Angavijja

SR No.: 001439
Original Sutra Author: N/A
Author: Punyavijay, Dalsukh Malvania, H C Bhayani
Publisher: Prakrit Text Society Ahmedabad
Publication Year: 2000
Total Pages: 470
Language: Prakrit
Classification: Book_Devnagari, Agam, Canon, Jyotish, & agam_anykaalin
File Size: 12 MB

Page 343

२४०
अंगविज्जापइण्णयं
[णवमं पडलं . हत्थी पव्वतमत्तो अस्से य भवंति मालवंतो त्ति । वसभो य हत्थिमेत्तो त्ति बेंति संवच्छरुप्पाता ॥ १३ ॥ पक्खीसु माणुसेसु य कीडेसु चतुष्पदेसु य तधेव । पुष्फफले दव्वेसु य वस्साणि अतिप्पमाणेसु ॥ १४ ॥ अतिकायेसु वि य तधा जति काया पिंडिता व गणिता वा । तति वस्सा तव्वा भवंति वस्सप्पमाणम्मि ।। १५ ॥
वस्सगणणाविभंगं पण्णरसविधं पुणो वि वोच्छामि । पंचहि वि मूलवत्थू एकेण तधा विभंगेणं ॥ १६ ॥ भिण्णदसक्खपमाणं वस्साण पुणो मुहुत्तवग्गम्मि । दस चत्तारि य वस्साणि जाण दिवसप्पमाणेसु ॥ १७ ॥ पण्णरस चेव वस्सा पक्खपमाणेण होंति णातव्वा । मासपमाणे तीसा चत्ता पण्णा य सट्ठी य ॥ १८ ॥ सट्ठी व सत्तरी वा असिती णउती सयं च जाणेज्जो । वस्सपमाणुप्पाते वस्साण सहस्सवग्गे वा ॥ १९ ॥ मुहत्तप्पमाणमसारे तिण्णेव भवंति वस्साणि । छम्मासमसारेसु तु तध य महासारवंतेसु ॥ २० ॥ दिवसप्पमाणमसारे दस वस्साणि तु भवंति णेयाणि । चोद्दस मज्झिमसारे वीसा य भवे महासारे ॥ २१ ॥ पक्खपमाणमसारे पण्णरसेव तु हवंति वस्साणि । तीसं व मज्झसारे पणतालीसा महासारे ॥ २२ ॥ मासं पमाणसारे तीसा चत्ता य मज्झसारम्मि । पण्णासा सट्ठी वा मासपमाणे महासारे ॥ २३ ॥ वस्सपमाणमसारे सट्ठी वा सत्तरि व्व वासाणि । मज्झिमकम्मि असीती णवुती व सतं महासारे ॥ २४ ॥ कोडी अपरिमितं वा अपरिमितेहिं मुण सव्वभावेहिं । ऊणाधिको दसाहो संजोगविहीहिं बोधव्वो ॥ २५ ॥ जे पुव्वं उप्पण्णा पंचविधा विसमकं उदीरंति । जे आसण्णा बहुका धुवा य ते वग्गमूलाणि ॥ २६ ॥ G जति मिस्सा उग्घाया पंचविहा विसमकं उदीरंति । जे आसण्णा बहुका धुवा य ते वग्गमूलाणि ॥ २७ ॥ जे थोवा जे तुल्ला दूरे पच्छा य जे उदीरंति । ते वस्सदसक्खाणं वग्गग्गं होति णातव्वं ॥ २८ ॥ वस्सपमाणुप्पाता जति तति वस्साणि होंति अंगेसु । जति मूले विण्णाते पुणरवि एते उदीरंति ॥ २९ ॥ मासपमाणुप्पाता जति तति मासा हवंति अंगेसु । जति मूले विण्णाते पुणरवि एते उदीरंति ॥ ३० ।।
G पक्खपमाणुप्पाया जति तति पक्खा हवंति अंगेसु । जति मूले विण्णाए पुणरवि एए उदीरंति ॥ ३१ । दिवसपमाणुप्पाता जति तति दिवसा हवंति अंगेसु । जति दिवसदसक्खाणं पुणरवि एते उदीरंति ॥ ३२ ॥ जति तु मुहत्तपमाणा तति तु मुहुत्ता हवंति अंगेसु । जति वस्सदसक्खाणं पुणरवि एते उदीरंति ॥ ३३ ॥ मूलदसक्खे ऊणे दसट्ठ वस्साणि अग्गकं होति । मासा वा पक्खा वा दिवस-मुहुत्ता व णातव्वा ॥ ३४ ॥ वस्साणि य विण्णाते केवतिया केत्तियाणि वि पुणो वि । तावतिया णातव्वा कतम्मि पण्णाविसेसम्मि ॥ ३५ ॥ सुहुमाणि बादराणि य जति दव्वाणि गणणागते होंति । तति वस्सा णातव्वा पक्खा दिवसा मुहुत्ता वा ॥ ३६ ॥ जध कालो तध लाभो तध य सुहं जीवियं तध य दिग्धं । तध दव्वाणं सारो तध ठाणगुणा य बोधव्वा ॥ ३७॥
॥ पडलं [अष्टमं] ॥ ८ ॥ छ ।
25
[णवमं पडलं] • पासुत्त निसीधं ति य मोण णिसद्दो तधेव थिमियं ति । मंतो अ रहस्सं ति य अपरिमितो जायते कालो ॥ १ ॥
दुक्खं उव्वेल्लेउं वल्लिपरिपल्लकं ति गुपितं ति । एयादीया सद्दा पडिरूवा दिग्घकालस्स ॥ २ ॥ धण-धण्ण-रयणरासीसु चेव जुद्धे व सव्वसत्ताणं । अपरिमिता उप्पाया अपरिमिते होंति कालम्मि ॥ ३ ॥ लोको वेदो समयो अत्थो धम्मो तधेव कामो त्ति । अपरिमिता बोधव्वा अविभत्तसमासवग्गेसु ॥ ४ ॥
वंदं संघो त्ति गणो महाजणो आउलं णिकायो त्ति । रज्जं देसो त्ति य जणपदो त्ति कालो अपरिमेज्जो ॥ ५ ॥ १ मज्झे अहं० त० ॥ २ वत्तव्वा हं० त० ॥ ३ हस्तचिह्नान्तर्गतोऽयं श्लोक: हं० त० एव वर्त्तते ॥ ४ हस्तचिह्नान्तर्गतोऽयं श्लोक: हं० त० एव वर्त्तते ॥ ५ 'ग्गिकं हं० त० विना ॥ ६ वल्लिए परिपल्लं ति अपि ॥ हं० त० ॥