Page Text
________________
सिरिमुनिसुव्वयजिणिदचरियं
२०३
तह तुम्ह दविणकंचणकप्पडकोसाहिगारिणो सव्वे । इय भणिया जम्मि खणे पीलुबई गयबलं गहिउं ।। ६५१९।। नहरि इओ तइया तुम्हेहि विनियनिय गहेऊण । भंडागारं सह तेण कडयमज्झाओ गंतव्वं ।। ६५२० ।। अन्ने वि मए भणिया नियकडयनिवासिणो जणा एवं। जं कि पि सारभूयं तुम्हत्थि तयं समग्गं पि ।। ६५२१।। गहिऊणं तुम्भे हि कुमारको साहिगारिलोएण । सह एत्तो कडयाओ गंतव्वं नीहरेऊण ।। ६५२२ ।। किं बहुना आवासे एक्केक्कं रक्खगं वि मोत्तूण । सेसं दुपयं चउपयमपयं व न किंपि धरियव्वं ।। ६५२३।। आवासरखगा वि एवं भणिऊण ते वि मोत्तव्वा । ठाणंतरिया पुरिसा जम्मि खणे तुम्ह आगंतुं ।। ६५२४।। सार्हति आवड॑ति परबलधाडि तया मुहं तीसे । परिहरिजं तुम्हेहिं अन्नयरदिसाए कडयाओ ।। ५५२५ ।। नोहरिजं गंतव्वं आवासे उज्झिऊण सिग्धं पि । इय तेसिं दाऊणं सिक्खमहं उवरओ जाव ।। ६५२६ ।। ता जामिणीए जाओ समओ पढमस्स अजामस्स । अब्भुल्लसंतबहलंधयारदुप्पेच्छनियहत्थो ।। ६५२७।। अह सन्नाहप्पमुहं पवणीकयमासि जं मए पुव्वं । तं गहिऊण गओ हं वणवल्लीगामवणसंडे ।। ६५२८।। तम्मि समयम्मि पत्तं सन्नं सेसंपि तत्थ आगंतुं । जं दिणचउत्थजामे कडयाओ निग्गयं आसि ।। ६५२९ ।। जाओ निसीमओ खणंतरे तत्थ कोवि पहियजणो । चकमइ ने य कत्थ वि मग्गे कह हुँ विहिवसे || संवाहेऊण तओ सेन्नं सव्वं पि तेण सहिओहं । संपट्टिओ महाबलनिवमंडलसमुहं तत्तो ॥ ६५३१।। मज्झमि तस्स गंतुं दंतउरपुरस्स मग्गमणुसरिडं । तत्तो सुदंसणकुमारकडयमग्गस्स संमुहयं ॥६५३२ || लिओ सणियं सणियं समागओ ताव जाव तं कड्यं । होइ सुदंसणतणयं ववहाणे जोयणेक्कस्स ।।६५३३।। तत्तो अप्पदुइज्जो कालियओ पेसिओ मए पुरओ । सिक्खविऊण सुदंसणकडए गंतूण सो तत्थ ।। ६५३४।। कस्सइ कहइ महाबलपराएण सुदंसणस्स संवाहे । दुज्जोहणदंडवई पट्ठविओ चिट्ठए तो ॥६५३५ ।। कन्नपरंपरएणं कुमरेण सुदंसणेण इय निसुयं । केण कया एस कहा इय सोहेउं इमो गहिओ ।। ६५३६॥ नीओ पासम्मि सुदंसणस्स पुट्ठो कहेइ तं चैव । पुच्छेइ सेन्नसंखं सुदंसणो कालिओ कहइ || ६५३७।। आसारोहसहस्सा पन्नासं पंचरहसहस्सा य । उद्देसेणं चिट्ठइ इय संखा तस्स सेन्नस्स ॥६५३८ || अन्नं॑ पि सुबहुसेन्नं एतं सुब्बइ पुणो वि पट्ठीए । अह पमुइओ पयंपइ सुदंसणो अप्पणो पुरिसं ।। ६५३९ ।। पासठियं जह सारमपेच्छ कह अम्ह जायमणुकूलं । लद्ध णवसंतसिरि सिरिवम्मो ताव मूढप्पा ||६५४० ।। तीए पासट्टियाए पेच्छणया लोयणम्मि आसत्तो । चिट्ठइ न मं अवेक्खइ उसीसयसंठियं एत्थ ।।६५४१।। न मुणइ नियन्नं पिहु दिसोदिसि अप्पछंदयं जंतं । भज्जाए विहु सेन्नं नीहरियं जाइ नियठाणे ।। ६५४२ ।। वणवल्लिंगामपए से बच्चतं तं पि केणई दिट्ठं । इय केणइ मह सिद्धं अम्ह च्चय कडयपुरिसेण ।। ६५४३ ।। तो सारमेण भणियं भरवसओ तस्स चिट्टए । हियए । दूसलदंडाहिववीरपाल कुमराण संबद्धो ||६५४४।। अह जंपेइ सुदंसणकुमरो जह दोवि तस्स ते वत्तं । जाणिस्संति मयस्स व बंधेउं अहव गहियस्स ।। ६५४५॥ तो कालिओ विचितइ एमेव मुहुत्तयं पडिक्खेह । तो मुणिहिसि को बज्झइ को वा मरइ ति नियमेण ।।६५४६ । तो सारमेण भणियं कुमार तुम्भे महाबलनिवस्स । चित्तस्स अपरिहासं तए ण एयम्मि कज्जम्मि ||६५४७।। पढमं चि नीहरिया तत्तो तुम्हे कहं नियसरूवं । अक्खावेउं सक्कह सयमेव महाबलनिवस्स ||६५४८।। विहु जं संवाहो पट्टविओ तेण तुम्ह सयमेव । तं मन्ने विन्नायं आगमणं वीरपालस्स ।। ६५४९ ।। सिरिवम्मकुमारस्स य तेण दुइज्जो पुणो वि संवाहो । पट्टीए पट्ठविओ संभाविज्जइ नियमईए || ६५५०।।
तह
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |