु समग्गं पक्कन्नमिमं निसाए मज्झम्मि । सेसं तु जहा भणियं तुम्हेहिं तहेव संपन्नं ।।७६५९।। तो जंपइ नरनाहो जह सासूओ न कि पि जंपति । तह पढम पि वहिं गलग्गहीं तासिमेस कओ ॥७६६०।। तो पुनसिरि मोतुं भणंति सेसाओ सव्वदेवीओ। देव ! तए चेव कओ गलग्गहो अम्ह सुहहेऊ ।।७६६१ ।। एयाओ वहूओ पुण गलग्गहं आयरंतु नियपइणो। तो कइअवकयभिउडी भूमिवती भणइ देवीओ ।।७६६२।। एवं जपंतीओ कहं न लज्जह तुमे वहूणं पि । देवीओ बेंति तओ कि तुब्भे देव ! कुप्पेह ।।७६६३।। जं देवेगं भणियं लवियं तं चेत्र एयमम्हेहिं । तो पुनसिरी जंपइ किं कुवह देव ! परिहास ।।७६६४।। आइसह जमिह किच्चं तो राया भणइ तुम्ह ढोयणियं । एयं वहिं विहियं ता कुणह सयं पि जं रुइयं ।।७६६५।। इय भणिउं नीहरिओ राया तत्तो पयाइ नियठाणं । रन्ना पुरा वि नाउं सुयपरिणयणं बहुबहूण ॥७६६६।। सोलसवरभवणाई वहूण हेउं कुमारभवणस्स । नियडाइं कारियाई बाहिरवासा य तावइया ।।७६६७।। अह पुन्नसिरी देवी तं खज्जगपभिइयं जहा होइ। कायव्वं तह काउं विसज्जए सेसकम्मयरे ।।७६६८।। कइवयदासीसहियं वहूयणं तत्थ चेव धारेउं । मज्जियभुत्तपसाहियमसेसदेवीजुया काउं ॥७६६९।। वत्थाहरणाईहिं नहि कारेइ पवरसिंगारं । नियमाणुसाउ रन्नो जाणावइ एरिसं तत्तो ।।७६७०।। वत्थालंकारादी पवरं पेसइ निवो वहूजोग्गं । सासूवयणेण तओ दिणावसाणम्मि सव्वाओ ॥७६७१।। वच्चंति वहूओ नियनिवासभवणेसु अहिणवकएसु। तासि परिवारो पुण बाहिरवासेसु गंतु ठिओ ।।७६७२।। कुमरो वि नियावासे वित्थरकयमज्जणो ससिंगारो। जिणहरवंदियदेवो पिउणा सह भोयणं काउं ।।७६७३।। तत्थेव खणं ठाउं तयणुन्नाओ नियम्मि आवासे । गंतुं वीसमइ मुहुत्तगं तु राया वि वीसमिउं ।।७६७४।। खणमेगं सेज्जाए चउत्थजामम्मि गंतुमत्थाणे । उवविसइ तओ नाउं एवं सिरिवम्मकुमरोवि ।।७६७५।। सगिहाओ गंतूणं निवई नमिऊण तस्स दाहिणओ । दिन्नासणे निसीयइ अह आगंतूण पडिहारो ।।७६७६।। विन्नवइ निवं जह देव ! दारि चिट्ठइ महायणं सयलं । मंगलियकरणहे उं समागयं गहिय ढोयणयं ।।७६७७।। परिणेऊण. कुमारो सिरिवम्मो आगओ त्ति कारणओ । वद्धावेउं पमयाउलाई तह संति पत्ताई ।।७६७८।। अह तं निववयणेणं पवेसए उभयमासु पडिहारो। राया महायणाओ ससंभमं ढोयणं गहिउं ॥७६७९।। तं सम्माणइ आसणतंबोलालावकरणमातीहि । पेच्छणयं कारेउं तहेव पमयाउलाई पि ।।७६८०।। तो भणइ नियमणुस्से परिणीयागयकुमारं सिरिवम्म । अहिगिच्च पभायप्पभिइ ऊसवं कारइस्सामि ।।७६८१।। तो तुब्भेहि पभाए महायणप्पमुहनयरमहयरया । सामंतमंडलाहिवसाहणवइतंतवाला य ॥७६८२।। सव्वे निमंतियव्वा कारेउं भोयणं जहा एए । सम्माणिज्जति जहोचिएण वत्थाइदाणेण ॥७६८३।। अह तेहि निवाएसे पणयसिरेहि तह त्ति पडिवन्ने । राया अत्थाणजणं विसज्जिउं जाइ नियठाणे ।।७६८४।। अत्थमणगए सूरे नियभवणगए वहूयणे सब्वे । गंतूण सयं राया नियावरोहस्स साहेइ ॥७६८५।। तं तणयविवाहूसवकारवणारंभमाइसति तह तो । नयरमहिड्ढियनारीजणस्स वद्धावणनिमित्तं ।।७६८६।। आयायस्स सयं चिय तुब्भे कारेज्ज पवरसम्माणं । इच्चाइ जंपिऊणं इयरं नियकिच्चमायरइ ।।७६८७।। आरम्भपभायाओ कारेइ महसवं जहाभणियं । मंगलियाई गिण्हइ जणो उ सम्माणए तह तं ।।७६८८।। बंदियणकलयलेहि नडनट्टातीहि पेच्छणेहि च । आणंदगुंदलेणं गमेइ सत्तट्ठदियहाइं ।।७६८९।। तयणंतरं कुमारो विनविऊणं निवं जिणहरेसु । अहि दिणेहि कारइ सव्वेसु वि ऊसवं गरुयं ।।७६९०।। कारेइ य रहजत्तं चारगमुयणं अमारिघोसणयं । असणाइएहि वत्थाइएहिं सव्वं पि सिरिसंघं ।।७६९१।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |