Page Text
________________
सिरिवम्मकुमारचरियं
जयसम्ममणुन्नविडं कुमरं मोत्तूण तस्स पासम्मि । नरपुंगवो नरिदो पत्तो निययम्मि पासा ।। ५४७७ || सिरिवम्मकुमारो विगुरुविणयं पइदिणं पि कुणमाणो । समुचियपडिवत्तीए विशेयवग्गं च रंजतो ।।५४७८ ।। कयउज्जमो अहिज्जइ कलाकलावं गुरूवएसेण । एगग्गधारियमणो इंदियसोक्खस्स निरवेक्खो || ५४७९ ।। आगंतूणं नरपुंगवस्स पुहईसरस्स पासम्म । कुमरसरीरपउत्ति निच्चपि कहेइ परिवारो || ५४८० ।। कुमरसमीवाओं समागयाण पुरिसाण सन्निहाणम्मि । सो वि अउव्वमउव्वं वत्थं पेसइ कुमरजोगं ॥ ५४८१ ।। जं किं पिवत्थुसारं उवेइ तं सव्वमेव सो कुमरो । उज्झायस्स समप्पइ उज्झाओ किपि जं देइ ।। ५४८२ ।। तस्सुवरोहं काउं तं पि हु सो गिन्हिऊण निय हत्थे । माहवमवद्धणपभिइयाण वियरइ विभंजेउं ।। ५४८३ । पुनसिरी विहु जणणी नियदासीणं समप्पिडं पासे । कइया वि किंचि किचि वि जं पेसइ कुमारपाआग्गं ।। ५४८४ ।। तं पिव्वत्तेणं विहिणा सव्वं पि नेइ उवओगं । इय तत्थ तस्स चिट्ठतयस्स कुमरस्स छम्मासा ।। ५४८५ ।। समइक्कंता तत्तो चिंता नरपुंगवस्स नरवणो । संजाया जह इन्हि कुमरं गंतूण पेच्छामो ||५४८६ ।। तो पुरिसं पेसे पुरओ जाणावर नियागमणं । उज्झायस्स सयं चिय उच्छा वच्च गिहे तस्स || ५४८७ ।। कयसमुचिय पडिवत्ती तत्थ निसीयइ तओ नरवरिंदो । भूमिलियजाणुकरयल - सिरेण पणओ कुमारेण ।।५४८८।। हरिसभरनिब्भरंगो समुट्ठिओ पणमिऊण जा कुमरो । ताव नरिंदेण पसारिऊण नियबाहुपरिहजुयं । ।५४८९ ।। आलिगिओ सुनिविडं हियएण समंतओ खणं एक्कं । उच्छंगम्मि समारोविऊण पुट्ठो सरीरसुहं ।। ५४९०० ।। तेण य पणयसिरेण जोडियहत्थेण तो इमं भणियं । ताय तुह पायपंकयपसायओ मज्झ निच्च सुहं ।।५४९१ ।। तो विय-वयण- विन्नास-रंजिओ तं निवो नियमकाओ । ओयारिऊण आइसइ आसणे उवविस नियम्मि । ५४९२ । रायाएसानंतरमेव तओ आसणम्मि निययम्मि । उवविसिऊणं जोडियकरो ठिओ सो निवाभिमुहो ।।५४९३ ।। अह नरपुंगवराया जयसम्मं पुच्छए उवज्झायं । किं किमहीयं कुमरेण संपयं पढइ कि एसो ।। ५४९४ ।। तो जयसम्मो साहइ ससंभमो नरवरस्स जह देव । पढमं कला नीसेसा कया कुमारेण साहीणा ।। ५४९५ ।। आईए लेहकला पज्जंते सउणस्यकला होइ । जं एस कमो कहिओ कलाण बावत्तरी एवि । । ५४९६ ।। तो विहिण भणियं नरवइणा उज्जमेण एएण । सेस कलाउ पढिस्सइ कुमरो केवइय काले || ५४९७।। जावुत्तरं करिस्सइ जयसम्मो ताव नम्मसचिवेण । नरदइणो मणभावं विवरीयं जाणमाणेण || ५४९८ ।। सहसच्चिय संलवियं एवं जह देव ! एत्तिए कहिए । नायं मए सयं चिय पुरओ जावइय कालेण ।। ५४९९ ।। सव्वाणं पि कलाणं भविस्सए पारगामिओ कुमरो । रन्ना भणियं साहसु तेण पलत्तं तओ एवं ।। ५५०० ।। छम्मासेणेगकला देव ! अहीया जओ कुमारेण । संवच्छरेण पढिही दो चैव कलाउ तो एस ।। ५५०१ ॥ एएण लेक्खएणं कलाण सव्वाण पारगो होही । छत्तीसहि वासेहिं एस कुमारो न संदेहो || ५५०२ ।। तो राया कयभिउडी सम्मुहमुल्लवइ नम्मसचिवस्स । जं किं चि वि ताव तए पलवंतेणेव ठायव्वं । । ५५०३ ।। अह निय वयणदुवारे दो वि करे ठाविऊण सो झत्ति | जाणुवरि नामियमुहो कय मोणो संठिओ निहुओ ।। ५५०४।। तो जयसम्मो जंपइ जेणभिपाएण गणियमेण । तेण नियमेण जायइ ताव इयं कालपरिमाणं ॥ ५५०४।। नरपुंगवेण भणियं मुणियं एएण नियमणे एवं । जं किर अक्खममाणो बेंतो चिट्ठइ इमं राया ||५५०६ || विम्हइए ण म पुण पयंपियं एरिसं जओ मज्झ । मासेहिं दसहि एसा पढमकला अवगया सम्मं ।।५५०७।। माया मह सालगओ कुणंतओ उज्जमं सयं पि अहं । उज्झाओ सविसेसं उच्छाहंतो ममं पढ ।। ५५०८ ।।
१७०
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |