________________
३९
॥४०७॥
॥४०९ ॥
प्रबन्ध - चतुष्टय गुरु-कोउगेण लग्गो वाएउं जाव किंपि नो सम्म । बुज्झइ तो अनेणं केणइ सो जंपिओ [53A] एवं एईए सयलमत्थं बुज्झइ एसो उ बप्पहट्टि त्ति । तो तेणं सो भणिओ भट्टारय कहसु एयत्थं
॥४०८॥ एवं भणिए तो बप्पहट्टिणा तह कहेवि तीयत्यो । कहिओ जह तस्स मणं विम्हय-कोडिं समारूढं चिंतइ मणम्मि एवंविहस्स विउसस्स एत्थ पत्थावे । जइ होइ मज्झ रज्जं तं पि हु वियरामि अवियप्पं ॥४१० ॥ इय मुणिय तस्स भावं भणिओ बीएण कुणसु मा खेयं । सामिय जइ विज्जंतं नो दिज्जइ तो भवे दोसो ॥४११ ॥ जइया भवेइ तइया एवं निय-चिंतियं करेज्जासु । इय सुणियं कुमरेणं पुट्ठो सो चेल्लओ [53B]एवं ॥४१२॥ तुम्हाण कत्थ वासो जहट्ठिए साहियम्मि तेण समं । सूरि-सगासे पत्तो नमिउं तं तो इमो पुट्ठो
॥४१३ ॥ भयवं विज्जइ का वि हु संपत्ती एत्थ अम्ह जम्मम्मि । करुणं काउं साहह एयं अवरोहओ अम्हं
॥४१४॥ नाडी-संचारेणं तह चूडामणि-वरोउएसाउ । मुणिऊणं सूरीहिं भणियं निसुणेसु एग-मणो
॥४१५ ॥ तुम्ह न याणामि अहं सीलं जम्मं कुलं तहा जाई । निय-नाण-बलेणेयं संपइ जाणामि तह तुज्झ
॥४१६ ॥ छत्तीस-गाम-लक्खाण नायगत्तं इहेव जम्मम्मि । होही थोव-दिणाणं मज्झे नत्थेत्थ संदेहो
॥४१७ ॥ १. जइट्ठिए
fain Education International
For Private & Personal Use Only
www.jainelibrary.org
