Angavijja

SR No.: 001439
Original Sutra Author: N/A
Author: Punyavijay, Dalsukh Malvania, H C Bhayani
Publisher: Prakrit Text Society Ahmedabad
Publication Year: 2000
Total Pages: 470
Language: Prakrit
Classification: Book_Devnagari, Agam, Canon, Jyotish, & agam_anykaalin
File Size: 12 MB

Page 356

बावीसइमं पडलं] एगूणसट्ठिमो कालज्झाओ
२५३ तेल्ल-घते गुल-वण्णे एसेव गमो तु सव्वधण्णेसु । मणि-मुत्ते रयणेसु य रुप्प-हिरण्णे सुवण्णे य ॥ ८९ ॥ पंचविधो य अवायो यो गहण-णिचयेसु भंडाणं । अग्गी उदकं चोरा राया य तिरिक्खजोणीयं ॥ ९० ॥ . दिव्वो भवति अवाओ उसुण हिम अग्गि मारुतो आपं । मणुयगतम्मि य राया चोरा सयणो परजणो य ॥ ९१ ॥ सव्वेसु अप्पसत्थेसु अपायो पुव्ववण्णितेसु भवे । णट्ठविणढे जोणिंगते य [..........] अवहिते चेव ।। ९२ ॥ पुव्वपरिकित्तिएसु तु वासुप्पातेसु अप्पसत्थेसु । उदकातो हु अपायो एत्थ णिस्संकितो बूया ॥ ९३ ॥ 5 मुण य तिरिक्खजोणी तिरिक्खजोणीगओ अपाओ त्ति । दसणपादुब्भावे असुभा य तिरिक्खजोणीए ॥ ९४ ॥ रायदंडे कोटे य आणकोवत्तणे य पणए य । रायग्गहेसु य कयक्कए य मुण रायदंडो त्ति ॥ ९५ ॥ गाहण-कालक्खवणा खया पाणपराभियोगेसु । गुत्तिं अंदु-णिगलेसु बद्ध-रुद्धेसु सव्वेसु ॥ ९६ ।। पंचमहाकारणकारणेसु सव्वेसु रायदिढेसु । रायभये सव्वम्मि तु रायकुलगतो अपायो तु ॥ ९७ ।। उण्हे वा णिस्ससिते मणसंतावे य अंगदाहे य । हक्कार-रुदित-कंदित-भयहुते रुद्धमाबद्धे ॥ ९८ ॥ 10 उण्हहते व उदके व कुथिते तध तुच्छ दड्डे वा । अग्गीतो हु अवायो धूमाणुगते य आहारे ॥ ९९ ॥ तिरियंगाणामासे तिरिक्खजोणीगते य सव्वम्मि । उवकरणोवखरगते तिरिक्खजोणीय संदेहो ॥ १०० ॥ उंदुर-मुत्तोली या अत्थिला कीडा किविल्लिकाओ य । दाढी णंगूली संगिणो य णहि-सज्जवाला य ॥ १०१॥ जलचस्-थलचर-खगचारिणो य पक्खी चतुप्पदा चेव । अवरझंति णराणं असुभा जे अप्पसत्था य ॥ १०२ ॥ तेसिं पादुब्भावे सद्दे रूवे दवक्खरकते य । तेरिक्खिसु य अवायो त्ति एव णिस्संसयं बेहि ॥ १०३ ॥ 15 इत्थिअतिसंधणायं णियडी-कवडेसु वंचणादीसु । चोरुप्पत्तिं बूया हित-महिताविज्झणायं च ॥ १०४ ॥ कूडतुल-कूडमाणं कूडहिरण्णे य कूडलेहे य । चोरुप्पत्ति बूया आयरणायं च सव्वायं ॥ १०५ ॥ सव्वेसु पावकम्मिसु हिंसके होढकेसु य णरेसु । वीसत्थपाणहरणे य अवायं चोरतो विज्जा ॥ १०६ ॥ अवि धावह कूवित-कंदितेसु हित-मारिते य छिण्णे य । चोरुप्पत्तिं बूया सव्वेसु य चोरलिंगेसु ॥ १०७ ॥ जध विपुला उप्पाता तध विपुलं णिद्दिसे अपायं ति । मज्झिमके मज्झिमकं अप्पसारेसु अप्पं तु ॥ १०८ ॥ 20 दिण्ण-परिविट्ठ-वत्तुस्सयम्मि झीणे य भोज्ज-पेयम्मि । णटे पम्हुटु पडिसामिते य पडिसाहणायं च ॥ १०९ ॥ वेस्से दोभग्गे अप्पिते य णिच्चक्किते य चकिते य । उक्कंठिय परितंते य छेइया सव्वभंडेसु ॥ ११० ॥ एवं अग्घपमाणं एतेण गमेण सव्वभंडाणं । सव्वपणितेसु य तधा तिविधो सारो मुणेयव्वो ॥ १११ ।।
तं जधा-साली-वीही-जव-गोधूमादिसु सणसत्तरसेसु धण्णेसु अग्घपमाणं विण्णातव्वं भवति । एवमेव पुप्फ-फलेसु, तेल्ल-घतादिसु णेहेसु, लवणादिसु छसु रसेसु, कप्पासादिसु य सव्वछादणेसु, रुप्प-सुवण्णादिसु य 25 सव्वलोहेसु, वइस्-वेरुलिकादिसु य सव्वरतणेसु, मणसिलादिसु सव्वधातुसु, अगुरु-चंदणादिसु सव्वसंखितेसु, सव्वमूलजोणिसु सव्वतण-कट्ठेसु य, मणुस्सादिसु य सव्वपाणजोणिसु, सव्वम्मि चेव परिणभंङ-पणितगते समणुगंतव्वं भवति । उत्तरं च सविसेसं सुवुट्ठीपडिपोग्गलं दुभिक्खपडिपुग्गलं च धण्णग्धं बूया । सुवुट्ठिपडिपोग्गलं च दगभायणेहि सुक्खेहि तिरोगेहिं आपजोणिक्खयेण णिद्ध-लक्खत्तणेण उल्लाणं सक्खत्तणेण तण्हाइत-पिपासिताणं च अपार अवुढेि बूया । अवुट्ठीयं पुण जावतिकाणि वुट्ठिसंभवाणि धण्णादीकाणि सव्वमूलजोणीकाणि एतेसिं अणिप्फत्ती पियंकरं 30 च बूया ॥
॥ एवं भगवतीय अंगविज्जाय महापुरिसदिण्णाय [ बावीसइमं ] अग्घप्पमाणं [ पडलं ] सम्मत्तं ॥ २२ ॥ छ ।
१ वातुप्पा हं० त० विना ॥ २ 'माविट्ठे हं० त० विन्न ॥ ३ भुच्छद हं० त० विना ॥ ४ विज्जयाणं च हं० त० ॥ ५ अभिधाहव कू हं० त० विना ॥ ६ गलतं वण्णयं बूया हं० त० ॥ ७ 'हिं णिरोगेहिं हं० त० विना ॥ ८ "णिखग्गेण हं० त० ॥