________________
२४
पादलिप्तसूरि-कथानक तुटेणं निस्संकं तत्थागमणम्मि पंच-महसद्दो । अप्फालिओ तह जहा सद्दमंतं पुरं जायं
॥२४६॥ अवि य - मद्दल-करडिय-सुपडह-भाणय-संखाइया महासद्दा । हत्थवइत्तण-उभय-सपओग (?) मुहेहिं वज्जति ॥२४७॥ संपाडियग्घ-वाया-पडिवत्ती जाव तत्थ उवविट्ठो । पालित्तयसूरी ताव तत्थ तस्साणुभावेण
॥२४८॥ जंगम-तित्यमिहागयमिय-लोय-पवायओ तहिं राया । पत्तो तेणं आणदिएणं सो पूइओ सूरी
॥२४९ ॥ वर-वत्थमाइएहिं [33.A] संघेणं तह य सेस-लोएण । पहुणा वि तयं दिन्नं अग्गीणं बंभणाईणं
॥२५०॥ तत्तो साहुक्कारो उच्छलिओ सूरिणो नयर-मज्झे । नमिऊण सविणयं तं जंपइ राया सबहुमाणं
॥२५१ ॥ किं अम्हे मूलजाया जमित्तियं नावलोइया कालं । तुब्भेहिं तओ जंपइ सूरी महाराय निसुणेसु
॥२५२॥ विहरिउकामा वि इहं नो मुक्का मन्नखेड-संघेण । संघाइक्कमणं पुण दोसयरं मूलजायाओ
॥२५३॥ अज्ज उणपहर देसे तित्थाणं वंदणथमम्हेहिं । विण्णत्तेणं संघेण जंपिया जइ पुणो एत्थ
॥२५४॥ दिवसस्स दु-जामंते आगंतुं [33.B] कुणह भोयणं तुब्भे ।। तो वच्चह अम्हेहिं पडिवनं ता इओ राया
॥२५५ ॥ उज्जित-महुर-सत्तुंजएसु तित्थेसु वंदिउं देवे । गंतव्वं तत्थ पुणो सोऊणेवं तओ राया
॥२५६॥ जंपइ चलण-विलग्गो सगग्गयं नेय सूरि जोग्गो हं । तुम्हं निरंतर-दसणस्स तह वि कल्लं दिणारब्भ ॥२५७॥
Jain Education International
For Private & Personal Use Only
www.jainelibrary.org
