________________
14
Kūrmaśatakadvayam
लहुइं करेसु ध( २७ ). . . . . . . .कुणसु अन्नं पि । तइ सा तहा वि रत्ता सयलं लडहं तुहं गणइ ॥७२॥ काऊणं लहुअत्तं भोग्गं अप्पं तुहं पयासंती । धरणी करग्गहकए अप्पं तुह भोअ ओप्पेइ ॥७३॥ धरणीए लहुअत्तं तं इह निम्मवसु कुणसु जं महिअं । तुह सत्तीए इमीए अन्नं गरुअत्तणं च . . . . ॥७४॥ (२८). . . . गोरविअं लहुअं विउलं महिं धरतेण । कह णु तए अइचोज्जं अन्नो च्चिअ गारवो दिन्नो ॥७५॥ मा मन्नसु धरणि तुमं मट्टिअभारो हु जं महं गरुओ । भोएण तं सि धरिआ एसो भारो तुहं गरुओ ॥७६॥ गरुअत्तं तं मन्नसि धरणि इहं जं पसूहि तुह दिन्नं । तुह ग (२०) . . . . . . . . . तुमं धरिआ ॥७७॥ जलनिहिणो थाहविआ लहुअविआ कुलगिरी तहा धरणी । अज्ज वि तं किं काहिसि न याणिमो भोअ मह कहसु ॥७८॥ पट्ठीए वहइ कुम्मो सेसो सीसेण तह रएण किरी । पअं तं बहु मन्नसु इअ भोओ जं करे धरइ ॥७९॥ अइभारिआ मए कि (३०) . . . . . (क)मढ मा गज्ज । उव्वहसु पेच्छ धरिआ भोएणं कह इमा अज्ज ॥८॥ मा कमढ वहसु गव्वं मा तं इह सेस उत्तुणो होसु । धरणिभरो केत्तुलओ गरुआहिँ वि अत्थि गरुअयरा ॥८१॥ कलिअं भोएण महिं दट्टणं मा हु मुणह लहुअ त्ति । कुम्ममुहा गरुअत्तं एआए तु (३१). . . . . . . . . ८२॥ लहुवविउं गउरविउं भोअ तुमं चेअ एत्थ जाणेसि । लहुवविआ सा वि मही वड्डविआ सा वि भत्तीए ॥८३॥ धरणि पसूहि दिन्नं गरुअत्तं तुह विहाइ केरिसयं । लहुअन्तेणं दिन्नं भोएणं तं पि केरिसयं ॥८४॥ हरिऊणं पसुहत्था भोएणं धरणि जं तुमं धरिआ । ह . . . (३२) . . . . सह सच्चं तं तुहं दाउं ॥८५॥ दुट्ठत्तं न य विरयसि जंपसि न य किं पि कुणसि न विरुद्धं । मउणेण वि गरुअत्तं गरुआणं कह तुमं हरसि ॥८६॥
Jain Education International
For Private & Personal Use Only
www.jainelibrary.org
