Angavijja

SR No.: 001439
Original Sutra Author: N/A
Author: Punyavijay, Dalsukh Malvania, H C Bhayani
Publisher: Prakrit Text Society Ahmedabad
Publication Year: 2000
Total Pages: 470
Language: Prakrit
Classification: Book_Devnagari, Agam, Canon, Jyotish, & agam_anykaalin
File Size: 12 MB

Page 352

एकवीसइमं पडलं] एगूणसट्ठिमो कालज्झाओ
२४९ मज्जविधी खज्जविधी फल-हरितक-सुसिप्पिककडे वा । सुभमसुभे वाऽऽहारे उत्तममासे जहण्णे य ॥ २७ ॥ जं जिस्से वेलायं आहारविधि णिसेवए मणुया । सा वेला णातव्वा तस्साऽऽहारस्स लद्धीय ॥ २८ ॥ देवतसेतूणं वा णवकरणं वा वि उज्जवणिका वा । वय-णियमाणं गहणे दाण-विसग्गे य साधूणं ॥ २९ ॥ जं जीसे वेलायं पारत्तहितं णरा समीहंति । सा वेला णातव्वा तस्सुपातस्स लद्धीय ॥ ३० ॥ वाणियववहारगते दिवसववहारे ठिते य ववहारे । भंडपणियस्स कय-विक्कए य णियए विसग्गे य ॥ ३१ ॥ 5 जं जीसे वेलायं ववहारं तु वणिया समीहंति । सा वेला णातव्वा गहण-विसग्गेण भंडाणं ॥ ३२ ॥ कस्सेण कासकाणं वापण्णे खेत-खलकम्मजोगे य । धण्णाणं गहणे संगहे य वेला तु जा जत्थ ॥ ३३ ॥ जं जीसे वेलायं कम्मारंभं तु कासका कुणते । सा वेला णातव्वा तस्सुपायस्स लद्धीय ॥ ३४ ॥ जं वेलं जं कम्मं सुभमसुभं माणुसा णिसेवंति । सा वेला णातव्वा कम्मुप्पत्तीय पुरिसाणं ॥ ३५ ॥ थीणं पि सव्वकम्मेसु जाण रंधणक-भोयणादीसु । जं वेलं जं कम्मं करेति तं वेलमो जाण ॥ ३६ ॥ 10
॥ पडलं [वीसइमं] ॥ २० ॥ छ ।
[ एकवीसइमं पडलं] तद्दिवसजातकं दिस्स दारकं जाण सूरमुग्गमणं । किंचुग्गयम्मि सूरे गोरे उत्ताणसेज्जम्मि ॥ १ ॥
ओसूतकं कडिगेज्झकं दारकं दिस्स अचिरुट्ठितं सूरं बूया । ओवातं दारकं दिस्स परिच्चकम्मंतं पातरासवेलं बूया । ओवातं दारकं लेहिच्चकं दिस्स उच्चपातरासं बूया । ओवातं दारकं तरुणजुवाणं दिस्स पुव्वण्हं बूया । ओवातं 15 तरुणं दिस्स जुवाणं अणुमज्झण्हं बूया । ओवातं पुरिसं मंज्झवयं दिस्स मज्झंतियं वेलं बूया । ओवातं पुरिसं पवत्तपलितं दिस्स उव्वत्तमज्झण्हवेलं बूया। ओवातं पुरिसं मिस्सपलितं दिस्स उच्चावरण्हवेलं बूया । ओवातं पुरिसं दिस्स पव्वपलितं अवरहं बूया । ओवातं पुरिसं दढपकम्महत्थं दिस्स ओलंबमाणं सूरं बूया। ओवातं पुरिसं खट्टासमारूढं दिस्स अत्थमितं आदिच्चं बूया । उत्ताणपस्सिकं दारिकं दिस्स संझावेलियं बूया । कडिगेज्झिकं दारिकं दिस्स दीववेलियं बूया । पंचकम्मंतिकं [दारिकं] दिस्स पाकंतरं ति बूया । वत्तवोलिकं दारिकं दिस्स पाकडितणक्खत्त-तारं बूया । 20 उब्भिज्जमाणथणिकं दारिकं दिस्स जामवेलिकं बूया । जोव्वणवत्तं दारिकं दिस्स तिण्णयामं बूया । महाकुमारि दारिकं दिस्स अड्डरत्तं जाणीया । मज्झिममहिलं पविआतं दिस्स वत्तवरत्तं बूया । बहुप्पयातं जुण्णं दिस्स महागोसग्गं बूया । वुड्ढे णिव्वियातं दिस्स विधवं वा पासंडवद्धं महिलगोसग्गं वेलं बूया । ओवाते[सु] पुरिसेसु जोण्हपक्खं बूया । कालकेसु पुरिसेसु कालदिवसे बूया । सामेसु पुरिसेसु मिस्ससंधि बूया । ओवातासु इत्थिकासु जोण्हरत्ति, बूया । कालिकासु इत्थिकासु कालरति बूया । सामासु इत्थिकासु मिस्सा पुण्णमासद्धरति बूया । ओवातसामेसु पुरिसेसु जाव 25 जोण्हपडिपदातो जोण्हट्ठमित्तो त्ति जोण्हदिवसे बूया । ओवातेसु पुरिसेसु जोण्हट्ठमीतो पाय याव जोण्हपुण्णमासीतो दिवसे बूया । कालसामेसु पुरिसेसु जाव कालट्ठमीतो पाय याव चतुद्दसातो त्ति कालदिवसे बूया । ओवातसामार इत्थिकाय जाव जोण्हट्ठमीतो त्ति जोण्हरत्तिं बूया । ओवातासु इत्थिकासु जोण्हट्ठमीतो पाय जाव पुण्णमासीतो त्ति जोण्हरत्तिं बूया । कालसामासु इथिकासु कालट्ठमीतो त्ति कालरर्ति बूया । कालिकासु इत्थिकासु कालट्ठमीतो पाय जाव कालचाउद्दसातो त्ति कालरत्तिं बूया । ओवातं उत्ताणसेज्जं दिस्स जोण्हपडिपदं बूया । ओवातदारकस्स 30 सरीरजोव्वणपरिवड्डीय जाव तरुणसम्मत्तजोव्वणातो त्ति य दारकपरिवड्डीय जाव पुण्णमासीतो त्ति वत्तव्वं । एवमेव कालकदारकपरिवड्डीय कालपरिवड्डी बूया ।
१ गते दीसववहारे भिए य हं० त० ॥ २ दिव्वपरच्चकंतपा' हं० त० ॥ ३ मज्झगयं दिस्स मज्झम्मियं हं० त० ॥ ४ “स्सायो संधि रत्तिं हं० त० विना ॥