________________
६७६
कइया वि सो करेणुक्खंधगओ छत्तअंतरियतरणी । तरुणीकरसंचालियसियचमरविइज्जमाणतणू || ८६८४ ॥ नाणा जाणट्ठियमित्तमंडली मंडली य कयवेढो । चलिओ कुमरो आराममुत्तमं पेच्छिउं सबलो ॥। ८६८५ ।। भूरिकविंजलकलियं दुहा वि जं ठिओ व सपामरकुलं च । सहइ सुवन्नासणसंगयं सया रायभवणं च ॥ ८६८६ ।। पत्तो य तम्मि पविसर तालीहिं तालसालतलकलिए । कुवलीकयलीलवलीलवंगनारंगचंगम्मि || ८६८७ ॥ अवरावररमणीयारामपरंपरपरिब्भमणखित्तो ।
सिरिअणंतजिणचरियं
मुत्तुं गयनमल्लीणो अंबयवणदक्खमंडव ॥ ८६८८ ॥ अंबयसाहाकयवज्जकिरणभरकिन्नकणयदंडम्मि । दोलोपल्लंके तूलियाए आरुहिय उवविट्ठो ॥ ८६८९ ॥ फारक्कधणुद्धरकुंतकरनराकुमरपिट्ठिमणुसरिया ।
पुरओ उवविट्ठा मंडलीय - सामंत - मंति- सुया । ८६९० ।। पडुपडहमंजुमद्दल आलवणी वेणुसद्दसम्मिस्सं । पारद्धं गाएउं चरिडं कुमरस्स रमणीहिं ॥ ८६९१ ॥ कुमरो वि मणोगयरायवासणावसअलद्धलक्खत्थो । इसिपकंपिरसिरो वीणं वायइ नियकरेहिं ॥ ८६९२ ॥ एत्थंतरम्मि गयणाओ मणियाभरणभूसियसरीरो । अवयरिडं संपत्तो कुमरपुरो किंनरी नियरो || ८६९३ ॥ तम्मज्झाओ उत्तमरूवाए किंनरीए एक्काए ।
नमिय सविणयं पेच्छणयपेच्छमब्भत्थिओ कुमरो ॥। ८६९४ ॥ संपत्ताएसाए महापसाओ त्ति जंपिडं तीए ।
पारद्धं पेच्छणयं कुमरपुरो परियणजयाए । ८६९५ ॥
वज्र्ज्जतवेणुवीणासराणुविद्धेण दिव्वराएण । हुफिय कंपिय कुरलिय मुद्दिय कागलियरूवेण ॥। ८६९६ ॥
Jain Education International
For Private & Personal Use Only
www.jainelibrary.org
