________________
६६
बप्पभट्टि कथानक
एमाइ देवरूवे वन्निज्जंते न ठाइ जा तस्स । मणयं पि मणे हरिसो ता भणिओ एस नवकारो सो जयइ जएक्क-पहू तेलोक्कक्कंत-मज्झिमुद्देसं । नाणं जस्स विरायइ फलं व बद्धेक्क - कक्कडयं नाणाइसयं सोऊण देवदेवस्स रंजिओ भणइ । एसो देवो मज्झ अज्जप्पभिई पयंसेह
तो वीरनाह-पडिमा पयंसिया सार- रयण निम्मविया । रायाइ-दोस-सूयग-लंछण-रहिया जिणतणु व्व
सो तं पिच्छिय [89A] नो जाव किंपि जंपेइ ताव सूरीहिं । भणिओ जंपसु थवणं इमस्स ता सेस - विउसेहिं
चिंतियमेयं निय- माणसम्मि गरुओ वि बप्पहट्टीहं । पायय-जणो व्व जंपइ निय- दंसण - राय-माहप्पा
वप्पइराओ जम्हा महुमहणं मोत्तु सेस- देवाणं । किं कुणइ नणु पणामं कइय वि विनाय- परमत्थो पुणरवि भणिओ सूरी भणसु थवणं ति तो ससामंतो । हियट्ठिय- निय-भावस्स सूयगं भणइ इय गाहं
कंठेच्चिय परिघोलइ पुणरुत्तं पह [89B] रिसोवलक्खलिया । अपहुप्पंति व्व महं वाया पहुणो पसंसासु
सूरीहिं पुणो भणिओ तह वि हु भण किंपि एत्थ थोवं पि । एयाण पच्चयत्थं सामंताईण तो भणियं
मयणाहि- सामलेणं इय मुणिए किं फलं निडालेणं । इच्छामि इमं जिणवर-पणाम- किण- कलुसियं वोढुं
Jain Education International
For Private & Personal Use Only
॥७०७ ॥
॥७०८ ॥
॥७०९ ॥
॥७१० ॥
॥७११ ॥
॥७१२॥
॥७१३ ॥
॥७१४॥
॥७१५ ॥
॥७१६ ॥
॥७१७ ॥
www.jainelibrary.org
