Page Text
________________
सिरिमुनिसुव्वयजिणिदचरियं
२२१ इय जपतम्मि नरेसरम्मि सो आसरायहयदमगो । आसन्नयरो पत्तो हिंडावेतो तयं तुरयं ।।७१०२।। तो सविसेसं कुमरो सआसवारं निरिक्खिउं तुरयं । विन्नवइ निवस्स पुरो पुव्वं तज्जाइरूवगुणे ।।७१०३।। देव ! तिविहा हयाणं उत्तिम मज्झाऽहमा हवइ जाती। तत्थुत्तमा तिभेया ताइयतुक्खारखतुलाणा ।।७१०४।। ताइयजातिप्पभवो तुरंगमो एस उत्तमो तेण । संठाणं पि मणुन्नं इमस्स जणनयणमणहरणं ।।७१०५॥ जं कन्नवसणमेहणमणिबंधा आसणं च पंचमयं । वन्निज्जति हयाणं लहूणि हयलक्खणहि ।।७१०६।। मोत्तुं मेहणमियरे ठाणा चउरो वि नयणपच्चक्खा । लहुणो तयणुस्सारेण नज्जए मेहणं पि लहु ।।७१०७।। तह केसकेसराणि य रामाणि तणुच्छवी अइमिऊणि। जाणुजहणाणणाई निम्मंसाइं इमस्स तहा ।।७१०८।। गीवा य ऊसियग्गा खुरा य अइकक्खडा अखंडा य । कडिपट्टिखंधभालं वच्छं अच्छीणि पिहुलाइं ।।७१०९।। दिट्ठी दसणा हेसारवो य तिन्नि वि हयस्स निद्धाइं । वन्निज्जंति इमस्स उ दीसइ दिट्ठी सिणिद्धयरा।।७११०।। हेसारवदसणा वि हु असुयअदिट्ठा वि सुंदरा चेव । सेसंगचंगिमाए संभाविज्जति एयस्स ।।७१११॥ आरब्भ खुरग्गाओ उस्सेहो होइ काकसं जाव । उत्तिममज्झिमअहमो हयाण अंगुलपमाणेणं ।।७११२। सयमेगमंगुलाणं अडसीइ असीइअंगुलाई तहा । तिविहो वि उस्सओ इय कमेण तुरयाण नायव्वो ॥७११३।। पढमो च्चिय उस्सेहो संभाविज्जइ हयस्स एयस्स । जम्हा महप्पमाणो पडिहासइ एस दीसंतो ।।७११४।। आयामो वि हयाणं तिविहो जेठो य मज्झिम कणिट्ठो । सट्ठी-पन्ना-चत्तासहियं अंगुलसयं कमसो।।७११५।। उस्सेहसमो नेओ परिणाहो उत्तिमाइओ कमसो। परिणाहाया मा वि हु पढमा एयस्स णायव्वा ।।७११६।। अवरं पि देव ! एवं सन्नावत्ताइयं हयसरूवं । अत्थि इह तं च नज्जइ कालासन्नाइभावेण ।।७११७।। इय हयसरूवनाणे पगब्भयं अप्पणो पयासेउं । तुरयारोहसरूवं पभासए कि पि निवतणओ ।।७११८।। देव ! इमो हयदमओ मणुन्नमुत्ती जुवा बलिट्ठो य । सुथिरासणो थिरोरु थिरजाणू सुथिरपछी य ।।७११९।। चलजंघपायजुयलो उन्नयखंधो नयंसतिगभागो। उयरम्मि निम्वियारो उज्जुकिओ पासजुम्मम्मि ।।७१२०।। उन्नयवच्छो बाहूसु संवुडो नेयनेयवियडो य । गंभीरभीसणसरो मोरो व्व अवंचियसिरो य ।।७१२१।। हयछायाकन्ननिहित्तदिट्ठिसेसो इमस्स गुणनिवहो । हयहिययनाणमादी जो उचिओ आसदमगाणं ।।७१२२।। तं पयडिस्सइ एसो आसो च्चिय संपयं पुरो तुम्ह । वाहिज्जतो तह तह एएणं वाहणविहीए ।।७१२३।। इय सिरिवम्मकुमारेण जंपिए जुत्तिसंगए वयणे। राया हरिसियहियओ तुरयम्मि निवेसए दिटुिं ।।७१२४।। सिरिवम्मो वि कुमारो उवसंहरिऊण वयणवित्थारं। थिरदिट्ठी अवलोयइ चंकम्मतं तयं तुरयं ।।७१२५।। अह आसरायनामो तुरंगदमगो जहा तुरंगं तं । वाहणविहिणा वाहइ अणुक्कमेणं तहा भणिमो ।।७१२६।। दढ चित्तविभाएणं दुविहं हयवाहणं बुहा बॅति । संगामुवओगि दढं जणविम्हयकारयं चित्तं ।।७१२७।। होति दढं चउभेयं उजुसारणवामदाहिणविहीहिं । चित्तविहीणं नेयं उजुसव्वं अग्गओ गमणं ।।७१२८॥ विवरीएहि पएहि पच्छाहुत्तं हयस्स जं सरणं । तं सारणं पि हवइ हु मंडलए दाहिणं वामं ।।७१२९।। इह नेयाओ धाराओ पंच हयवाहणण्णुपुरिसेहिं । धाराणं बहिभूयं सहावगमणं तु होति गई ।।७१३०॥ तत्तो पुलाए गमणं हयस्स जं सा उ पढमिया धारा । तयणंतरं तु दुइया धारा जवसम्मया नाम ।।७१३१॥ तत्तो वि परं तइया धारा जवमज्झिम त्ति नामेण । तयणु चउत्थी धारा जवुत्तमा नामनायव्वा ।।७१३२।। धाराण चउण्हं पि हु अब्भहिया होइ पंचमी धारा। अच्चुत्तमजवनामा पडिासद्धं वाहणमिमीए ।।७१३३।। पढमासु चेव धारासु चउसु तुरयाण वाहणं भणियं । सुपसत्थं कुसलेहिं सव्वेहि वि संवकम्मेसु ॥७१३४।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |