Page Text
________________
सिरिमुनिसुव्वयजिणिदचरियं
तो वासवदत्तनिवो जंपइ एवं कुमारसिरिवम्मं । अच्छलियं चिय तुह सव्वकालमविरुद्ध वाइस्स ।। ७१६७।। कुमरो विन्नवइ निवं हक्कारह देव ! आसरायं पि । एत्थ नियसन्निहाणे तस्स समक्खं जहा बेमि ।। ७१६८ ।। उत्तरिउं तुरयाओ राय एसेण आसराओ वि । हयदमगो आगंतुं तत्थुवविट्ठो उचियठाणे ।।७१६९।। • विन्नवइ तओ निवई सिरिवम्मो देव ! आसराएण । एस तुरंगो बाहिम्मि वाहिओ न उण मज्झम्मि ।।७१७० ।। तो जंपइ नरनाहो कुमार! तुह जंपियस्स भावत्थो । अज्ज वि न मुणिज्जइ को वि ता तुमं कहसु पयडत्थं । । ७१७१। पुव्वं पि अम्ह तुरया सव्वे बाहिम्मि चेव नयरस्स । एएण आसराएण वाहिया सुंदरा जाया ।। ७१७२।। मज्झस्स बाहिरस्स य अम्हेहि न किं पि अंतरं नायं । एत्तियदिणाणि ता कहसु कुमर! को एत्थ परमत्थो।। ७१७३।। तो सिरिवम्मकुमारो पभणइ मज्झं व बाहिरं वा वि । नयरस्स न नायव्वं कि पुण नेयं हयस्सेव ।। ७१७४।। देहं हयस्स बझं चित्तं तस्सेव होइ मज्झं तु । वाहियमिमस्स देहं न उ चित्तं आसराएण ।। ७१७५।। जम्हा हयस्स चित्तं वइ सकसायमज्जवि इमस्स । छड्डावेऊण कसायमेस नो वाहिओ इमिणा ।। ७१७६ ।। मेत्तीए आगेउं दढं च चित्तं च दुविहमवि सिक्खं । तुरओ गहाविओ एस तेण न सुवाहिओ देव ! ।। ७१७७।। हऊिण तओ राया सिरिवम्मं कुमरमेवमाइसइ । किं तुम्ह घारियाहिं पयोयणं किं व काणेहिं ? ।। ७१७८ ।। जह जह आसारोहो कारइ तह तह करेइ जइ तुरओ। मट्ठेण व तुट्ठेण व तो तस्समणेण किं कज्जं ? ।।७१७९ ।। तो भइ सिरिवम्मो देव ! जहा तुम्ह को वि सामंतो । दप्पिट्ठो तुट्ठमणो सुविउलसम्माणदाणेहि ।। ७१८० ।। दसे सुबहुविण बाहिम्मि विणा वि गव्वविगमेण । तस्स जया वि न जायं सम्माणं किं पि दाणं वा ।। ७१८१ ।। सो s झति तया विअत्तणो चित्तदुट्टिमं गूढं । तह कालेण इमस्स वि हयस्स दोसो फुडो होइ ।। ७१८२ ॥ आह निवो कह कलियं कुमर ! तए तुरयचित्तदुट्ठत्तं । कहइ कुमारो कन्नाण थड्ढमाए मए नायं ।। ७१८३ ।। लोयणजुयलेण तहा उभओ पासावलोयणपरेण । इय कुमरवयणमायन्निऊण विम्हियमणो राया ।। ७१८४।। हयदमगआसरायस्स सम्मुहं पेसए नियं दिट्ठि । अह सो मउलियपाणी पणयसिरो विन्नवेइ निवं ।। ७१८५ ।। जह सिरिवम्मकुमारो विन्नवइ तहेव देव ! सव्वमिमं । एत्तीए चेव मए तुरंगमो वाहिओ एसो ।।७१८६।। जम्हा उत्तमतेओ तामसभावाहिओ इमो तुरओ । दंडेण वसीकाउं नेय मए पारिओ तेण ॥।७१८७।। तो आसरायवयणेण कुमरवयणे सपच्चओ जाओ । राया विम्हयपूरियहियओ सीसं नियं धुणइ ।। ७१८८।। आरुहिऊण करेणुं अह सो कुमरेण सह गओ सगिहं । हयदमगो वि निवासेणारूढो तयं तुरयं ॥।७१८९।। अह निच्च नरवणा अहिगाहिगगोरवेण दीसंतो । गमइ सिरिवम्मकुमरो समयं गिम्हस्स तत्थेव ।।७१९०।। जत्थ य गिम्हे विरहग्गितवियपहियंगणाविमुक्केहिं । नीसासेहिं व निच्चं उण्हुन्हयरा दिणा होंति ।। ७१९१।। गिम्हसमयस्स आणं पयासमाण व्व सव्वभुवणम्मि । वियरंति जहिच्छाए जणाण संतावया वाया ।। ७१९२।। तम्मि समयम्मि जाओ संतावयरो जणस्स मित्तो वि । सुयणो वि दुज्जणत्तं पयडइ दियहाणुभावेण ।।७१९३।। वड्ढंतपयावे दिणयरम्मि दियहा वि होंति वड्ढता । जो होइ जस्स तणओ तस्स सिरीए सिरी तस्स ।। ७१९४।। हेमंते जेण हिमेण हयप्पयावो रवी कओ आसि । इन्हि तिव्वपयावं तरणि दट्ठूण तं नट्ठ ।। ७१९५।। तरणी विगवेसंतो हिमं न पावेइ जाव कत्थ वि य । सोसेइ ताव तप्पक्खसंगयाई जलाई पि ।।७१९६।। अच्चतं संतवियं दण महिं महीरुहा तत्तो । तद्द ुक्खेण व जाया पयणुच्छाया पइदिणं पि ॥७१९७॥ सव्वंसहा वि कक्कसरविपायहया वि दाहिणी जाया । पुहई अइनिम्मिहिया वमइ सिहि चंदणलया वि । ७१९८ । मज्झन्हे पाणहिया रहिया पहिया महीए डज्झता । दाउं च उवालंभं धावति महीरुहाभिमुहं ।। ७१९९ ।।
Jain Education International
For Private & Personal Use Only
२२३
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |