________________
प्रबन्ध-चतुष्टय तओ स्ना निरूवियं पासोवविट्ठाए सुठु-वियक्खणाए भोगवइ-विलासिणीए । समुहा (?) वि परम-सावियत्तणओ एसो दरिसण-पहावणाए समओ त्ति चिंतित्ता भणइ -'देव ! स-गुण-कित्तण-किरणो, ताव ण जणिदु हरिसमुलसइ । जा ललइ न पालित्तयसूरि-रवी निस्वम-गुणंभू ॥'
सोउं चेमं राया भणइ -'को एस पालित्तयसूरी ?' तीए वि साहियं तच्चरियं । तं च सोउं विम्हिओ राया भणइ-'कत्थ सो संपयं चिट्ठइ ?' तीए वि 'मण्णखेडे' त्ति कहिए स्ना सूरि-संगमुम्माहिएणाणतो तस्सायणत्थं संकरो नामओ संधिविग्गहिओ।
ताव मच्छरिओ विहप्पई भणइ-'देव ! बुद्धि-किरणेहि मम पुरओ सो न सूराईही ।'
पंचालो भणइ-'सूराईओ वि कवित्त-किरणेहि मम पुरओ अत्थमिही।' भोगवई भणइ-'देव ! अत्थमिउं पि पुणो सो सूराईही त्ति मण्णे ।'
तओ रण्णा - 'अहो ! मरिउं पि जो जीवइ तस्सापुव्वं विउसत्तणं ! ता संकर ! मण्णखेडे गंतुं कण्हडरायं च मोक्कालाविऊणाणेसु सिग्धं पालित्तयसूरिं।' ति वोत्तुं विसज्जिओ संकरो । - तेणावि ववसिए निय-सामि-समाइढे सुठु समाणंदिओ कण्हडराओ। पट्ठविओ य णेण सव्वत्थोचिय-किच्च-संपायणत्थं निउत्त-निय-सुपरिवार-सामग्गीए विचित्त-संघ-सहिओ पालित्तयसूरी ।
___ पत्ते य तम्मि पइट्ठाणपुरासण्णे जाणाविओ संकरेण सालिवाहणो । सो वि हरिस-विसेसओ कारित्तु पुरे हट्टसोहाइ-महूसवं सयं संचलिओ सपरिवारो जा सूरिसम्मुहं तावागओ लोयप्पघोसं साओमत्तेयाइ (?)-सहिओ विहप्पई भणइ-'देव ! संपयं चेव परिक्खिस्सं सूरि-बुद्धि ।' राया भणइ-'परिक्खसु।' सो भणइ-'अस्थि कोइ तारिसो देव-परिचारओ जो जंभावंतो वि हत्थट्ठिय-सुहर-भायणाओ नोदगाइ छड्डेज्जा ?' रण्णा वि 'अत्थि' त्ति वोत्तुं सद्दाविओ हीरओ नामाईव-थिरहत्थो सूरवालो विस्साविजिओ (?) त्ति काऊणुवट्ठिओ पुरओ। दरिसिओ विहप्पइस्स । तेणावि साहिओ जहा सूरि-बुद्धि-परिक्खणोवाओ।
तहेव रण्णा सिक्खवित्ता पेसिओ सूरि-समीवे विघि(?घ)रिय-घय-भरियवट्टय-दच्छो(?हत्थो) हीरओ । सो वि गओ । तं दरिसित्ता सूरि भणइ - 'मंगलीयमिमं तुम्हें सम्मुहं पवीण-पुरिसेहिं पेसियं ।' सूरिणा वि लक्खियं जहा,
Jain Education International
For Private & Personal Use Only
www.jainelibrary.org
