Page Text
________________
सिरिवम्मकुमारचरियं
भय न विहितं पुण अम्हे तया लहिस्सामो। तुमभागमिस्ससि जया सुदीहकालेण वि य एत्थ ।।६६१५ ।। अह रणसीहो दूसलसेणावइसंजुओ तया गंतुं । विन्नवइ वसंतसिरि आवासे सा वि तव्वयणं ।। ६६१६।। सोऊणं सिग्घं चि संपत्ता वीरपालपासाए । तेण वि पणया एसा ससंभ्रमेणं सबहुमाणं ।। ६६१७ ।। पुरओ होऊण सयं हक्कारेऊण अप्पणी भज्जं । वीरमईनामेणं तेण तओ एवमाइट्ठा ।।६६१८।। जेट्टाणिया तुह इमा समागया चिट्ठए तओ एवं । पणमह पाएसु तुमं भुंजावह गोखेण तहा ।।६६१९।। सम्माण बहुवत्थालंकाराइहिं अइमहग्घेहि । अन्नं पि हु करणिज्जं सव्वं पि करेह एईए ।। ६६२० ।। ती ससंभमाए पडिवज्जेऊण तस्स तं वयणं । पाएसु पणमिणं नीया सगिहे वसंतसिरी ।।६६२१ ।। तत्तो नियत्तिऊणं ससंभमं वीरपालवरकुमरो । सिरिवम्मकुमरसहिओ भोयणसाला संपत्तो ।। ६६२२ ।। समुचियपडिवत्तीए उवविट्ठा दो वि भोयणनिमित्तं । अह सिरिवम्मकुमारो रणसीहं एवमाइसइ ।। ६६२३ ।। कहते सुदंसणाई चिट्ठति तए कया इम आह । बंधाओ मोएउं सव्वे नियले पक्खित्ता ।। ६६२४।। रक्खणउं गहपालस।हणाहिवडणो समीवम्मि । उग्गणिया ते चिट्ठेति धारिया तेण पविभत्ता ।। ६६२५।। एक्को एक्कस मुहं न पेक्खए नेय सुणइ सद्दं पि । पुण सिरिवम्मो तं भणइ जह तुमं भोयणं तेसिं ॥। ६६२६।। atri हिऊ कंपि माणुसं पट्टवेह एत्तो वि । अह रणसीहो कुमरं सिरिवम्मं विन्नवइ एवं ।।६६२७।। जइ ते एवं जंपति कह वि अम्हे जहा नियलखित्ता । नो भोयणं करेमो तत्थट्टे किं विहेयव्वं ।। ६६२८ ।। आह ओ सिविम्मो संबोहेऊण तह ठिया चेव । तह वि हु ते कारिज्जह भोयणमह जइ न मन्नति ।। ६६२९ ।। ओसारिण नियलाई तह वि ते भोयणं करावेह । किंतु पयत्तेण परं तेसि रक्खा करेयब्वा ।।६६३०।। आसो त भणिता तहेव पट्टवइ भोयणं तेसिं । रणसीहो दंडवई सयं तु तत्थेव भुंजेइ ॥६६३१।। सिरिवम्मवीरपालेहिं रायकुमरेहिं सह असंभंतो । गंधरस ( वण्ण ? ) फासेहि संजयं रसवई परमं ।। ६६३२।। कुमरो सुदंसणो पुण गहिओ माणसिय दुक्खनिवहेण । ज्झाणपवन्नो जोइ व चिट्ठए किं पिचिततो ।। ६६३३।। पेच्छह जह परिणामो कम्माणम चितणिज्जमाहप्पो । अन्नह कओ उवाओ निव्वडिओ अन्नहा कह वि ।। ६६३४ ॥ जं सिरिवम्मकुमारे काउमणिट्टं मए समारद्धं । तह चेव तं समग्गं अम्हं चिय निवडियं अंगे ।। ६६३५ ।। लोयम्मि जं निसम्मइ तं सच्चं चैव नूणमक्खाणं । जं चितिज्जइ असुहं परम्मि तं एइ सधरम्मि ।। ६६३६।। जारिओ च्चिय पढमं मइमोहो उट्टिओ मह मणम्मि । पज्जते वि हु सो एस तारिसी चेव निव्वडिओ । ६६३७। अन्ना राणी वसंतसिरिकन्नयाए उवरि जो । बद्धो मए गुराओ पढमो तावेस मइमोहो ॥। ६६३८।। बीओ पुणजं सेन्नं बंधणहेउं ममेव आवडियं । तं चेव मूढमइणा हियबुद्धीए मए गहियं ।। ६६३९।। कूडं कथं मए जं तं सिरिवम्मेण सव्वमवि नायं । जं पुण तेण कयं तं थेवं पि मए न विन्नायं ।। ६६४० ।। ता सव्वा वि एसो पन्नापुन्नेहिं समहिओ मज्झ । एएण सह विरोहो येवो वि न काउमुचिओ मे ।। ६६४१ ।। ता एत्तियम्मि वि गए मुच्चउ एएण सह विरोहमती । अंधो वि हु विणियत्तइ कुड्डे लग्गाए ठेप्पाए ।।६६४२ ।। इच्चाइचितयंतं रणसीहाएसओ सयं गंतुं । गहपालो साहणिओ सुदंसणं भणइ तो एवं ।। ६६४३ ।। सिरिवम्मकुमारेणं तुम्ह कए रसवई गेहऊण । पट्ठविया अम्हे इह ता तुब्भे भोयणं कुणह ॥। ६६४४।। अह तेण भणियमेयं पाएसु ठियम्मि चेय नियलम्मि । भोत्तव्वं अम्हेहि किं वा ओसारिए तम्मि ? ।। ६६४५।।
२०६
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |